NUMBERS 6:20 - Ottawa New Testament Penteteuch and Psalms 1874

²⁰ Owh dush sahsahgewejega‐wenene uhyahzhook oogahezhewabenahnun oonje ewh uhyahzhook azhewabenuhming sahsahgewejegun emuh anahsuhmeühyaud Jehovah: oo‐oo kechetwahwandahgwud oonje owh sahsahgewejega‐wenene, kuhya ewh uhyahzhook azhewabenuhming ookahkegun kuhya ewh wambenuhming oodenemaungun: me dush owh Nazarite chemenequapun shoowemenahboo kishpin enandung.

NUMBERS 6:20 Iomraidhean Croise

LEVITICUS 10:15

Oogahpeetoonahwah ewh pagidenegahdag oodinemaungunemah kuhya ewh ookahkegun ahyahzhook kahwabenegahdag mahmahwe meegewawinun pagidenegahdagin emuh ishkootang weenin, ahyahzhook cheuhpuhgeduhmoowaud anahsuhmid Jehovah; keen suh kegahdebandaun, kuhya kegwissug; mesuh uhpena kaënahkoonegang; debishkoo Jehovah kahekedood.

LEVITICUS 23:11

Ahyahzhook dush oogahwabenaun anahsuhmeed Jehovah, cheöodahpenegahdag kenuhwah oonje: Kahishquah-ahnuhmeä‐kezheguk owh sahsahgewejega‐wenene ahyahzhook oogahwabenaun.

LEVITICUS 7:30

Tebenuhwa ooneenjeeng oogahpeetoonun enewh meegewawinun kachahgizuhmahwaud enewh Jehovahun emuh ishkootang, oogahpeetoon ewh pemeda, kuhya ookahkegun, cheöonjemahmahjebenegahdag anahsuhmid owh Jehovah.

LEVITICUS 7:31

Sahsahgewejega‐wenene dush oogahchahgizaun ewh pemeda emuh sahsahgewejegun‐ahbikoong: Aaron dush kuhya enewh oogwissun oogahdebandahnuhwah ookahkegunemah.

LEVITICUS 7:32

Kuhya ewh ookechedinemaungunemah kegahmeenahwah owh sahsahgewejega‐wenene chepuggedenegahdag uhpe mahgewayagoon kepoonanindewine‐meegewawinewah.

LEVITICUS 7:34

Ningeöoduhpenuhmahwaug mah oonijahnesun owh Israel ewh ookahkegunemah pagedenegahdag kuhya ewh oodinemaungunemah mamahjebenegahdag uhpe mahzhewaud poonanindewine‐meegewawinun, ningemeenaug e‐dush Aaron sahsahgewejega‐wenene kuhya enewh oogwissun mesuh ahpena kaënahkoonegahdag emuh anduhnuhkeewaud Israel oonejahnesun.

LEVITICUS 9:21

Kuhya ookahkegunemaun kuhya ookechedinemaungunemaun Aaron ahyahzhook oogewabenaunun anahsuhmeed Jehovah; debishkoo kahekedood Moses.

NUMBERS 18:18

Ooweyausemewah dush kegahtebandaun, azhetebanduhmun ewh ahyahzhook azhewabenuhming ookahkegun kuhya ewh ookechedenemaungun.

NUMBERS 5:25

Me dush owh sahsahgewejega‐wenene cheöodahpenuhmuhwaud enewh equawun ooninjeening ewh kezhahwanjega‐puhgedenegawin, kuhya cheöombenung ewh puhgedenegawin emuh anahsuhmeähyaud Jehovah, kuhya chepuhgedenung emuh sahsahgewejegun‐ahbikoong:

NUMBERS 6:21

Me suh oo‐oo oodenahkoonegawin owh Nazarite kahwahweenduhmahgad, kuhya ewh pagedenuhmuhwaud Jehovahun oonje ewh buhkagahbuhwid, ewh ween kakushketoopnu ooninj uhyood: nahsaub egoo anandahgwudenig ewh wahweenduhmahgawin kahwahweenduhmahgad, me suh ewh kaëzhechegad nahsaub anandahgwudenig ewh oobuhkagah-buhwewine‐enahkoonegawin.

St Matthew 26:29

Kedenenim suh, Kahween menuhwah ningahmenequaseen maunduh mahnewung ewh shoowemenegahwunzh, nahnauzh ewh kekezheguk uhpe kadooshke‐menequayaun emuh oodoogemahwewining owh Noos.

ST. MARK 14:25

Kagate kedenenim, Kahween menuhwah ningahmenequase ewh shooweminahboo, bahnemah atuh kezheguk nayaub kamenequayaun emuh oodoogemahwewining owh Kesha‐Muhnedoo.

ST. JOHN 19:30

Uhpe dush owh Jesus kahoodahpenung ewh shewahboo, keëkedoo, Kezhechegahda: kahnuhwuhgequanid dush, oogepuhgedenaun enewh oojechaugwun.