PSALMS 102:18 - Ottawa New Testament Penteteuch and Psalms 1874

¹⁸ Tahoozhebeëgahda oo‐oo cheöonje‐kekanduhmoowaud egewh kaähneka‐bemahdezejig: kuhya ahnishenahbag kayahba kaöozheïndjig oogahwahwezhanemahwaun Jehovahun.

PSALMS 102:18 Iomraidhean Croise

PSALMS 48:13

Nahnahgahdahwahbunduhmoog swaungungin oowahkahegunun: nahnahgahwanduhmoog oodoogemah‐weguhmigoon chewahweenduhmoowagwah egewh kaähneka‐bemahdezejig.

PSALMS 69:34

Mahnoo oogahwahwezhanemegoon kezhigoon kuhya uhkeen: kechegummeen, kuhya kuhkenuh pabahmuhkuhzhewanejin emuh.

PSALMS 71:18

Kegewahbunduhim nebewah kuhya sanuhgukkin ketemahgezewinun: nayob kegahmeezh bemahdezewin kuhya kegahpenauzh oonje ahnahmahkummig.

EXODUS 17:14

Jehovah dush oo‐oo oogeënaun Mosesun, Oozhebeün oo‐oo muzzenuheguning chemequanduhming, kuhya weenduhmowh Joshua chenoondung: wawane mah ningahkahsewah Amalek chemequanemahsewind, emah oonje uhnaume‐kezhigoong.

ST. JOHN 20:31

Oonoo dush oozhebeëgahdanoon chedabwayanduhmag Jesus cheähwid owh Christ, Oogwissun owh Kesha‐Muhnedoo; ewh dush dabwayanduhmag cheähyahmag ewh bemahdezewin emuh oodezhenekahzoowining.

ROMANUN 15:4

Wagoodoogwanun suh enewh kuhyet kahoozhebeegahdagebunan chekekenooähmahgooyung keöonje‐oozhebeëgahdawun, kenuhwind emuh aunwahdanduhmoowining kuhya manoo‐daäshkahgamahguk kechetwah‐oozhebeëgunun cheöondenuhmaung ewh ahpanemoowin.

I. CORINTHIANUN 10:11

Benuh dush kuhkenuh oonoo uhyeëen keëzhewabudene, chewahbundahegooyung: kuhya chekuhgekemegooyung oonje‐oozhebeëgahdawun kenuhwind puhguhmish-kahgooyung ewh uhpe gagah weïshquah‐uhkeewung.

EPHESIANUN 2:10

Kenuhwind muh keduhwemin ewh oodahnookeewin, keöozheënung emuh Christ Jesusing cheöonje‐menoo‐ezhewabezeyung, kuhyet kahenahkoonegagoobunan Kesha‐Muhnedoo chebemoosayung emuh.

II. PETER 1:15

Menuhwah dush ningahwekoojetoon chekushkeöoyag uhpe keishquah‐bemahdezeyaun moonzhug chemequanduhmag oonoo uhyeëen.