NUMBERS 8:12 - Ottawa New Testament Penteteuch and Psalms 1874

¹² Egewh dush Levitug oogahuhtoonahwaun ooninjewaun emuh ooshtegwaunening enewh uhyahba‐pezhekeensun: pazhig dush kegahsahsahgewejeganun oonje ewh pahtahzewine‐sahsahgewejegun, owh dush menuhwah pazhig oonje ewh chuhyahgezegahdag sahsahgewejegun, emuh anahsuhmeühyaud Jehovah, cheähnuhmeätuhmuhwudwahe gewh Levitug.

NUMBERS 8:12 Iomraidhean Croise

EXODUS 29:10

Kegahuhnooke dush nahba‐pezhekeens chepenind emah anahsuhmesing ewh puhpuhgewuhyahne‐ahnuhmeä‐wegummig emah anduhzhemahwunjeëding: Aaron dush kuhya enewh oogwissun oogahuhtoonahwaun ooninjewaun emah ooshteqwaunening enewh nahba‐pezhekeensun.

LEVITICUS 1:4

Ooneenjeen oogahahtahwaun emuh ooshtequaunening enewh ahwahkaunun wahchahgezwahjin; tahmenoo‐oodahpenah dush ween cheöonjewabenuhmahwind oomujje‐ezhechegawin.

LEVITICUS 14:22

Kuhya neezh keche‐oomeemeen, gamuh neezh oomeemeensun, enewh kakushketood cheöondenaud; pazhig mujje‐ezhewabezewine‐meegewawin tahahwun, menuhwah dush pazhig chuhyahgizegahdag meegewawin.

LEVITICUS 16:11

Aaron dush oogahpeenaun ahnooke‐pezhekeewun ewh mujjeëzhewabezewine‐meegewawin ween oonje, kuhya tahsahsahgewejega oonje tebenuhwa oomujje‐ezhewabezewinun, kuhya egewh emuh oowegewauming ayahjig, kuhya oogahnesaun ahnooke‐pezhekewun ewh mujje‐ezhewabezewine‐meegewawin ween oonje:

LEVITICUS 16:21

Aaron dush oogahahtoonun nuhyazh ooneenjeen emuh ooshtequaunening enewh bamahdezenejin mesahboozoon, kuhya oogijuhyeëe nebahwenid oogahwahweendaunun kuhkenuh oomujje‐ezhechegawinewaun kuhya ookuh kebahdezewinewaun Israel oonejahnesun, oogahahtoonun dush kuhkenuh emuh ooshtequaunening mesahboozoon, kuhya oogahezhenahzhahwaun ewede bahgwuhduhkummig emuh ooneenjeeng pazhig enene kaähnoonind:

LEVITICUS 16:6

Aaron dush oogahpuggedenaun ween tebenuhwa oopezhekeemun mujje‐ezhewabezewine‐meegewawin, tahsahsahgewejega dush ween oonje, kuhya oonje enewh oowegewauming ayahnejin.

LEVITICUS 4:15

Egewh dush uhkewanzeyug emuh anduhzhemahwunjeëdenig oogahahtoonahwah ooneenjewaun emuh ooshtequaunenig ahnookee‐pezhekeensun anahsuhmid Jehovah: tahnesah dush ahnookee‐pezhekeens anahsuhmid Jehovah.

LEVITICUS 4:20

Nahsaub edush oogahdoodahwaun enewh ahnookee‐pezhekewun kahdoodahwaud enewh ahnookee pezhekewun kahpuggedenemind chewabenuhming mujje‐ezhewabezewin, me suh kadoodahwaud oonoo; owh dush sahsahgewejega‐wenene tahsahsahgewejega cheöonje‐ahbwayanemindwah, tahahbwayanemahwug dush.

LEVITICUS 4:35

Kuhya oogahmahmoon kuhkenuh ooweenin, debishkoo azhemuhmechegahdag mahnishtahnisheense‐weenin emuh poonanindewine‐sahsahgewejeguning; kuhya owh Sahsahgewejega‐wenene oogahchahgizaunun emuh sahsahgewejegunahbikoong debishkoo azhechahgezegang enewh chuhyahgetagin sahsahgewejegunun anahsuhmid owh Jehovah: owh Sahsahgewejega‐wenene tahsahsahgewejega oonje oomujje‐ezhechegawin kahezhechegad, tahwabenuhmahwah dush.

LEVITICUS 4:4

Oogahpeëzheweenaun dush enewh ahnooke‐pezhekeensun emuh ishquaundamewunenig oodahnuhmeä‐weguhmigoowah egewh mahyahwunjeëdejig anahsuhmid Jehovah; kuhya oogahahtoon ooneenj emuh ooshtequaunening ahnookee‐pezhekeensun, kuhya oogahnesaun enewh ahnookee‐pezhekeensun anahsuhmid Jehovah.

LEVITICUS 5:7

Kishpin dush kashketoosegwan chepeenaud mahnishtahnisheensun, mahnoo oogahpeenaun oonje oobahtahzewin kahezhebahtahezhechegad, neezh keche‐oomeemeen, gamuh neezh oomeemeensun, chemeenaud Jehovahun; pazhig chenesind oonje oomujje‐ezhewabezewin, kuhya pazhig chechahgezoond.

LEVITICUS 8:14

Oogepeenaun dush ahnookee‐pezhekewun ewh mujje‐ezhewabezewine‐meegewawin; Aaron dush kuhya oogwissun oogeähtahwahwaun ooneenjewaun enewh ooshtequaunjening enewh ahnookee‐pezhekewun pagedenegahzoonejin oonje mujje‐ezhewabezewin.

LEVITICUS 8:15

Oogenesaun dush; Moses dush oogeöodahpenaun misquee, kuhya oogeähtoon emuh oodashkunewung ewh sahsahgewejegun‐ahbik kewetuhyeëe ooneenj keähyood, kuhya oogepeenetoon sahsahgewejegun‐ahbik, kuhya oogeseegwabenaun misquee emuh dahbussuhyeëe suhsahgewejegun‐ahbikoong, kuhya oogekechetwahwetoon, cheähtoowaud poonanindewine‐sahsahgewejegun emuh.

LEVITICUS 8:18

¶ Kuhya oogepeenaun ahyahba‐mahnishtahnishun wahchahgizwahjin: Aaron dush kuhya enewh oogwissun oogeähtoonahwah ooneenjewaun emuh ooshtequaunening enewh ahyahba‐mahnishtahnishun.

LEVITICUS 8:34

Debishkoo kahezhechegad noongoom kezheguk, mesuh kahekedood Jehovah chesahsahgewejegang kenuhwah oonje.

LEVITICUS 9:7

Moses dush oo‐oo oogeënaun Aaronun, Ezhaun ewede sahsahgewejegun‐ahbikoong, kuhya meegewan kemujje-ezhewabezewine‐meegewawin, kuhya chuhyahgezegahdag kemeegewawin, kuhya sahsahgewejegan keen oonje, kuhya egewh ahnishenahbag: kuhya puggedinun oomeegewawinewah ahnishenahbag, kuhya sahsahgewejegan oonje ahnishenahbag; debishkoo Jehovah kahekedood.

NUMBERS 6:14

Oogahpuhgedenuhmuhwaun dush Jehovahun ewh oosahsahgewejegun, pazhig uhyahba‐mahnishtahnisheense nangoopepoon‐uhgezid muhyahkezesig ewh oosahsahgewejegun cheähwunenig ewh chuhyahgedag sahsahgewejegun, kuhya pazhig equa‐mahnishtahnisheense nangoopepoon‐uhgezid muhyahkezesig, oonje pahtahzewine‐sahsahgewejegun, kuhya pazhig uhyahba‐mahnishtahnish muhyahkezesig oonje pezauneëwawine‐sahsahgewejegunun,

NUMBERS 6:16

Owh dush sahsahgewejega‐wenene oogahbedoonun emah anahsuhmeühyahnid Jehovahun, oogahsahsahgewejega dush ewh oopahtahzewine‐sahsahgewejegun, kuhya ewh chuhyahgedag oosahsahgewejegun:

NUMBERS 8:13

Kegahpuhgedenaug dush egewh Levitug emuh anuhsuhme‐uhyaud owh Aaron, kuhya emuh anahsuhmeühyahnid enewh oogwissun, kuhya kegahpnhgedenuhmuhwah Jehovah enewh oonje ewh puhgedenegawin.

NUMBERS 8:8

Mahnoo dush oogahoodahpenahwaun uhyahba‐pezhekeensun kuhya oomejime‐sahsahgewejegun, ewh suh goo wanezheshing pahsaug buhquazhegun, ewh emuh duhgoonegahdag bemeda, kuhya menuhwah pazhig uhyahba‐pezhekeense kegahoodahpenah oonje ewh pahtahzewine‐sahsahgewejegun.

HEBREWUN 9:22

Gagah dush kuhkenuh uhyeëen peenechegahdanoon emuh tebahkoonegawining misque ahyoong; kishpin dush misque oonjegahtoosing kahween tahahbwayanjegaseem