PHILIPPIANUN 4:1 - Ottawa New Testament Penteteuch and Psalms 1874

¹ Benuh dush, nejekewaëdoog kache‐sahgeënenuhgoog kuhya kache‐nunduhwanemenenuhgoog, nemoojegezewin kuhya nesuhsagah‐wewuhquaun ahyahweyag, oo‐oo ezhesoongekahbahweyook oonje owh Tabaningad, kache‐sahgeënuhgoog.

PHILIPPIANUN 4:1 Iomraidhean Croise

PSALMS 125:1

Egewh apanemahjig Jehovahun, debishkoo Zion wahjewing tahezheähyahwug: ewh wekah kamahmahjesasenook, ahpena kahgenig tahduhgoomahgud.

PSALMS 27:14

Kagoo puggedeneshekan chedoodahwewaud egewh shaunganemejig ewh uhyenanduhmoowaud: kepuhsegwewug mah egewh kakenuhwishke‐debahjemoojig mujje‐duhzhemewaud kuhya egewh wahmujje‐doodahwejig.

St Matthew 10:22

Kegahsheenganemegoowaug dush kuhkenuh enenewug nendezhenekahzoowin oonje; owh dush nahnauzh wuhyaquah‐ahyaug kaäungwahmezid tahbemahjeäh.

ST. JOHN 8:31

Jesus dush oo‐oo oogeënaun enewh Jewyun kahduhyabwayanemegoojin, Kishpin aunwahjeyag emuh nindekedoowining, mesuh kagate kaëzheookekenooähmahgunemenuhgoog;

OODEZHECHEGAWINEWAH 11:23

Uhpe dush kahpetuhgwishing, kahwahbundung dush ewh ooshahwanjegawin owh Kesha‐Muhnedoo, kewahwezhandum, oogeënaun dush kuhkenuh, cheäunwahjenid emuh oodaëning chedebandahgoozenid emuh Tabaningang.

OODEZHECHEGAWINEWAH 14:22

Keäunwahjeähwaud enewh kekenooähmahgunun, kuhya kekuhgekemahwaud cheminjemanduhmenid ewh dabwayanduhmoowin, chenundahwandahgoozeyung emuh nebewah kooduggegezewining cheöonjepeendegayung emuh oodogemahwewining owh Kesha‐Muhnedoo.

OODEZHECHEGAWINEWAH 2:42

Keäunwahjewug dush cheguhnuhwanduhmoowaud ookuhgequawinewah egewh apostleüg kuhya emuh weejekewaïndewining, kebuhquabenahwaud dush buhquazhegunun, kuhya keähnuhmeähwaud.

ROMANUN 2:7

Enewh ahyaunwahjenejin mekinduhmenid menoo‐ezhewabezewin nunduhwanduhmenid peshegandahgoozewin kuhya kechetwahwezewin kuhya kahgega‐bemahdezewin, oogahmeenaun kahgega‐bemahdezewin:

I. CORINTHIANUN 15:58

Tuhguh dush, suhyahgeënenuhgoog nejekewaëdoog, aungwahmezik, soongekahbahwik, moonzhug chekeche-ahnookeetuhwag owh Tabaningad, kekekandahnahwah gooshah ahneshah ahnookeetahwahsewag owh Tabaningad.

I. CORINTHIANUN 16:13

Ahkahwahbeyook, soongekahbahwik emuh dabwayanduhmoowining, eneneeng ezhesoongedaäyook, mushkahwezeyook.

II. CORINTHIANUN 1:14

Kuhya dush debishkoo kahezhekekanemeyaung punge, cheähweyaung kemoojegezewinewah, me suh kuhya kenuhwah ahyahweyag nenuhwind nemoojegezewinenaun uhpe ookezhegudoom owh Tabanemenung Jesus.

GALATIANUN 5:1

Soongekahbahwik dush emuh puggedenegahzoowining kahezhepuggedenenung Christ, kagoo kuhya menuhwah nahbekahedezookagoon ewh ahwahkaune‐nahbekahwahgun.

PHILIPPIANUN 1:27

Mahnoo ezhewabezeyook debishkoo azhewabezewahpun egewh dabandahgoozejig emuh oominwahjewoowining Christ: kishpin dush ezhahyaun chewahbuhmenuhgoog, gamuh kishpin ezhahsewaun, chenoonduhmaun ewh azhewabezeyag, chesoongekahbahweyag emuh pazhik oojechaugoomaung, emuh pazhik enanduhmoowining mahmahwe wekoojetooyag ewh minwahjemoowine‐dabwayanduhmoowin;

PHILIPPIANUN 1:8

Nekekanemik suh Kesha‐Muhnedoo, menik keche‐sahgeënenuhgoog kenuhwah kuhkenuh emuh oonuggesheeng Jesus Christ.

PHILIPPIANUN 2:16

Wahbundahewayag ewh bemahjeëwawine‐ekedoowin, cheöonje‐moojegezeyaun uhpe ookezhegudoom owh Christ, ewh ahneshah kepemebuhtoosewaun, kuhya ahneshah keähnookeesewaun.

PHILIPPIANUN 2:26

Kegekeche‐nunduhwanemegoowah muh, kuhya kekeche‐kushkandum ewh, oonje kenoonduhmagoobun keähkoozid.

COLOSSIANUN 4:12

Epaphras kejekewaëwah, wabuhmeetahgunemegood enewh Christun kedahnemikaugoowah, anegook anuhmeätuhmoonag chenebahweyag, quuhyukwandahgoozeyag kuhya guhnuhwanduhmag oodenanduhmoowin Kesha‐Muhnedoo.

THESSALONIANUN 3:13

Cheöonje‐soongesittood enewh kedaëwaun kuhnuhga mujje‐ezhewabezesewag emuh peenezewining anahsuhmuhbid Kesha‐Muhnedoo, mesuh Koosenaun, uhpe tagwishing Tabanemenung Jesus Christ mahmahwe kuhkenuh enewh oobuhmeetahgunun.

II. THESSALONIANUN 2:15

Benuh, wejekewaëmahdoog, soongekahbahwik, minjemenuhmook enewh kekenooähmahgoowinun kahkekenooähmahgooyag, emuh ekedoowining gamuh emuh nemahjebeëgunenaung.

II. TIMOTHEUSUN 2:1

Keen dush, ningwis, mushkahwezin emuh shahwanemegoowining ewh wanjeemahguk emuh Christ Jesusing.

HEBREWUN 10:23

Umba minjemandundah ewh wahweendahmahgawin kahezhewahweenduhmung ewh dabwayanduhmoowin kuhnuhga ahnezheetunsewung; (ahyaungwahmeze gooshah owh kahwahweenduhmahgad;)

HEBREWUN 3:14

Kenuhwind mahween kemeenegoomin chedebandahgoozeyung emuh Christing, kishpin minjemanduhmung ewh kedahpanemoowinenaun netum kahahpanemooyung nahnauzh ishquah‐bemahdezeyung;

HEBREWUN 4:14

Kekanduhmung dush ween ahyahwung nahgahnezid keche‐sahsahgewechega‐wenene, owh kahezhaud ewede keche‐kezhegoong, mesuh Jesus Kesha‐Muhnedoo oogwissun, minjemandundah kedezhetwahwinenaun.

II. PETER 3:17

Kenuhwah dush suhyahgeënenuhgoog, kezhah kekanduhmag oonoo uhyeëen, ahyaungwahmezeyook, koonemah kedahgewuhneshemegoonahwah ewh oowuhneshemegoowinewaun egewh maje‐ezhewabezejig, chepungeshinagoobun emuh oonje anduhzhe soongekahbahweyag.