PSALMS 110:3 - Ottawa New Testament Penteteuch and Psalms 1874

³ Tahpuggedenedezoowug egewh ahnishenahbag uhpe mashkahwezeyun, tahkechetwahkoonuhyawug ewh menoo‐ezhewabezewine‐ahgwewin: wuhyahbungin tahpuhsegwewug kedooshkenegemug debishkoo uhpe mandookuk uhkeeng.

PSALMS 110:3 Iomraidhean Croise

PSALMS 29:2

Kechetwahwanemik owh Jehovah debishkoo anandahgwudenig oodezhenekahzoowin: oojecheengwuhnetuhwik Jehovah emuh menoo‐ezhewabezewining.

PSALMS 96:9

O shahgushketuhwik owh Jehovah emuh memoo‐ezhewabezewine‐pezhegandahgoozewining: sagezeyook anahsuhmuhbid kuhkenuh kenuhwah akeeweyag.

OODEZHECHEGAWINEWAH 1:8

Kegahoodahpenahnahwah dush ewh mushkahwezewin, uhpe keöodissenag owh Keche‐Oojechaug: kegahdebahjemim dush emuh Jerusaleming, kuhya kuhkenuh anegookwaug Judæa, kuhya Samaria, kuhya nahnauzh wuhyaquahkummegaug uhkee.

OODEZHECHEGAWINEWAH 19:20

Apeeche kekeche‐mahjegemahguk Kesha‐Muhnedoo oodekedoowin kuhya keshahgoojeëwamahguk.

OODEZHECHEGAWINEWAH 2:33

Ookechenekahning dush enewh Kesha‐Muhnedoon keëzheoombenegahzood, kemeenegood dush enewh Wayoosemindjin enewh Keche‐Oojechaugwun, kahezhewahweenduhmahwindebun, mesuh wanje‐segenuhmahweyummingid oo‐oo noongoom wuhyahbunduhmag kuhya nwaunduhmag.

OODEZHECHEGAWINEWAH 2:41

Me dush egewh wawane kahoodahpenungig ewh oodekedoowin kebaptizooähwug: ewh edush goo kezheguk, kenesoo‐metauswaukoosewug egewh kahtahquahnooninjig emuh ahnuhmeähwining.

OODEZHECHEGAWINEWAH 21:20

Uhpe dush kahnoonduhmoowaud oogewahwezhanemahwaun enewh Tabaninganejin, oo‐oo dush keënahwaud, Kewahbuhmaug wawejekewaëmegooyun, menik duhsoo metauswaukoosewaud egewh Jewyug duhyabwayandungig; kuhkenuh dush oogoo oosahgetoonahwah ewh tebahkoonegawin.

OODEZHECHEGAWINEWAH 4:4

Nebewah dush egewh kahnoondungig ewh ekedoowin kedabwayanduhmoog; nauning‐metauswauk keduhchedooganug egewh enenewug.

II. CORINTHIANUN 13:4

Ahnahween goo keëzhesuhsuhgahquahoond emuh shahgwewewining, bemahdeze dush ween oonje oomushkahwezewining owh Kesha‐Muhnedoo. Nenuhwind mahween mahmahwe neshahgwewemin, ningahweeje‐bemahdezemahnaun dush oonje oomushkahwezewining owh Kesha‐Muhnedoo kenuhwah anuhkuhkayah.

II. CORINTHIANUN 8:12

Kishpin mahween netum duhgoomahguk enanduhmoowin, oodahpenegahda debishkoo azhetebenuhwawezid enene, kahween debishkoo azhetebenuhwawezesig.

II. CORINTHIANUN 8:16

Tahmahmooyahwahmah owh Kesha‐Muhnedoo, kahahtuhmahwaud emuh oodaëning enewh Titusun ewh nahsaub keche enanduhmoowin kenuhwah oonje.

EPHESIANUN 1:4

Debishkookahezhewahwanahbuhmenung emuh Christing chepwah mahje‐oozhetoong ewh uhkee chemenoo‐ezhewabezeyung kuhya ningood wuhsittahwandahgoozesewung emuh anahsuhmid emuh sahgeëwawining:

PHILIPPIANUN 2:13

Kesha‐Muhnedoo muh ahwe owh anookeed emuh peenjenuh keyowewaung cheënanduhmag kuhya cheëzhechegayag debishkoo ween azheminwandung.

THESSALONIANUN 4:7

Kah muh ewh Kesha‐Muhnedoo kegeöonje‐nundoomegoosenaun cheweenezeyung, chemenoo‐ezhewabezeyung atuh.

ENEWH TITUSUN 2:14

Owh kahpuggedenedezood kenuhwind oonje, chewabenuhmoonung kuhkenuh mujje‐ezhewabezewinun, chepeeneäud enewh ween katebanemahjin oodahnishenahbamun, chekeche‐minwawezenid emuh menoo‐ahnookeewining.

HEBREWUN 13:21

Keche‐menoo‐ezhewabezeënag emuh kuhkenuh menoo‐ahnookewining cheähnookeetuhmag ween oodenanduhmoowin, kuhya cheöozhetoomoonag emuh keyowewaung ewh manwandahgwuk emuh ooshkinzhegoong, oonje Jesus Christ; owh kapezhegandahgoozid kahgenig kuhya kahgenig. Amen.

REVELATION 7:9

Kahishquah‐ezhewabuk oo‐oo ningeënaub, benuh dush keche‐nebewah mahyahmahwenoojig, ahweyah kakushketoosegebun chetaühgemaud, ahnooj azheweenzojig, kuhya pakaunezejig ahnishenahbag, kuhya ahnooj anwajig bamahdezejig kenebahwewug anahsuhme‐ahyahnig ewh oogemah‐wuhbewin, kuhya anahsuhmid Mahnishtahnisheens, kewahbishke‐koonuhyawaud, kuhya ketuhkoonahmoowaud palm‐minahgahwunzhe‐wuhtikwaunsun;