NUMBERS 5:27 - Ottawa New Testament Penteteuch and Psalms 1874

²⁷ Uhpe dush kemenequaäud ewh nebe, me dush chepuhgumme‐uhyahmahguk, kishpin kahweneähwindan, kuhya kahmujjedooduhwahgwan oonahbamun, ewh nebe wanjekuhgwahnesuhgandahgoozing chepeendegamuhguk weyowing, kuhya chewesuhgahgummig, ewh dush oomesud tahbahge-sinene, kuhya oobwaum tahpegishkuhnudene: owh dush equa oogahkuhgwahnesuhganemegoon weejahneshenahban.

NUMBERS 5:27 Iomraidhean Croise

PSALMS 109:18

Debishkoo oodahgwewining oogahahgwin ewh: kuhya debishkoo kechepezoowining ahpena oogahkechepezoon.

NUMBERS 5:20

Kishpin dush ween kahbuhkatahwunan cheweejewud bakahnezid owh ween kenahbam chekeweejewuhdebun, kishpin kuhya kahweneëgoowunan, ahweyah dush enene kahwepamenoogwan kahween atuh kenahbam:

NUMBERS 5:28

Kishpin dush owh equa kahweneähsewindan, penezid atuh; me gagoo cheëzheühyahsig, kuhya cheünjegood.

ROMANUN 6:21

Ahneen dush ewh uhpe kahoondezeyag enewh noongoom agujetuhmagoon? uhnewuhyaquahsag mahween oonoo uhyeëen, neboowin duhgoomahgud.

II. CORINTHIANUN 2:16

Anuhkuhkayah egewh banahdezejig nindahwemin neboowine‐menahgoozewin cheöonje‐neboowaud; anuhkuhkayah dush egewh bamahjeïndjig nindahwemin bemahdezewine‐menahgoozewin cheöonje‐bemahdezewaud. Ahwanan dush kashketood oonoo uhyeëen.

DEUTERONOMY 28:37

Kegahmahmuhkahdanemegoog dush, kuhy kegahmahnahjemegoo pahpenoodookwah kuhkenuh egewh ahnishenahbag ayahjig ewede Jehovah kaëzhewenik.

II. PETER 2:10

Mamwach enewh anoosanejin emuh weyausemaung emuh weenezewine‐mujje‐nunduhwanduhmoowining, kuhya nashepahpenooduhmenejin enewh oogemahwandahgoozewinun. Kechetwahwanemoowug suh oogoo, kuhya ananduhmoowaud ezhewabezewug, kahween ookootunsenahwaun wemujje‐duhzhinduhmoowaud enewh negaun‐andah goozewinun.