NUMBERS 32:4 - Ottawa New Testament Penteteuch and Psalms 1874

⁴ Ewh suh goo uhke Jehovah kahpuhketaüng emuh anahsuhmeühyahnid enewh muhyahwunjeëdenid Israelun, oonezheshin emuh cheühyahwahpun uhwuhkaunug, egewh kuhya kebuhmetahgunug ooduhwuhkaunewug:

NUMBERS 32:4 Iomraidhean Croise

NUMBERS 21:24

Israel dush oogepuhketawaun ewh uhshuhwashk keühyood, oogedebandaun dush ooduhkeemene emuh Arnoning oonje nuhnaunzh egoo Jabboking, emuh suh goo uhyahnid Ammon oonejahnesun: emuh suh ishquaühyeëe ooduhkemewaung Ammon oonejahnesun kesoongunene.

NUMBERS 21:34

Jehovah dush oo‐oo oogeënaun enewh Mosesun, Kagoo koosahkan: ningepuhgedenah mah keninjeeng, kuhya kuhkenuh enewh oodahnishenahbamun, kuhya ewh ooduhkeem; kegahdooduhwah dush nahsaub kahdooduhwud Sihon egewh Amoritug ookeche‐oogemahmewaun, owh Heshboning kahduhnuhkepun.

NUMBERS 21:35

Me suh dush kahezhepuhketawahwaud, kuhya enewh oogwissene, kuhya kuhkenuh enewh oodahnishenahbamene, peenish egoo kejahgenuhnahwaud oogedebandahnahwah dush ewh ooduhkeemene.

NUMBERS 32:5

Kishpin suh dush, keëkedoowug, manwandahgoozewaungan emuh anahsuhmeyun, mahnoo oo‐oo uhke tahmeenahwug kebuhmetahgunug ckedebanduhmoowaud, kagoo kuhya ezhewezheshekaungan ahgaum Jordan.

DEUTERONOMY 4:38

Chesahgejenahzhuhwaud ahnishenahban uhnooj azheweenzoonejin emuh anahsuhmeyun nuhwuj kacheühpetandahgoozejig kuhya nuhwuj mashkuhwezejig keen dush ween, chepeendeguhnenaun, chemenenaun ooduhkeemewah chedebanduhmun, debishkoo suh goo noongoom azhewabuk.