PSALMS 100:3 - Ottawa New Testament Penteteuch and Psalms 1874

³ O peendegag emuh oodishquaundaming chemahmooyahwahmag kuhya emuh oowegewahming chewahwezhanemag: megwachewanemik kuhya menooduhzhindahmahwik oodezhenekahzoowin.

PSALMS 100:3 Iomraidhean Croise

PSALMS 119:73

Kegeoozhetoon neyow keneenjeen keähyooyun: mahnoo ningahnesittootaunun kuhya ningahkekenooähmahgoonun kuhkenuh kekuhgequawinun.

PSALMS 12:4

Oo‐oo kahekedoowaud, Nindanuhnewhenahnin ningahkoopujjeëwamin: tabenuhwa nindoonenaunin netebandahnahnin: ahwanan Tabanemeyungid?

PSALMS 149:2

Israel oogahmoojegezetahwaun enewh Wazheegoojin: Zion oonejahnesun tahoonahnegwanduhmoon oonje ookeche‐oogemahmewaun.

PSALMS 46:10

Pezaunuhbik kuhya kekanduhmook cheKesha‐Muhnedooweyaun: neen ningahkechetwahwanemegoo emuh anduhnuhkeewand egewh anuhmeähsegoog, ningahkechetwahwanemegoo oomuh uhkeeng.

PSALMS 78:52

Oogesahgejewenaun enewh oodahnishenahbamun debishkoo mahnishtahnishug, kuhya oogesahgahbegenaun debishkoo ahweyah azhesahgahbegenaud enewh mahnishtahnishun emuh bahgwuhduhkummig.

PSALMS 79:13

Mesuh kaöonjemahmooyahwuhmegooyun nenuhwind kedahnishenahbamug kuhya kemahnishtahnishemug ashummudjig ahyahweyaung: ningahwahbundahewamin kewahwezhanemegoowin kahgenig ahpena kahgenig.

PSALMS 95:3

Ween mah Jehovah Keche Kesha‐Muhnedoowe: kuhya ahwahshema oogemahwandahgooze dush ween kuhkenuh Muhnedoon.

EXODUS 6:7

Kegahoodahpenenim dush cheöodahneshenahbamme enuhgoog, neen dush kuhya ningahdowh ke‐Kesha‐Muhnedoomewah: kegahkekandahnahwah dush neen ahweyaun Jehovah ke‐Kesha‐Muhnedoomewah, suhyahgejewenenag emah anduhzhe‐koodugge‐ühnooketuhwagwah egewh Egyptianug.

ST. JOHN 17:3

Mesuh oo‐oo kahgega‐bemahdezewin, chekekanemikwah keen atuh kagate Kesha‐Muhnedooweyun, kuhya enewh Jesus Christun kahezhenahzhahwud.

II. CORINTHIANUN 4:6

Owh mahween Kesha‐Muhnedoo, kahedung ewh wahsayahzewin cheöonje‐wahsayahmahguk emuh puhsuhgish‐tebekudoong, ningewahsashkahgoonaun emuh kedaënaung, ewh chemeenenung waysayahzewine‐kekandahsoowin, chekekanduhmaung ewh oopezhegandahgozewin owh Kesha‐Muhnedoo emuh ooshkinzhegoong Jesus Christ.

EPHESIANUN 2:10

Kenuhwind muh keduhwemin ewh oodahnookeewin, keöozheënung emuh Christ Jesusing cheöonje‐menoo‐ezhewabezeyung, kuhyet kahenahkoonegagoobunan Kesha‐Muhnedoo chebemoosayung emuh.

DEUTERONOMY 32:15

¶ Jeshurun dush kewenenoo, kuhya kedungishkega: kewenin, kemungahbawiz, kedoonzaumoogaum; me dush kenuhguhnaud Kesha‐Muhnedoon kazhoozheëgoojin, kuhya kahween oogebuhbahmanemahseen enewh Oobemahjeëwa‐ahzhebikoon.

DEUTERONOMY 32:6

Me nuh oo‐oo mashquud ayindooduhwag owh Jehovah, O kakebahdezeyag kuhya nabwahkahsewag ahnishenahbadoog? kah nuh ween ahwese koos owh kahkeeshpenuhnik? kah nuh ween kegeöozhegoose, kuhya kegeöonuhdenegoose?

DEUTERONOMY 4:35

Keen kegewahbunduhegoo, chekekanduhmun Jehovah ahwid Kesha‐Muhnedoo; kahween ahweyah bakahnezid uhyahse ween atuh.

DEUTERONOMY 4:39

Kekandun suh dush noongoom, kuhya nahnahguhduhwandun emuh kedaïng, ewh Jehovah ahwid Kesha‐Muhnedoo ewede kezhigoong ishpeming, kuhya uhkeeng duhbuhsheesh: kahween ahweyah bakahnezid uhyahse.

DEUTERONOMY 7:9

Kekandun suh dush Jehovah ke‐Kesha‐Muhnedoom, ahwid Kesha‐Muhnedoo, natahdabwad Kesha‐Muhnedoo, kanuhwandung azhemushkuhwe‐wahweenduhmuhwaud kuhya katemahganemaud enewh suhyahgeëgoojin kuhya kanuhwanduhmenejin ookuhgequawinun nuhnauzh egoo medahswauk menik uhneähnekabemahdezenid;

I. PETER 2:25

Debishkoo muh mahnishtahnishug waneshingig kegeëzheähyaumwahpun, noongoom dush nayaub kegenaunzekahwahwah owh wamahnishtahnishe‐wenenemegood kuhya ganuhwanemaud enewh kejechaugoowaun.

I. PETER 2:9

Kenuhwah dush ween kagegenindjig ahnishenahbag kedahwim, kuhya wagemahwandahgoozejig sahsahgewejega‐wenenewug, ahnishenahbag pahnezejig, kuhya tabandahgoozejig kedahwim chewahbundahewayag ookeche‐peshegandahgoozewinun owh emuh magwa pesuhgish‐tebik kahoonje‐nundoomenag, cheëzhewenegooyag emuh mamaundahwudenig oowahsayahzewining:

I. PETER 4:19

Mahnoo egewh azhekooduggetoojig debishkoo azheahyahnig oodenanduhmoowin Kesha‐Muhnedoo, emuh menoo‐ezhewabezewining oogahpuggedenuhmoowahwaun oojechaugoowaun cheguhnuhwanemahnid, oonje ahwenid ayaungwahmezid Wazheëwad.

I. JOHN 5:20

Kekekandahmin dush ween kepetuhgwishing Kesha‐Muhnedoo oogwissun, kegemeenegoomin edush nebwahkahwin, cheöonje‐kekanemung owh duhyabwad, kuhya kekekishkahwahnaun owh duhyabwad, mesuh enewh oogwissun Jesus Christ. Mesuh owh kagate Kesha‐Muhnedoowid, mesuh kuhya owh ahyahwid kahgega‐bemahdezewin.