NUMBERS 8:21 - Ottawa New Testament Penteteuch and Psalms 1874

²¹ Egewh dush Levitug kepeneähwug, oogekezebegenahnahwaun kuhya ooduhgwewinewaun; Aaron dush oogepuhgedeneganun enewh tahnahsug ewh puhgedenegawin emuh anahsuhmeühyahnid Jehovahun; Aaron kuhya kesahsahgewejega chepeneëmind.

NUMBERS 8:21 Iomraidhean Croise

EXODUS 19:10

¶ Jehovah dush oo‐oo oogeënaun Mosesun, Ezhaun egewh ahnishenahbag, peeneh dush noongoom kuhya wahbung, mahnoo kuhya oogahkezebeguhahnahwaun ooduhgwewinewaun.

LEVITICUS 14:11

Kuhya owh sahsahgewejega‐wenene pahneëwad oogahahsaun enewh enenewun wahpeenemïnd, kuhya kuhkenuh oonoo uhyeëen, anahsuhmeed Jehovah, emuh ishquaundamewunenig oodahnuhmeä‐weguhmigoowah egewh mahyahwunjeëdejig:

NUMBERS 19:12

Tahpeneëdezoo ewh uhyood uhpe nesookezhiguk, uhpe dush neenzhwahsookezhiguk tahpeneze: keeshpin dush ween peneëdezoosig uhpe nesookezhiguk, uhpe neenzhwahsoo‐kezhiguk kahween tahpenezese.

NUMBERS 19:19

Owh dush pahnezid oogahsuhswabeguhunduhwaun enewh wahnezenejin uhpe nesookezhiguk, kuhya uhpe neenzhwahsookezhiguk: uhpe dush neenzhwahsookezhiguk tahpeneëdezoo, oogahkezebegenaun dush ooduhgwewin, tahkezebegenedezoo kuhya nebeeng, tahpeneze dush uhpe oonahgooshinig.

NUMBERS 3:12

Benuh, neen suh ningeöodahpenaug egewh Levitug, emuh uhyahwaud Israel oonejahnesun keöonjeöodahpenugwah mashquud kuhkenuh egewh netumoozhahnug nahgejig emuh uhyahwaud Israel oonejahnesun: egewh suh dush Levitug neen ningahdebanemaug;

NUMBERS 8:15

Me dush egewh Levitug chepeendegawaud chemekinduhmoowaud ewh uhnookewin emuh oopuhpuhgewuhyahne‐ahnuhmeä‐wegummigoowaung egewh muhyahwunjeëdejig: kegahpeneäug dush, kuhya kegahpuhgedeneganug oonje ewh puhgedenegawin.

NUMBERS 8:20

Moses dush, kuhya Aaron, kuhya kuhkenuh egewh muhyahwunjëedejig Israel oonejahnesun, oogedooduhwahwaun enewh Levitun nahsaub kuhkenuh Jehovah kahezhekuhgaunzoomaud enewh Mosesun enewh Levitun keduhzhemaud, me ewh Israel oonejahnesun kahdooduhwahwaud.

NUMBERS 8:22

Me dush ewh uhpe kepeendegawaud egewh Levitug chemekinduhmoowaud ooduhnookewinewah emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig emuh anahsuhmeühyahnid Aaron, kuhya enewh oogwissun, kahezhekuhgaunzoomahpun egoo Jehovah enewh Mosesun, enewh Levitun keduhzhemaud, me ewh kahdooduhwahwaud enewh.

NUMBERS 8:7

Oo‐oo dush kegahdooduhwaug wepeneüdwah: Suhswabeguhundowh ewh peneëwa‐nebe, mahnoo dush oogahgaushkebahdahnahwah kuhkenuh ooweyowewah, mahnoo kuhya oogahkezebegenahnahwah ooduhgwewinewah, chepeneëdezoowaud edush.