PHILIPPIANUN 2:3 - Ottawa New Testament Penteteuch and Psalms 1874

³ Kahween gagoo tahoonje‐oozhechegahdasenoon emuh megahdewining gamuh emuh ahneshah muhmequahzoowining, emuh dush ahgahsanemoowining, anduhsheyag ahwahshema kegahminwanemahwaug pakahnezejig dush ween azheminwanindezooyag.

PHILIPPIANUN 2:3 Iomraidhean Croise

ST. LUKE 18:14

Kedenenim, wah‐owh enene anekewad keminwandahgooze, kah dush ween owh bakahnezid: kuhkenuh ashpanindezoojig tahtahbussandahgooähwug, owh dush katah-bussanindezood tahishpandahgooäh.

ROMANUN 12:10

Menoo‐sahgeëdeyook debishkoo kaëzhesahgeëdewahpun wawejekewaïndejig; ahwahshema mamashquaud kechetwahwanindik, dush ween kenuhwah ananindezooyag;

ROMANUN 13:13

Mahnoo suh dush enoosadah kaënoosayungoobun kahzhegukin, kahween goo emuh oombegezewine wekoondewining, kuhya kewushquabewining, kah kuhya emuh kuhkebahdezewining, kuhya peshigwahdezewining, kahween kuhya emuh kekaundewining kuhya keshahwanindewining.

ROMANUN 2:8

Enewh dush kagaunzetumenejin, pwahyah‐dabwatuh-menejin ewh dabwawin, duhyabwatuhmenid dush ween ewh mujje‐ezhewabezewin, oogahmeenaun wesuggandahgoozewin kuhya nishkahdezewin.

I. CORINTHIANUN 15:9

Ahpeche muh noondaush nindahpeetandahgooz dush ween apeetandahgoozewaud kuhkenuh egewh Apostleüg, kah suh dush nintaähpeetandahgoozese Apostle cheëzheweenegooyaunbaun, ningekooduggetoon muh oodahnuhmeähwin owh Kesha‐Muhnedoo.

I. CORINTHIANUN 3:3

Kayahbe muh kemekindahnahwah ewh weyahsemah; kayahbe muh kekeshahwanindim, kekekaundim, kepukkaëdim, kah nuh ween kemekinduhsenahwah ewh weyahsemah, kuhya eneneeng kedezhebemoosaseem?

II. CORINTHIANUN 12:20

Nesagiz suh, koonemah uhpe tagwishenaun, kahween kedahezhemekoosenoonim debishkoo azhenunduhwanemenuhgoog, kuhya kenuhwah kegahezhemekahwim ewh azhenunduhwanemesewag: koonemah tahgeduhgoomahgudoon enewh ahgoonwatahdewinun, keshahwanindewinun, nishkanindewinun, kekaundewinun, mujje‐duhzhindewinun, kaushkunoozoowinun, kechetwahwanemoowinun, megooshkahduhkummegezewinun:

GALATIANUN 5:15

Kishpin dush tuhquundeyag kuhya ahmoondeyag, nahnahgahdahwanindezooyook koonemah kegahahpeche‐bahnahjeëdim mamashquaud.

GALATIANUN 5:26

Kagoo dush nunduhwandunsedah ewh muhmequahzoowin, kagoo kahkaunjeësedah, kuhya keshahwanindesedah.

EPHESIANUN 4:2

Emuh kuhkenuh dahbussanemoowining kuhya bakahdezewining kuhya zebishkahje‐kedahzoowining, sheebanduhmeëdeyag emuh sahgeëdewining;

EPHESIANUN 5:21

Mamashquaud puggedenedezooyag, koosag Kesha‐Muhnedoo.

PHILIPPIANUN 2:14

Dooduhmook kuhkenuh uhyeëen kuhnuhga nishkahje‐guhnoonindesewag kuhya kekaundesewag.

COLOSSIANUN 3:12

Pesekuhmook suh dush, azhekuhgeginenag Kesha‐Muhnedoo, quuhyuk azhewabezeyag kuhya suhyahgeëgooyag, shahwanjegawinun, keshawahdezewin, ahgahsanemoowin, bakahdezewin, minwahdanduhmoowin;

COLOSSIANUN 3:8

Noongoom dush wabenuhmook kuhkenuh oonoo; nishkahdezewin, sheenganindewin, mujje‐kezhwawin, kuhya wahnuk guhnoonindewin wanjebahmahguk emuh kedoonewaung.

I. TIMOTHEUSUN 6:4

Minwahdanemoo suh owh, ahnahween goo kekanduhsig gagoo, kukkebahdezid wanje‐nunduhkekandung enewh kuhgwadwawinun, kuhya ekedoowine ahgoonwatahdewinun, emuh wanjebahmahguk ewh keshahwanindewin, ahgoonwatahdewin, mujje‐kezhwawinun, mujje‐enanindewinun,

I. PETER 3:8

Ishquauj edush, tahpazhikwun kuhkenuh kedenanduhmoowinewah, shahwanindeyook, sahgeëdeyook debishkoo wawejekewaïndejig, ketemahganjegag, menoo‐guhnoonindeyook.

I. PETER 5:5

Kuhya kenuhwah ooshkenuhwawedoog nuhittuhwik egewh katezejig. Mahnoo kuhkenuh kenuhwah nuhittahdeyook, pesekuhmook dush ahgahsanemoowin; Kesha‐Muhnedoo muh oodahzhedakahwaun enewh kachetwahwanemoonejin, ooshahwanemaun dush ween enewh dabussanemoonejin.