PSALMS 1:1 - Ottawa New Testament Penteteuch and Psalms 1874

¹ Kagate keche‐shahwandahgooze wah‐owh enene bamoosasig emuh ookuhgaundwawinewaung egewh maje‐ezhewabezejig, kuhya nahbahwesig emuh oomeekunahwaung egewh maje‐ezhechegajig; kuhya namuhduhbesig emuh oodahpuhbewinewaung egewh buhyahpenuhdungig ahnuhmeähwin.

PSALMS 1:1 Iomraidhean Croise

GENESIS 49:6

Ninjechaug, kagoo nunduhkekandungan ookeemoodeze-winewah: emuh anduhzhe‐mahwunjeëdewaud, kagoo peendegakan nekechetwahwezewin: magwah mah nishkahdezewaud oogenesahwaun enenewun, kuhya oonje wenuhwah keënanduhmoowaud weëzhechegawaud oogepegoopetoonahwah wahkahegun.

GENESIS 5:24

Enoch dush oogeweedoosamaun Kesha‐Muhnedoon; kah dush keähbese; oogemahjewenegoon mah Kesha‐Muhnedoon.

PSALMS 1:6

Mesuh kaöonjequuhyukookahbahwesigwah egewh maje‐ezhewabezejig emuh keche‐tebahkoonegawining: kuhya egewh maje‐ezhechegajig emuh kaduhzhe‐mahwunjeëdewaud egewh quuhyuk‐azhewabezejig.

PSALMS 106:3

Shahwandahgoozewug egewh ganuhwandungig quuhyuk‐wahdezewin: kuhya owh quahyuk‐ezhechegad kahgenig.

PSALMS 112:1

Hallelujah! Shahwandahgooze enene quasaud Jehovahun: kache‐minwandung ookuhgequawinun.

PSALMS 119:115

Nuhguhzheshig, kenuhwah maje‐ezhewabezeyag: ningahguhnuhwandaunun dush ookuhgequawinun owh Kesha‐Muhnedoo.

PSALMS 144:15

Shahwandahgoozewug suh egewh ahnishenahbag oo‐oo azheähyahjig: shahwandahgoozewug ahnishenahbag waKesha‐Muhnedoomahjig Jehovahun.

PSALMS 146:5

Shahwandahgooze suh owh wahdookahgood enewh Jacob ooKesha‐Muhnedoomun: owh apanemaud enewh Jehovahun ooKesha‐Muhnedoomun.

PSALMS 146:9

Mesuh Jehovah ganuhwanemaud enewh muhyahdahwezenejin: oomenoo‐doodahwaun enewh kahwezenejin kuhya shahgahwenejin: kuhya oowaushkemootoonun oomeekunahwaun egewh maje‐ezhewabezejig.

PSALMS 2:12

Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.

PSALMS 26:12

Quuhyukookahbahwemahgud nesit: emuh anduhzhe‐mahoonjeëdewaud egewh anuhmeähjig ningahduhzhewahwezhanemah Jehovah.

PSALMS 34:8

O taungemundun chekekanduhmag keshawahdezid owh Jehovah: shahwandahgoozewun suh enewh duhyabwayanemegoojin.

PSALMS 36:4

Oonahnahgahdahwandaun mujje‐doodahgawin emuh oonebahguning kahween oonesheshinsenene oomeekun: kah dush oosheenganduhseen mujje‐ezhewabezewin.

PSALMS 64:2

Kahzheshin oonje keemooj kuhnoonindewaud egewh maje‐ezhewabezejig chemujje‐doodahwewaud; kuhya oonje megahzhewaud egewh mahkindungig mujje‐uhyeëewish:

PSALMS 81:12

Nindahnishenahbamug dush kahween oogebezinduhsenahwah nindekedoowin: kah dush ningedabwatahgoose Israel.

PSALMS 84:12

Jehovah dabanemudwah egewh waqueenoojig: shahwandahgooze owh enene apanemik.

St Matthew 16:17

Jesus dush oogenuhquatuhwaun oo‐oo keëkedood, Keshahwandahgooz Simon Barjona: kah mahween weyaus kuhya mesque kegewahbundahegooseen oo‐oo, owh suh ween Noos keche‐kezhegoong ayaud.

ST. LUKE 11:28

Oo‐oo dush keëkedoo, Kagate ahwahshema shahwandahgoozewug egewh nwaundungig Kesha‐Muhnedoo oodekedoowin, kuhya ganuhwandungig.

ST. LUKE 23:51

(Kahween wah‐owh keënanduhse ewh kahenahkooneganid kuhya kahezhecheganid ahnind kekedoo‐wenenewun;) Arimathæaïng duhzhe‐wenenewegoobun oodoodanahwewah egewh Jewyug; kuhya ween oogebeeton oodoogemahwewin owh Kesha‐Muhnedoo.

ST. JOHN 13:17

Kishpin kekanduhmag oonoo, keshahwandahgoozeem, kishpin ezhechegayag.

ST. JOHN 20:29

Jesus dush oo‐oo oodenaun, Thomas, kewahbuhmeyun, kedoonjedabwayandum: shahwandahgoozewug egewh kahwahbunjegasigoog, dabwayanduhmoowaud dush ween goo.

ROMANUN 5:2

Mesuh wah‐owh wanjepuhgedenuhmahgooyung dabwayanduhmoowin oonje chepeendegayung emuh shahwandahgoozewining anduhzhe‐nebahweyung; kuhya wanje-moojezetuhmung ewh apanemoowin apanemooyung oopeshegandahgoozewin owh Kesha‐Muhnedoo.

EPHESIANUN 6:13

Benuh dush oodahpenuhmahzooyook kuhkenuh oodushwewin owh Kesha‐Muhnedoo, ewh dush chekushketooyag chenuhnahqueyag uhpe maje‐kezhegukkin, kuhya kuhkenuh kahezhechegayag, chenebahweyag.

DEUTERONOMY 14:6

Kegahaumwahwaug kuhya kuhkenuh uhwaseyug tuhyaushkegunzhejig, kuhya ayahbwasegajig uhwaseyug.

DEUTERONOMY 33:29

Keshahwandahgooz, O Israel: ahwanan anandahgoozid anandahgoozeyag keenuhwah, O ahnishenahbadoog Jehovah kahbemahjeënag, owh kepuhkuhahquaunewah wahdookoonag, kuhya keduhshuhwashkoomewah wanjemushkuhwezeyag! egewh dush shauneganemikig kegahkekanemaug ewh kekewuhnemoowaud; kegahtuhkooke dush emuh uhyishpahnig anduhnuhkewaud.

I. PETER 4:3

Tahtabesamahgud muh ewh kuhyet kahezhebemahdezeyungoobun chemekinduhmung enewh oodenanduhmoowinewah egewh mayuggezejig, uhpe kebemoosayungoobun emuh pezhigwahdezewining, mujje‐nunduhwanduhmoowining, kuhya oonzaum nebewah shoowemin‐ahboo menequang, oombegezewining, weekoongawining, kuhya keöojecheengwuhnetahwungwah muzzeneneeg ewh kache‐kuhgwahnesuggandahgwuk;

REVELATION 22:14

Shahwandahgoozewug egewh kasebegenungig oodahgwewinewah cheöonje‐debanemahwaud enewh bemahdezewine metigoon, chepeendegawaud dush emuh kache‐ishquaundamewung keche‐oodanah.