NUMBERS 32:9 - Ottawa New Testament Penteteuch and Psalms 1874

⁹ Uhpe mah azhahwaud emuh duhwuhdedahnig Eshcol, uhpe dush wuhyahbunduhmoowaud ewh uhke, oogeshahgwanemooähwaun Israel oonejahnesun, chepeendegasenig emuh uhkeeng ewh kahmeenegoowahpun Jehovahun.

NUMBERS 32:9 Iomraidhean Croise

NUMBERS 13:23

Keduhgweshenoog dush emuh sebeweshaïng Eshcoling, oogekeeshkuhahnahwah dush emuh pazhig wuhdequun emuh ingooding uhquuhgoodagin shooweminun, kebemewedoowaud dush neenzh enenewug metigoonsing; oogebedoonahwaun kuhya ahnind pomegranatun, kuhya figoominun.

NUMBERS 13:24

Ewh emuh sebewesha Eshcol keëzhenekahda, oonje enewh ingooding kahuhquuhgoodagin shooweminun Israel oonejahnesun kahkeeshkuhuhmoowahjin emuh.

NUMBERS 13:26

¶ Oogeëzhahnahwaun dush, kuhya keduhgweshinoog emuh uhyahnid Mosesun, kuhya Aaronun, kuhya kuhkenuh enewh muhyahwunjeëdenid Israel oonejahnesun, emuh Paran duhzhe buhgwuhduhkummig, emuh Kadeshing; oogebedahjemootuhwahwaun dush enewh, kuhya kuhkenuh enewh muhyahwunjeëdenejin, oogewahbunduhahwaun kuhya ewh natahweging emuh uhkeeng.