NUMBERS 8:20 - Ottawa New Testament Penteteuch and Psalms 1874

²⁰ Moses dush, kuhya Aaron, kuhya kuhkenuh egewh muhyahwunjëedejig Israel oonejahnesun, oogedooduhwahwaun enewh Levitun nahsaub kuhkenuh Jehovah kahezhekuhgaunzoomaud enewh Mosesun enewh Levitun keduhzhemaud, me ewh Israel oonejahnesun kahdooduhwahwaud.

NUMBERS 8:20 Iomraidhean Croise

EXODUS 12:50

Me suh oo kahezhechegawaud kuhkenuh Israel oonejahnesun; kahezhekuhgaunzoomaud egoo Jehovah enewh Mosesun kuhya Aaronun, me ewh kahezhechegawaud.

NUMBERS 1:50

Kegahenahkoonaug atuh egewh Levitug chekuhnuhwanduhmoowaud ewh debahjemoowine‐puhpuhgewuhyahne‐ahnuhmeä‐wegummig, kuhya kuhkenuh enewh oonahgunun dabandahgwukkin emuh, kuhya kuhkenuh enewh dabandahgwukin emuh: oogahbemewedoonahwah ewh puhpuhgewuhyahne‐ahnuhmeä wegummig, kuhya kuhkenuh enewh oonahgunun dabandahgwukkin emuh; oogahuhnooke-tahnahwah kuhya, kuhya tahkuhbashewug kewetahuhyeëe emuh puhpuhgewuhyahne‐ahnuhmeä‐wegummigoong.

NUMBERS 1:54

Egewh dush Israel oonejahnesun keëzhechegawug nahsaub kuhkenuh kahezhekuhgaunzoomaud Jehovah enewh Mosesun, me suh ewh kahezhechegawaud.

NUMBERS 8:19

Ningemeenah dush Aaron kuhya enewh oogwissun enewh Levitun, me enewh kahmeenugwah emuh uhyahnid Israel oonejahnesun, chemekinduhmenid ewh oobuhmetahgawinene Israel oonejahnesun, emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, kuhya chesahsahgewejegawaud cheöonjepoonanememind Israel oonejahnesun: cheühyahmuhgussenoog mujje‐enahpe-nawin emuh uhyahwaud Israel oonejahnesun, uhpe Israel oonejahnesun pashoo buhezhahnid emuh kechetwah wegewauming.

NUMBERS 8:21

Egewh dush Levitug kepeneähwug, oogekezebegenahnahwaun kuhya ooduhgwewinewaun; Aaron dush oogepuhgedeneganun enewh tahnahsug ewh puhgedenegawin emuh anahsuhmeühyahnid Jehovahun; Aaron kuhya kesahsahgewejega chepeneëmind.

NUMBERS 9:22

Gamah kuhya neenzhoogoon, gamah kuhya ningookee zis, gamah kuhya ningoopepoon, ewh ahnuhquud kahuhtag wuhgij‐puhpuhgewuhyahne‐ahnuhmeäwegummigoong, wuhgij‐uhyeëe emuh uhtag, Israel oonejahnesun kedahwug oopuhpuhgewuhyahne‐gummigoowaung, kah dush kemahjahsewug: uhpe dush ween kahoombenegahdag, kemahjahwug.

NUMBERS 9:5

Oogekuhnuhwandahnahwah dush ewh kuhbekoosa‐wekoondewin uhpe madwahswe‐uhshe‐newoogoon‐uhgezid owh netum keezis wanahgooshig emuh Sinai duhzhe puhgwuhduhkummig: kuhkenuh goo Jehovah kahezhekuhgaunzoomaud enewh Mosesun, me ewh kahezhechegawaud Israel oonejahnesun.