NUMBERS 8:16 - Ottawa New Testament Penteteuch and Psalms 1874

¹⁶ Wawane mah nemenegoo egewh emuh uhyahnid Israel oonejahnesun; ningeöodahpenaug egewh mashquud, egewh ween natum nahgeïnjig, egewh suh goo oonetumoonzhahnewaun kuhkenuh Israel oonejahnesun chekeöodahpenugwahbun.

NUMBERS 8:16 Iomraidhean Croise

EXODUS 13:2

Penetuhmuhweshin kuhkenuh egewh netumoonzhahnug, ahwagwan suh goo puhyahkahkooshkumoogwan ewh oopuhyowhemah emah uhyahwaud Israel oonejahnesun, oonetumoonzhahuun enene kuhya uhwuhkaun; neen owh nindebanemah.

NUMBERS 3:12

Benuh, neen suh ningeöodahpenaug egewh Levitug, emuh uhyahwaud Israel oonejahnesun keöonjeöodahpenugwah mashquud kuhkenuh egewh netumoozhahnug nahgejig emuh uhyahwaud Israel oonejahnesun: egewh suh dush Levitug neen ningahdebanemaug;

NUMBERS 3:13

Kuhkenuh mah egewh netumoozhahnug nindebanemaug; ewh suh kezheguk kepuhketawugwah kuhkenuh netumoozhahnug emuh Egypt duhzhe uhkeeng ningekechetwahwetuhmahdiz kuhkenuh egewh netumoozhahnug emuh Israeling, egewh bamahdezejig kuhya egewh ahwuhkaunug: neen ningahdebanemaug: owh Jehovah nindowh.

NUMBERS 3:45

Oodahpin egewh Levitug mashquud kuhkenuh egewh netumoozhahnug Israel oonejahnesun, kuhya enewh ooduhwuhkaunewaun egewh Levitug mashquud enewh ooduhwuhkaunewaun; egewh dush Levitug neen ningahdebanemaug: neen nindowh owh Jehovah.

NUMBERS 3:6

Pashoo peëzhewizh Levi oodenoodawezewin, kuhya nebuhweh emuh anahsuhmeühyaud Aaron owh sahsahgewejega‐wenene, cheähnooketuhwahwaud.

NUMBERS 3:9

Kegahmeenah dush enewh Levitun owh Aaron kuhya enewh oogwissun: wawane meenah enewh wandenemindjin emuh uhyahwaud Israel oonejahnesun.