PSALMS 10:7 - Ottawa New Testament Penteteuch and Psalms 1874

⁷ Oodooning mooshkenamahgudene ewh mujje‐kekedoowin kuhya kuhkuhyanezewin kuhya wuhyazhingawin: ahnahme‐danewhing dahgoomahgudene mujje‐doodahgawin kuhya ewh kuhkebahdezewin.

PSALMS 10:7 Iomraidhean Croise

PSALMS 12:2

Kuhkebahje‐kezhwawug uhpe ganoonahwahjin weejduhnuhkeewamahgunewaun: kuhkenuhwishkemahgudene oodoonewaun, kuhya nezhenenewun oodaëwaun azhekekedoowaud.

PSALMS 140:3

Oogekeenahbootoonahwah oodanuhnewewaun debishkoo mujje‐kenabigoong: kenabegoo‐mujje‐mushkeeke emuh oodoonewaung duhgoomahgud.

PSALMS 140:9

Emuh ooshtequaunewaung egewh kawetah‐kahbahwetahwejig: mahnoo tahduhgoomahgudene tebenuhwa oomujje‐kezhwawinewaun.

PSALMS 144:11

Metahgwanemooweshin enewh ooneenjewaun egewh mayug‐ahnishenahbag: kakebahje‐kezhwajig emuh oodoonewaung, kuhya wuhyazhingamahgudene ookecheneenjewaun.

PSALMS 144:8

Kuhkebahje‐kezhwawug oonje oodoonewaung: kuhya wuhyazhingamahgudene ookeche‐neenjewaun.

PSALMS 36:3

Mujje‐kezhwa suh, kuhya wuhyazhinga emuh oodooning: ahzhe kepoone‐nebwahkah, kuhya kepoone‐menoojega.

PSALMS 41:6

Kishpin mahwuddesid, kuhkebahje‐kezhwa: kuhya oonahnahgaddahwandaun kuhkenuhwishkewin emuh oodaïng, uhpe dush kahsahguhung oowahweendaun suh.

PSALMS 5:9

Kahween gagoo oodahyaunsenahwah aungwahmezewin emuh oodoonewaung: keche‐mujje‐ezhewabezewug peenjenah, oogoondahgoonewaun debishkoo nasahkoosing chebaguhmig ezheähyahmahgudene; wekahzoongawug oodanuhnewewaun ahyoowaud.

PSALMS 50:19

Kepuggedenaun kedoon chemujje‐kekedoomahguk: kuhya kedanuhnewh ahnookeemahgud chewuhyazhingamahguk.

PSALMS 52:4

Kesahgetoonun kuhkenuh banahjeëwamahgukkin ekedoowinun: O wuhyahzhinga‐oodanuhneweweyun.

PSALMS 55:21

Debishkoo doodoosh‐pemedang ezheähyahmahgudenewun oodekedoowinun, ahnahween goo megahzood emuh oodaïng: ahwahshema nookahmahgudenewun oodekedoowinun dush ween pemeda, pooch enewun ahzhahwashkoong enandahgwud.

PSALMS 58:3

Egewh anuhmeähsigoog wuhnishenoowug oonje oogeewaun oomesudahwaung: puhkatahwug akoo‐negewaud, kuhkenuhwishkewaud.

PSALMS 59:12

Oonje mujje‐kezhwawaud emuh oodoonewaung kuhya oogijedoon mujje‐kekedoowaud tahoonje‐nuhgwahnahwug emuh oomenahdanemoowinewaung: kuhya oonje oomujje‐kezhwawinewaun kuhya ookuhkenuhwishkewinewaun.

PSALMS 59:13

Bahnahjewh emuh kenishkahdezewining, bahnahjewh cheïshquah‐ahyahwaud: mahnoo oogahkekandahnahwah ewh chekeche‐oogemahwid Kesha‐Muhnedoo emuh Jacob ooduhkeeming, kuhya peenish wuhyaquahkummegaug uhkee.

PSALMS 62:4

Tahkahkekedoowug cheniswabenahwaud oonje ookechetwahwandahgoozewining: oominwandahnahwah kuhkenuhwishkewinun; menoo‐kekedoowug emuh oodoonewaung, peenjenah atuh mujje‐kekedoowug.

PSALMS 64:3

Ookeennuhbootoonahwah oodanuhnewewaun debishkoo ahzhahahwashkoon: kuhya oogewahwazhetoonahwah ookeenwaukoomewaun, mesuh mujje‐ekedoowinun.

PSALMS 7:14

Oogewahwazhetuhmoowaun enewh enahbujjegunun weneshewad: ooweënahbujjeäun enewh keenwaukwun chewenesaud enewh nwahsoonaëwanejin.

PSALMS 73:8

Bahpenoodahgawug kuhya mujje‐kezhwawug, emuh minwahdanemoowining ooduhzhindahnahwah mujje‐doodahdewin.

St Matthew 12:34

Kenuhwah mujje‐kenabegoong wandahdezeyag, ahneen kaëzhekushketooyag magwah mujje‐ezhewabezeyag chemenoo‐kekedooyag? anushkenag muh oodaëmah mesuh azhekekedoomahguk oodoonemah.