NUMBERS 6:24 - Ottawa New Testament Penteteuch and Psalms 1874

²⁴ Pagizh Jehovah shahwanemik, kuhya kuhnuhwanemik:

NUMBERS 6:24 Iomraidhean Croise

GENESIS 28:15

Benuh dush keweejewin, kuhya kegahguhnuhwanemin tebe azhahwunan, kuhya nayaub kegahpeëzhewenin oomah uhkeeng; kah mah kegahnuhguhnissenoon, peenish kedoodoonaun ewh kahwahweenduhmoonaun.

PSALMS 134:3

Oombeneenjeyook anuhkuhkayah ookechetwahweguhmigoong: kuhya mahmooyahwuhmik Jehovah.

PSALMS 17:8

Guhnuhwanemeshin debishkoo azheguhnuhwanjegahdag ooshkeenzhegoomah: kahzheshin emuh ahnaum keningweguning.

PSALMS 28:9

Jehovah ahwe oomushkahwezewinene oodahniskenahbamun kuhya oobemahjeëwawine mushkahwezewinene enewh kahnuhmuhkoonahjin.

PSALMS 91:11

Oogahguhnoonaun enewh oodangenemun cheguhnuhwanemikwah: chebemahjeïkwah emuh kuhkenuh kemeekunaung.

ST. JOHN 17:11

Kahween dush kayahbe nindahyahse oomah uhkeeng, oogoo atuh ahyahwug oomah uhkeeng, kuhya neen kepenaunzekoon. Pahnezeyun Wayoosemegooyun, guhnuhwanim emuh kedezhenekahzoowining egewh kahmeezheyun, chepazhegoowaud, debishkoo kuhya kenuhwind azhepazhegooyung.

I. CORINTHIANUN 14:16

Kishpin oo‐oo ezhechagasing, uhpe mahyahmooyahwayunin emuh kechechaugoong, ahneesh dush owh nasittootunsig kaöonje‐kushketood Amen cheëkedood uhpe keen kahmahmooyahwayunin, ewh nesittoontunsig ewh akedooyun?

EPHESIANUN 6:24

Tahshahwandahgoozewug kuhkenuh egewh suhyahgeähjig enewh Tabanemenung Jesus Christ emuh sahgeëwawining wekah‐kabahnahdussenook. Amen.

PHILIPPIANUN 4:23

Mahnoo kuhkenuh kenuhwah kegahahyahnahwah ooshahwanjegawin owh Tabanemenung Jesus Christ. Amen.

PHILIPPIANUN 4:7

Kuhya ewh oopezaunewawin owh Kesha‐Muhnedoo, ewh ahweyah katanesittootunsigoobun, kegahguhnuhwane-megoonahwah emuh kedaëwaung kuhya emuh kedenanduhmoowinewaung oonje owh Christ Jesus.

THESSALONIANUN 5:23

Kuhya owh Kesha‐Muhnedoo wazhetood pezaunewawin kegahahpeche‐peeneëgoowah; ahpakish guhnuhwanemegooyag emuh anegook‐oojechaugooweyag, kuhya anegookwaug keyowewaung kuhnuhga mujje‐ezhewabezesewag nahnauzh uhpe tagwishing Tabanemenung Jesus Christ.

I. PETER 1:5

Kenuhwah ganuhwanemegooyag emuh oomushkahwezewining Kesha‐Muhnedoo oonje ewh dabwayanduhmoowin cheshahwandahgoozeyag ewh shahwandahgoozewin ahzhuh kahwahwazhechegahdag, kamezheshuhwechegahdag uhpe ishquah‐kezheguk.

JUDE 1:24

Owh dush kashketood cheguhnuhwanemenag cheoonje‐pungeshinsewag, kuhya chenebahweënag ningood mujje‐enanemegoosewag emuh anahsuhmeähyahnig oopeshegandahgoozewin emuh keche‐minwahnegoozewining.