PHILIPPIANUN 2:1 - Ottawa New Testament Penteteuch and Psalms 1874

¹ Kishpin anduhgoogwan gagoo menoodaäshkahgoowin emuh Christing, kishpin anduhgoogwan gagoo menoo‐daäshkahgoowin emuh sahgeëwawining, kishpin anduhgoogwan gagoo oomenoo‐weejekewaïndewin owh Keche Oojechaug, kishpin gagoo keshawahdezewin kuhya shahwanjegawin.

PHILIPPIANUN 2:1 Iomraidhean Croise

PSALMS 133:1

Benuh azheöonesheshing kuhya azheminwandahgwuk: chemenoo‐weedegandewaud wawekahnesindejig.

ST. LUKE 2:25

Benuh dush, keähyah pazhik enene emuh Jerusaleming, Simeon kahezhenekahzood; medush owh enene quuhyuk kahezhewabezid kuhya kahmenoo‐ahnuhmeäud, kebeetood dush ooshahwandahgoozewin owh Israel: Keche Oojechaugwun dush oogekekishkahgoon.

ST. JOHN 14:18

Kahween chekewezeyag kegahezhenuhguhnesenoonim, kegahpenaunzekoonenim suh goo.

ST. JOHN 14:27

Pezaunewawin kenuhguhduhmoonenim, nepezaun-ewawin kemeenenim: kahween azhemeegewamahguk ewh uhkee, kedezhemeenesenoonim. Kagoo megooshkahjedaäkagoon, kagoo kuhya sagandunkagoon.

ST. JOHN 17:13

Noongoom dush kebenaunzekoon; oonoo dush nekekedoonun oomah uhkeeng, cheöonjemooshkenashkahwindwah ewh nindoonahnegoozewin.

OODEZHECHEGAWINEWAH 2:46

Anduhsoo‐kezheguk dush kepeëzhemahwunjeëdewug emuh keche‐ahnuhmeä‐weguhmigoong, kebuhquabenahwaud dush enewh buhquazhegunun emuh oowegewaumewaung, kemeejewaud dush oomeejimemewah emuh minwanduhmoowining kuhya emuh moojegedaäwining.

OODEZHECHEGAWINEWAH 4:32

Kuhkenuh dush egewh kahdabwayandungig kepazhikwunene oodaëwaun kuhya kepazhegoowun oojechaugoowaun: kah dush ahweyah keëkedoose chedebandung kuhnuhga gagoo ooduhyeemun; kemahmahwe‐tebanjegawug menik kahdebanduhmoowaud.

ROMANUN 5:5

Kahween kedahgujjeëgoosenaun ewh ahpanemoowin; oosahgeëwawin muh owh Kesha‐Muhnedoo keseegenuhmahgoonaun emuh kedaënaung owh Keche‐Oojechaug kahmeenegooyung.

ROMANUN 8:26

Mesuh kuhya owh Keche‐Oojechaug wahdookung kenuhneenemezewinenahnin; kah muh kekekanduhsemin kanundooduhmung kaëzhenundooduhmahgayungoobun: keguhnoodahmahgoonaun suh owh Keche‐oojechaug enewh nunduhwanduhmoowinun kakushketoosing cheëkedoong.

I. CORINTHIANUN 12:13

Oonje mah pazhik Keche‐Oojechaug kuhkenuh kebaptizooëgoomin emuh pazhik weyowemaung, kishpin Jew-ewewungan gamuh mayuggezewungan, kishpin buhmeetahgawungan gamuh tebanindezoowungan; kuhya kegepuhgedenahmahgoomin chemenequayung emuh pazhik Keche‐Oojechaugoomaung.

I. CORINTHIANUN 15:31

Kagate ninkekid oonje ewh kedoonahnegoozewinewah ayahmaun emuh Christ Jesusing Tabanemenung, nenib suh andussoo‐kezheguk.

I. CORINTHIANUN 3:16

Kah nuh kekekanduhsenahwah kenuhwah ahweyag oodahnuhmeä‐weguhmigoom owh Kesha‐Muhnedoo: kekishkahwag dush Oojechaugwun owh Kesha‐Muhnedoo?

II. CORINTHIANUN 13:14

Ooshahwanjegawin owh Tabaningad Jesus Christ, kuhya oosahgeëwawin Kesha‐Muhnedoo, kuhya ooweejekewaïndewin Kache‐peenezid Oojechaug, kegahweejewegoonahwah kuhkenuh. Amen.

II. CORINTHIANUN 2:14

Mahnoo tahmahmooyahwahmah owh Kesha‐Muhnedoo, owh moonzhug wanje‐shahgoojeëwayaun emuh Christing, mezheshuhwesetood dush azhemenoomahgwudenig ookekandahsoowin mezewakummig nenuhwind nindahnookewinenaun oonje.

GALATIANUN 4:6

Mesuh oogwissemegooyag, owh Kesha‐Muhnedoo kahoonje‐ezhenahzhahwaud Oojechaugwunene enewh Oogwissun emuh kedaëwaung, oo‐oo ahyahzhequang Abba, Noosa.

GALATIANUN 5:22

Owh dush Oojechaugoomah menekahnewid, sahgeëdewin, oonahnegwanduhmoowin, pezaunekummegezewin, zebishkahje‐kedahzoowin, bakahdezewin, keshawahdezewin, dabwayanduhmoowin.

EPHESIANUN 4:4

Pazhigwun suh weyowemah, pazhigoo owh Oojechaug, nahsaub azhenundoomegooyag emuh pazhik ahpanemoowining;

PHILIPPIANUN 1:8

Nekekanemik suh Kesha‐Muhnedoo, menik keche‐sahgeënenuhgoog kenuhwah kuhkenuh emuh oonuggesheeng Jesus Christ.

PHILIPPIANUN 3:3

Kenuhwind muh quuhyuk kekekenoowahje‐kishkezhegahzoomin, ahnuhmeätuhwung Kesha‐Muhnedoo emuh Oojechaugoomaung, moojegezetuhwung Jesus Christ, kuhya kuhnuhga ahpanemoosewung ewh weyahsemah.

COLOSSIANUN 2:2

Chemenoodaäïndwah, keche‐weedookoodahdewaud emuh sahgeëdewining, kuhya chewahweenga‐kekanduhmoowaud kuhya chenesittootumoowaud azhewahnuhdudenig ewh mamuhkauj ookekandahsoowin owh Kesha‐Muhnedoo Wayoosemind, kuhya Christ;

COLOSSIANUN 3:12

Pesekuhmook suh dush, azhekuhgeginenag Kesha‐Muhnedoo, quuhyuk azhewabezeyag kuhya suhyahgeëgooyag, shahwanjegawinun, keshawahdezewin, ahgahsanemoowin, bakahdezewin, minwahdanduhmoowin;

HEBREWUN 6:18

Neezh uhyeëen cheähyahmung kaäunjechegahdasenoogin, oonje kushketoosig owh Kesha‐Muhnedoo chekewunemoopun, kaöondenuhmung ewh swaungung menoodaäshkahgoowin kenuhwind kahezhenezhemooyung ewh ahpanemoowin kahahtahmahgooyung anahsuhmeyung.

I. PETER 1:2

Enewh kahkuhgegenahjin Kesha‐Muhnedoo Wayoosemind oonje kezhah kekekanemaud, kuhya kepeeneëgoowaud enewh Keche‐Oojechaugwun, cheöonje‐dabwatuhming kuhya cheseguhunduhming ewh oomisqueem Jesus Christ: Mahnoo kegahahyahnahwah nahwuj nebewah shahwandahgoozewin kuhya pezaunewawin.

I. JOHN 3:24

Owh dush ganuhwandung enewh ookuhgequawinun peenjenuh ookekishkahwaun enewh, kuhya ookekishkahgoon enewh. Me dush wanje‐kekanduhmung ewh kekishkahwung, oonje ooKeche‐oojechaugwun kahmeenenung.

I. JOHN 4:12

Kahween ahweyah wekah oogewahbuhmahseen Kesha‐Muhnedoon. Kishpin sahgeëdeyung, kekekishkahwahnaun Kesha‐Muhnedoo, kuhya oosahgeëwawin kezhechegahdane peenjenuh keyowenaung.

I. JOHN 4:16

Kegekekandahmin kuhya kegedabwayandahmin ewh sahgeëwawin kahezhesahgeënung Kesha‐Muhnedoo: Kesha‐Muhnedoo sahgeëwawinewe: kuhya owh natuh‐sahgeëwad ookekishkahwaun Kesha‐Muhnedoon, kuhya dush ookekishkahgoon Kesha‐Muhnedoon.