PSALMS 1:2 - Ottawa New Testament Penteteuch and Psalms 1874

² Oominwandaun dush Jehovah ootebahkoonegawin kuhya oonahnahgahdahwandaun ootebahkoonegawin owh Kesha‐Muhnedoo tabekudenigin kuhya kahzhegudenegin.

PSALMS 1:2 Iomraidhean Croise

GENESIS 24:63

Isaac dush kesahguhum emuh mushkootang chenahkuhwa ahnuhmeäud, oonahgooshegoobun dush ewh uhpe; keöombishkinzhegwane dush kewahbuhmaud paquahwegunenejin petausuhmoosanid.

PSALMS 104:34

Tahminwandahgwud suh nenahnahgahdahwanduhmoowin kaëzhenahnahgahdahwanemug: ningahmoojegezetuhwah Jehovah.

PSALMS 112:1

Hallelujah! Shahwandahgooze enene quasaud Jehovahun: kache‐minwandung ookuhgequawinun.

PSALMS 119:1

Shahwandaagoozewug egewh quayukwahdezejig emuh meekunaung: bamoosajig emuh ootebahkoonegawining Jehovah.

PSALMS 119:11

Emuh nindaïng ningekahdoon kedekedoowin: cheöonjemujje‐doodoosenaun.

PSALMS 119:35

Weedookahweshin chetuhkookeeyaun emuh kekuhgequawine‐meekaunsing: mesuh ewh manwanduhmaun.

PSALMS 119:72

Ewh tebahkoonegawin kedooning kahooonjeemahguk: nahwuj nemenoo‐doodahgoon dush ween metauswauk duswahbik oozahwah shooneyaun kuhya shooneyaun.

PSALMS 119:92

Kishpin minwanduhsewaunbaun ketebahkoonegawin: nindahgenesegoon nekooduggeëgoowin.

PSALMS 40:8

Sahsahgewejegawin kuhya puggejegawinun kahween kegenundahwanduhsenun kegepahgahkoonuhmow netuhwuggoon.

PSALMS 88:1

O Jehovah Kesha‐Muhnedoo, bamahjeëyun: kegenuhnaundoomin kahzhegukkin kuhya tabekukkin.

ST. LUKE 18:7

Kah nuh ween owh Kesha‐Muhnedoo oogahtebahkoonuhmuhwahseen enewh kahwuhwanahbuhmahjin, anegook ahnuhmeätahgoojin, kezhegudenegin, kuhya tebekudenenegin, ahnuhween goo zebishkahje‐kedahzood?

ST. LUKE 2:37

Kuhya dush keshegahwe koonemah neswahsweme-duhnuh‐ahshe‐newin kekenoonoowinun, kah wekah oogenuhguddunseen ewh keche‐ahnumeä‐weguhmig, ewh dush ween kebuhmeetahwaud enewh Jehovahun kekeëquishemood kuhya keähnuhmeäud tabekudenig kuhya kahzhegudenig.

ROMANUN 7:22

Neminwandaun ewh ootebahkoonegawin owh Kesha‐Muhnedoo peenjenuh nindezhetwahwining:

THESSALONIANUN 2:9

Kemequandahnahwah suh, wejekewaëmahdoog, nindahnookewinenaun kuhya nekooduggetoowinenaun: keähnookeeyaung tabekuk kuhya kahzheguk, cheöondenuhmahweseyungid ahweyah gagoo, kegedebahjemootahmahgoom Kesha‐Muhnedoo oominwahjemoowin.

I. TIMOTHEUSUN 4:15

Nahnahgahdahwandun dush oonoo uhyeëen; apeecheweyun mekindun oonoo, kuhkenuh bamahdezejig chewahbuhmikwah menik oondezeyun.

II. TIMOTHEUSUN 1:3

Nemegwachewanemah Kesha‐Muhnedoo, owh bameetuhwug oonje egewh neketezemug emuh pahnuk kekanindezoowining, poonetahsewaun mequanemenaun uhpe anuhmeähyaunin tabekukkin kuhya kahzhegukkin;

I. JOHN 5:3

Me muh oo‐oo‐oosahgeëwewawin Kesha‐Muhnedoo, cheguhnuhwanduhmoowung ookuhgequawinun: kah dush sunnuggussenenewun ookuhgequawinun.