NUMBERS 4:15 - Ottawa New Testament Penteteuch and Psalms 1874

¹⁵ Uhpe dush Aaron kuhya enewh oogwissun keïshquahuhgwuhnuhuhmoowaud ewh kechetwah wegewaum, kuhya kuhkenuh enewh ahbuhjechegunun dabandagwukkin emuh kechetwah wegewauming, zhegwuh wemahjahwaud egewh kahkuhbashejig; me dush enewh oogwissun owh Kohath chebeëzhahnid ewh chebemewedoonid: kah dush ween oogahtaungenunsenahwah gagoo kachetwahwandahgwuk, cheöonjeneboosigwah dush. Me suh oonoo kabemewedoonejin Kohath oogwissun emuh puhpuhgewuhyahne‐ahnuhmeäwegummegoong emuh koo anduhzhe‐mahwunjeëding.

NUMBERS 4:15 Iomraidhean Croise

EXODUS 19:12

Kegahkekenuhwahjetuhmuhwaug dush egewh ahnishenahbag ewh uhke kewetahuhyeëe emah kaähkooëzhahwaud, oo‐oo cheënudwah, Aungwahmezig, cheöogedahkewasewag wuhjewing, gamah kuhya chetaungishkunsewag: ahwagwan tuhyaungishkuhmoogwan kagate egoo tuhnesah:

EXODUS 19:21

Jehovah dush oo‐oo oogeënaun Mosesun, Nesahkewan, aungwahmim egewh ahneshenahbag pashoo chenaunzekuhwahsigwah Jehovahun chewahbunjegawaud, nebewah dush egewh cheneboosigwah.

EXODUS 27:7

Enewh dush metigoonsun tuhpeenjesejegahdawun emah wahweyayahbekudoong, enewh dush metigoonsun tahahtawun emah neenzhing ezheöopemaühyeëwung ewh sahsahgewejegunahbik, cheöonjebemewedoong.

LEVITICUS 16:13

Kuhya oogahahtoon ewh menoomahgoojegun emuh ishkootang anahsuhmid Jehovah, chepuhduhquunnesing emuh shahwanjega‐ahgweduhbewining wuhgijuhyeëe debahjemoowining atag ewh paquanag menoomahgoojegun, cheöonjeneboosig:

NUMBERS 1:50

Kegahenahkoonaug atuh egewh Levitug chekuhnuhwanduhmoowaud ewh debahjemoowine‐puhpuhgewuhyahne‐ahnuhmeä‐wegummig, kuhya kuhkenuh enewh oonahgunun dabandahgwukkin emuh, kuhya kuhkenuh enewh dabandahgwukin emuh: oogahbemewedoonahwah ewh puhpuhgewuhyahne‐ahnuhmeä wegummig, kuhya kuhkenuh enewh oonahgunun dabandahgwukkin emuh; oogahuhnooke-tahnahwah kuhya, kuhya tahkuhbashewug kewetahuhyeëe emuh puhpuhgewuhyahne‐ahnuhmeä‐wegummigoong.

NUMBERS 1:51

Uhpe dush ewh puhpuhgewuhyahne‐ahnuhmeä‐wegummig weühnemahjahmuhguk, egewh Levitug oogahnesenahwah: uhpe dush ewh puhpuhgewuhyahne‐ahnuhmeä‐wegummig webuhduhkesejegahdag, egewh Levitug oogahbahduh-kesedoonahwah: owh dush mayuhgezid pashoo puhezhaud tahnesah.

NUMBERS 10:21

Egewh dush Kohathitug keühnemahjahwug, bemewedoowaud ewh kechetwah wegewaum: enewh dush ahnind oogepuhduhkesedoone ewh puhpuhgewuhyahne‐ahnuhmeäwegummig chebwahduhgweshenoowaud.

NUMBERS 18:3

Oogahkuhnuhwandahnahwah dush kekuhgequawin, kuhya kuhkenuh ewh puhpuhgewuhyahne‐ahnuhmeäwegummig: kah dush ween pashoo oogahnaunzekunsenahwaun enewh oonahgunun dabandahgwukkin emuh kechetwahwegewauming kuhya ewh sahsahgewejegun‐ahbik, wenuhwah dush, kuhya kenuhwah cheneboosewag.

NUMBERS 3:38

¶ Egewh dush ween kakuhbashewaud enahsuhmeüh-yahmuhguk ewh puhpuhgewuhyahne‐ahnuhmeä‐wegummig wahbunoong enuhkuhkayah, emuh suh goo anahsuhmesing ewh puhpuhgewuhyahne‐ahnuhmeäwegummig emuh koo anduhzhemahwunjeëding wahbunoong enuhkuhkayah, me owh Moses kuhya Aaron kuhya enewh oogwissun, kuhnuhwanduhmoowaud ewh kechetwah wegewaum kaöonjekuhnuh-wanememind Israel oonejahnesun; owh dush mayuhgezid pashoo buhezhaud tahnesah.

NUMBERS 4:14

Oogahuhtoonahwah dush wuhgejuhyeëe emuh kuhkenuh enewh ahbuhjechegunun dabandahgwukkin emuh, enewh ahyoowahjin ewh uhnooketuhmoowaud, enewh menoomahgwahbekezegunun, enewh weyaus‐puhdukebejegunun, kuhya enewh nuhbuhgahbikoon, kuhya enewh oonahgaunsun, kuhkenuh enewh sahsahgewejegunahbikoo‐ahbuhjechegunun; oogahduhzhwagesedoonahwah dush wuhgejuhyeëe emuh uhkuhkoojeeshewahyaune‐uhgwuhnuhegun, kuhya oogahpeendahkoosedoonahwah enewh metigoonsun dabandahgwukkin emah.

NUMBERS 4:19

Oo‐oo atuh doodowh, chebemahdezewaud, cheneboosigwah dush, uhpe pashoo nuhyaunzekuhmoowahjin enewh muhyahmuhwe‐kechetwahwandahgwukkin: Aaron kuhya enewh oogwissun tahpeendegawug, oogahweenduhmuhwahwaun dush enewh kuhkenuh anduhchenid kaëzheühnookenid, kuhya menik kabemewejeganid:

NUMBERS 4:20

Kah dush ween tahpeendegasewugchewahbunjegawaud uhpe enewh kachetwahwandahgwukkin ahgwuhnuhegahdagin, cheöonjeneboosigwah.

NUMBERS 7:9

Enewh dush ween oogwissun owh Kohath kahween gagoo oogemeenahseen: ewh mah azhebuhmetahgawaud emuh kechetwah wegewauming me ewh chebemewuhnawaud oodenemaungunewaung.

DEUTERONOMY 31:9

Moses dush oogeöozhebeäun oo‐oo tebahkoonegawin, oogepuhgedenuhmuhwaun dush enewh sahsahgewejega‐wenenewun Levi oogwissun, kahbemewedoonid Jehovah oowahweenduhmahga‐muhkuk, kuhya kuhkenuh enewh akewanzeyewenejin emuh Israeling.