NUMBERS 8:11 - Ottawa New Testament Penteteuch and Psalms 1874

¹¹ Aaron dush oogahpuhgedenaun enewh Levitun emuh anahsuhmeühyahnid Jehovahun, me ewh oopuhgedenega-winewah Israel oonejahnesun, chemekinduhmenid dush ewh ooduhnookewin Jehovah.

NUMBERS 8:11 Iomraidhean Croise

EXODUS 29:24

Kegahpuhgedenaunun dush kuhkenuh emah ooninjeeng owh Aaron, kuhya emah ooninjining enewh oogwissun; ahyahzhook dush kegahezhewabenahnahwah cheähwung dush ewh ahyahzhook azhewabenuhming pagedenuhmuhwind Jehovah.

LEVITICUS 7:30

Tebenuhwa ooneenjeeng oogahpeetoonun enewh meegewawinun kachahgizuhmahwaud enewh Jehovahun emuh ishkootang, oogahpeetoon ewh pemeda, kuhya ookahkegun, cheöonjemahmahjebenegahdag anahsuhmid owh Jehovah.

LEVITICUS 7:34

Ningeöoduhpenuhmahwaug mah oonijahnesun owh Israel ewh ookahkegunemah pagedenegahdag kuhya ewh oodinemaungunemah mamahjebenegahdag uhpe mahzhewaud poonanindewine‐meegewawinun, ningemeenaug e‐dush Aaron sahsahgewejega‐wenene kuhya enewh oogwissun mesuh ahpena kaënahkoonegahdag emuh anduhnuhkeewaud Israel oonejahnesun.

LEVITICUS 8:27

Kuhkenuh dush oogeähtoonun emuh Aaron ooneenjening, kuhya emuh ooneenjening enewh oogwissene, kuhya uhyahzhook oogeëzhewabenaunun oonoo pagedenegahdagin anahsuhmid Jehovah.

LEVITICUS 8:29

Moses dush oogeöodahpenaun ookahkegunemah, kuhya ahyahzhook oogeëzhewabenaun anahsuhmid Jehovah: me mah menik Moses dabandung anduhsing ahyahba‐mahnishtahnishe‐weyaus; debishkoo Jehovah kahezhekuhgaunzoomaud Mosesun.

NUMBERS 6:20

Owh dush sahsahgewejega‐wenene uhyahzhook oogahezhewabenahnun oonje ewh uhyahzhook azhewabenuhming sahsahgewejegun emuh anahsuhmeühyaud Jehovah: oo‐oo kechetwahwandahgwud oonje owh sahsahgewejega‐wenene, kuhya ewh uhyahzhook azhewabenuhming ookahkegun kuhya ewh wambenuhming oodenemaungun: me dush owh Nazarite chemenequapun shoowemenahboo kishpin enandung.

DEUTERONOMY 10:8

¶ Ewh uhpe Jehovah oogepuhkagahbuhweäun Levi oonejahnesun, chebemewedoonid Jehovah oowahweenduhmahga‐mukkuk, chenebuhwenid anahsuhmeed Jehovah cheähnooketahgood, kuhya cheshahwanjeganid emuh oodezhenekahzoowining, nuhnauzh egoo noongoom.