NUMBERS 28:3 - Ottawa New Testament Penteteuch and Psalms 1874

³ Oo‐oo dush kegahenaug, Me suh oo‐oo ishkooda‐sahsahgewejegun kapuhgedenuhmuhwag Jehovah; neenzh mahnishtahnisheensug nangoo‐pepoon‐uhgezejig kaduhgezesegoog andussoo‐kezhiguk, uhpena tahishkooda‐sahsahgewejegam.

NUMBERS 28:3 Iomraidhean Croise

LEVITICUS 3:5

Aaron dush oogwissun oogahchahgizaunahwah emuh sahsahgewejegunahbikoong emuh ahtag chahgezega‐sahsahgewejegun, emuh ishkootang duhzhe meesheeng, chahgezega‐sahsahgewejegun ahwun, kaminoomaundung owh Jehovah.

LEVITICUS 6:9

Kuhgaunzoom Aaron kuhya enewh oogwissun, oo‐oo cheënudwah, mesuh maunduh enahkoonegang kadezhewabuk ewh chahgezega‐sahsahgewejegun: Chahgezega sahsahgewejegun ezhenekahda, oonje chahgedag emuh sahsahgewejegun‐ahbikoong kuhpa tebik peenish wahbung, tahishkootawun dush emuh sahsahgewejegun‐ahbikoong.

NUMBERS 28:10

Me suh oo‐oo chahgeda‐sahsahgewejegun kasahsahgewejegang andussoo‐ahnuhmeäkezhiguk, kuhya dush ewh kahgega‐chahgeda‐sahsahgewejegun, kuhya ewh menequa‐sahsahgewejegun dabandahgwuk emuh.

NUMBERS 28:15

Pazhig kuhya oomeshahboozoonsemewah egewh meshahboozoog oonje ewh pahtahzewine‐sahsahgewejegun tahpuhgedenuhmuhwah Jehovah, ewh dush kuhya kahgega chahgeda‐sahsahgewejegun dabandahgwuk emuh kuhya oomenequa‐sahsahgewejegun.

NUMBERS 28:23

Kegahsahsahgewejeganahwaug oogoo ewh dush kuhya chahgeda‐sahsahgewejegun kakezhabahwuhguk pagedenuhming, ewh kahgega chahgeda‐sahsahgewejegun.

NUMBERS 28:24

Me suh oo‐oo kaëzhesahsahgewejegayag andussoo‐kezhiguk, enewh neenzhwahswe kezhigudoon, ewh, ewh sahsahgewejega‐mejim chuhyahgezuhming, Jehovah manoomaundung: tahsahsahgewejegam kahween ween ewh kahgega chahgeda‐sahsahgewejegun tahgwuhginjegahdasenoon, kuhya ewh menequa‐sahsahgewejegun dabandahgwuk emuh.

NUMBERS 28:31

Kegahsahsahgewejeganahwaug kahween tahgwuhginjegahdasenoon ewh kahgega chahgeda‐sahsahgewejegun dabandahgwuk emuh, (kahween tahmahkezesewug) kuhya enewh oomenequa‐sahsahgewejegunewaun.

NUMBERS 28:4

Owh pazhig mahnishtahnisheense kegahsahsahgewejeganun uhpe kekezhabahwuhguk, owh dush menuhwah pazhig mahnishtahnisheense kegahsahsahgewejeganun uhpe oonahgooshig;

NUMBERS 29:11

Pazhig oomeshahboozoonsemewaun egewh meshahboozoog oonje ewh pahtahzewine‐sahsahgewejegun; bakish ewh ahbwayaninga‐pahtahzewine sahsahgewejegun, kuhya ewh kahgega chahgeda‐sahsahgewejegun, kuhya ewh oomejime‐sahsahgewejegun, kuhya enewh oomenequa‐sahsahgewejegunewaun.

NUMBERS 29:16

Kuhya pazhig oomeshahboozoonsemewaun egewh meshahboozoog oonje pahtahzewine‐sahsahgewejegun; bakish ewh kahgega chahgeda‐sahsahgewejegun, ewh oomejime‐sahsahgewejegun, kuhya ewh oomenequa‐sahsahgewejegun.

NUMBERS 29:6

Kahween ween ewh chahgeda‐sahsahgewejegun andussookeziswuhguk pagedenegahdag duhgwuhginjegahdasenoon, kuhya ewh meejime‐sahsahgewejegun dabandahgwuk emuh, kuhya ewh chahgeda‐sahsahgewejegun andussookezhiguk suhyahsahgewejegang, kuhya ewh mejime‐sahsahgewejegun dabandahgwuk emuh, kuhya enewh oomenequa‐sahsahgewejegunewaun, nahsaub egoo anandahgwukkin, manoomahgwukkin, sahsahgewejegun chuhyahgedag Jehovah pagedenuhmuhwind.

ST. JOHN 1:29

Wuhyahbunenig dush John oowahbuhmaun enewh Jesusun petahsuhmoosanid, oo‐oo dush ekedoo, Wahbuhmik owh Kesha‐Muhnedoo oomahnishtahnisheensemun, owh akoonuhmahwaud oomujjeëzhewabezewinene enewh akewenejin.

HEBREWUN 9:6

Uhpe dush oonoo uhyeëen wahwazhechegahdagin, moonzhug peendegawug egewh sahsahgewejega‐wenenewug emuh ewh natumesing ahnuhmeä‐weguhmigoong; ahnookeetuhmoowaud ewh oobuhmeetahgoowin owh Kesha‐Muhnedoo.

REVELATION 13:8

Kuhkenuh dush egewh anduhnuhkeejig emuh uhkeeng oogahoojecheengwuhnetahwahwaun, menik anduhshewaud wazhebeëgahdasenenig oodezhenekahzoowinewaun emuh oobemahdezewine‐muzzenuheguning owh Mahnishtahnisheens kahnesind oonje kahmahje‐oozhetoong ewh uhkee.