NUMBERS 3:13 - Ottawa New Testament Penteteuch and Psalms 1874

¹³ Kuhkenuh mah egewh netumoozhahnug nindebanemaug; ewh suh kezheguk kepuhketawugwah kuhkenuh netumoozhahnug emuh Egypt duhzhe uhkeeng ningekechetwahwetuhmahdiz kuhkenuh egewh netumoozhahnug emuh Israeling, egewh bamahdezejig kuhya egewh ahwuhkaunug: neen ningahdebanemaug: owh Jehovah nindowh.

NUMBERS 3:13 Iomraidhean Croise

EXODUS 13:12

Chepuhgedenuhmuhwud Jehovah kuhkenuh enewh puhyahkishkummenid ewh oopuhyowemah, kuhya anduhchewaud egewh uhwuhkaunug oonetumoozhahewaun ayahwahjig; enewh nahbaühyuhaun oogahdebanemaun Jehovah.

EXODUS 13:15

Kepuhgummeähyahmuhgud dush uhpe Pharaoh uhgahwuh anandunsegoobun chepuhgedeneyungid, Jehovah kenesaud kuhkenuh netumoozhahnun emah Egypt duhzhe uhkeeng, enewh enene oonetumoozhahnun, kuhya dush egoo ahwuhkaun oonetumoozhahnun: me dush ewh wanjesahsahgewenug Jehovah, sahsahgewechegayaun kuhkenuh egewh puhyahkahkooshkungig ewh oopahyowhwemah, egewh nahbaühyuhaug; kuhkenuh dush ween nenejahnesug natumoozhahnewejig nekeeshpenuhnaug.

EXODUS 13:2

Penetuhmuhweshin kuhkenuh egewh netumoonzhahnug, ahwagwan suh goo puhyahkahkooshkumoogwan ewh oopuhyowhemah emah uhyahwaud Israel oonejahnesun, oonetumoonzhahuun enene kuhya uhwuhkaun; neen owh nindebanemah.

EXODUS 22:29

¶ Kahween kegahbuhbakahdanduhse chepuhgedenuhmun enewh netum mahnewungin kahzhegingin dabanduhmun, kuhya enewh uhnooj anahguhmegin: owh natumoonzhahnewid kegwissug kegahmeenzh.

EXODUS 34:19

Kuhkenuh enewh wanjepahkahkooshkaug ewh oopuhyowemah neen nindebandahnun; kuhya anduhchewaud egewh netumoonzhahnug emah uhyahwaud keduhwuhkaunug, pazhekewewahgwan gamah kuhya muhyahnishtahneshewewahgwan, nuhyahbaühyuhahwejig.

LEVITICUS 27:26

Enewh atuh natum‐negenejin oomahnesheensemewaun ahwahkaunug Jehovah dabanemahjin kahween ahweyah oogahkechetwahwanemahseen kishpin pezhekewenid gamuh mahnishtahnishewenid, Jehovah oodebanemaun.

NUMBERS 18:15

Kuhkenuh netumoonzhahnun pahduhwahwaud Jehovahun, anenewenegwan, gamah kuhya awuhkaunewenegwan, keen kegahtebanememaun: oonetuhmoonzhaun dush ween enene ahbedakummig kegahkeeshpenuhnemaun, oonetumoonzhaunewaun kuhya wahnezejig uhwuhkaunug kegahkeeshpenuhnaug.

NUMBERS 18:6

Benuh dush neen, neen ningeöodahpenaug egewh kekahnesewaug Levitugoonje emuh uhyahwaud Israel oonejahnesun: kemeenegoom suh egewh oonje Jehovah, chemekinduhmoowaud ewh buhmetahgawin emuh oopuhpuhgewuhyahne‐ahnuhmeäwegummegoowaung.

NUMBERS 3:41

Kegahoodahpenuhmowh dush egewh Levitug (neen nindowh owh Jehovah) mashquud kuhkenuh egewh netumoozhahnug ayahwaud magwaühyeëe uhyahnid Israel oonejahnesun: kuhya ooduhwuhkaunewaun egewh Levitug mashquud kuhkenuh egewh natumoozhahnewejig Israel oonejahnesun ooduhwuhkaunene.

NUMBERS 33:4

Egewh mah Egyptianug oogepuhgedanemahwaun kuhkenuh oonetumoonzhahnewaun, enewh Jehovah kahpuhketawahjin magwaühyeëe emuh uhyahwaud: enewh kuhya oomuhnedoomene Jehovah oogetebahkoonaun.

ST. LUKE 2:23

(Debishkoo azhebeëgahdag emuh ootebahkoonegawining owh Tabaningad, Kuhkenuh egewh netum nahgejig quewezansug tahuhyenanemahwu chepuggedenuhmuhwind owh Tabaningad;)

HEBREWUN 12:23

Kuhya anduhzhe mahwunjeëdewaud egewh dabandahgoozejig emuh, oodahnuhmeä‐weguhmigoowaung egewh kahnetum‐neegejig wazhebeëgahzoojig ewede keche‐kezhegoong, kuhya Kesha‐Muhnedoo katebahkoonaud kuhkenuh enewh bamahdezenejin, kuhya enewh oojechaugoowaun egewh quuhyuk‐azhewabezejig, kahkeche‐shahwandahgoozejig.