NUMBERS 3:10 - Ottawa New Testament Penteteuch and Psalms 1874

¹⁰ Kegahenahkoonaug dush Aaron kuhya enewh oogwissun, chemekinduhmoowaud oosahsahgewejega‐ahnookewinewah: owh dush mayuhgezid pashoo buhezhaud tahnesah.

NUMBERS 3:10 Iomraidhean Croise

EXODUS 29:9

Kegahkejepenaug dush kejepezoonun, Aaron kuhya enewh oogwissun, kuhya kegahuhtuhmuhwaug enewh wewuhquaunun: ewh dush ooduhnookewin owh sahsahgewejega‐wenene kahgenig oogahdebandahnahwah: kegahkechetwahweäh dush Aaron kuhya enewh oogwissun.

LEVITICUS 22:10

Kahween ahweyah mayuggezid oogahmeejeseen ewh kachetwahwandahgwuk: owh paundegahwaud enewh sahsahgewejega‐wenenewun, gamuh oodahnooke‐wenenemun enewh anoonahjin, kahween oogahmeejeseen ewh kachetwahwandahgwuk.

NUMBERS 1:51

Uhpe dush ewh puhpuhgewuhyahne‐ahnuhmeä‐wegummig weühnemahjahmuhguk, egewh Levitug oogahnesenahwah: uhpe dush ewh puhpuhgewuhyahne‐ahnuhmeä‐wegummig webuhduhkesejegahdag, egewh Levitug oogahbahduh-kesedoonahwah: owh dush mayuhgezid pashoo puhezhaud tahnesah.

NUMBERS 16:10

Kegepeenig suh dush pashoo emuh uhyaud, kuhya kuhkenuh enewh kekahnesun Levi oogwissun: kenunduhwandahnahwah nuh kuhya sahsahgewejega‐wenene ooduhnookewin?

NUMBERS 16:35

Ishkooda dush keöonjebeda ewede uhyaud Jehovah, oogechahgezoogoonahwah dush egewh neenzhwauk uhshe nahnemeduhnuh enenewug kahmenoomahgwahkezegajig.

NUMBERS 16:40

Chemequanduhmoowaud Israel oonejahnesun, ahweyah mayuhgezid, Aaroning wandahdezesig, pashoo chepeëzhahsig chemenoomahgwahkezegad emuh anahsuhmeühyahnid Jehovahun; cheëzheühyahsig kahezheühyaud Korah, kuhya enewh kahwedookahgoojin: nahsaub egoo kahegood Jehovahun kekuhguhnoonind Moses.

NUMBERS 18:3

Oogahkuhnuhwandahnahwah dush kekuhgequawin, kuhya kuhkenuh ewh puhpuhgewuhyahne‐ahnuhmeäwegummig: kah dush ween pashoo oogahnaunzekunsenahwaun enewh oonahgunun dabandahgwukkin emuh kechetwahwegewauming kuhya ewh sahsahgewejegun‐ahbik, wenuhwah dush, kuhya kenuhwah cheneboosewag.

NUMBERS 18:7

Keen suh dush kuhya kegwissug kegahkuhnuhwandahnahwah kesahsahgewejega‐ahnookewinewah oonje kuhkenuh enewh tabandahgwukkin emuh sahsahgewejegun‐ahbikoong, kuhya peendig kebuhgoojeguning; kegahbuhmetahgam dush: kegemeenenim suh kesahsahgewejega‐ahnookewinewah, meegewa‐buhmetahgawin suh ewh: owh dush mayuhgezid pashoo puhezhaud tahnesah.

NUMBERS 3:11

Jehovah dush oogekuhnoonaun enewh Mosesun, oo‐oo keënaud,

NUMBERS 3:38

¶ Egewh dush ween kakuhbashewaud enahsuhmeüh-yahmuhguk ewh puhpuhgewuhyahne‐ahnuhmeä‐wegummig wahbunoong enuhkuhkayah, emuh suh goo anahsuhmesing ewh puhpuhgewuhyahne‐ahnuhmeäwegummig emuh koo anduhzhemahwunjeëding wahbunoong enuhkuhkayah, me owh Moses kuhya Aaron kuhya enewh oogwissun, kuhnuhwanduhmoowaud ewh kechetwah wegewaum kaöonjekuhnuh-wanememind Israel oonejahnesun; owh dush mayuhgezid pashoo buhezhaud tahnesah.

ROMANUN 12:7

Gamuh buhmeetahgawin, umba duzzhekundah kebuhmeetahgawinenaun: gamuh wah‐owh kakenooahmahgad tahkekenooähmahga;

EPHESIANUN 2:19

Kah suh dush kayahbe kemahyuggezeseem, kah kuhya pukkaun kedezheweenzooseem, keweejekewaëmahwaug suh ween egewh quuhyuk‐anuhmeähjig, kuhya kedebandahgoozeem emuh oowegewauming Kesha‐Muhnedoo;

DEUTERONOMY 18:5

Owh mah Jehovah keKesha‐Muhnedoom oogewuhwanahbuhmaun emuh uhyahwaud kuhkenuh kedahnishenahbamug, chebuhmetahganid emuh oodezhenekahzoowinening Jehovahun, ween kuhya enewh oogwissun kahgenig.

HEBREWUN 8:4

Kishpin dush ahyahpun oomah uhkeeng, kahween tahgesahsahgewejega‐wenenewese, oonje mahween ahyahwaud egewh sahsahgewejega‐wenenewug kasahsahgewetoojig enewh meegewawinun debishkoo akedoomahguk ewh tebahkoonegawin: