NUMBERS 27:21 - Ottawa New Testament Penteteuch and Psalms 1874

²¹ Tahnebuhwe dush emuh anahsuhmeühyahnid Eleäzarun enewh sahsahgewejega‐wenenewun, kakuhgwadwanid kaëzhechegad azhechegang koo wekekanduhming Urim emuh anahsuhmeühyaud Jehovah: uhpe akedoojin tahsahguhuhmoog, uhpe kuhya akedoojin tahpeendegawug, ween, kuhya kuhkenuh Israel oonejahnesun kuhkenuh suh goo egewh muhyahwunjeëdejig.

NUMBERS 27:21 Iomraidhean Croise

EXODUS 28:30

¶ Kegahuhtoonun kuhya peenjuhyeëe emah debahkoonewawine‐asimeeging ewh Urim kuhya ewh Thummim; tuhuhtawun dush oogejuhyeëe Aaron oodaïng, uhpe paundegajin emah anahsuhmeühyahnid Jehovahun: Aaron kuhya oogahbemewedoon ewh oodebahkoonegoowinewah Israel oonejahnesun emah oodaïng anahsuhmenid Jehovahun kahgenig.

LEVITICUS 8:8

Kuhya oogepesekoonaun ewh assimig: kuhya emuh assimigoong oogeähtoonun enewh Urim kuhya Thummim.

NUMBERS 27:17

Owh kasahsahguhung emuh anahsuhmeühyahwaud, kuhya kabahbeendegad emuh anahsuhmeühyahwaud kasahgejewenaud, kuhya kapeendeguhnaud; enewh dush Jehovah oodahnishenahbamun egewh mahnishtahnishug wadoomahnishtahnishe‐wenenemesegoog cheëzheühyahsenig.

NUMBERS 27:2

Kenebuhwewun dush emuh anahsuhmeühyahnid Mosesun, kuhya Eleazarun enewh sahsahgewejega‐wenenewun kuhya emuh anahsuhmeühyahnid enewh oogemaun kuhya kuhkenuh enewh muhyahwunjeëdenejin, emuh ishquaundamewunenig ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, oo‐oo kekedoonid,

NUMBERS 27:20

Kegahmeenah dush ahnind kekechetwahwandahgoozewin, kuhkenuh dush nah egewh muhyahwunjeëdejig Israel oonejahnesun chenuhittuhmoowaud.

NUMBERS 27:22

Moses dush keëzhechega kahezhekuhgaunzoomegood Jehovahun: oogeöodahpenaun dush Joshuaün, oogeühsaun dush emuh anahsuhmeuhyahnid Eleazarun enewh sahsahgewejega‐wenenewun, kuhya emuh anahsuhmeühyahnid kuhkenuh enewh muhyahwundjeëdenejin.

NUMBERS 27:5

Moses dush oogeühweweenduhmuhwaun Jehovahun ewh keënaud.

DEUTERONOMY 31:3

Owh Jehovah keKesha‐Muhnedoom, tahuhnenegahne emuh kaneëzhahyun, oogahnishwuhnahjeäun dush oonoo ahnishenahban anahsuhmeyun, keen dush kegahdebanemaug: Joshua kuhya tahahzhuhwuhoo anahsuhmeyun, debishkoo suh goo Jehovah kahekedood.

DEUTERONOMY 33:8

¶ Oo‐oo dush Leviün oogeënahjemaun, Mahnoo keThum-mimim kuhya keUrimim ooguhweejewahwaun enewh kedeneneemun kachetwahwandahgoozenejin, owh suh goo kahkuhgwahjeüd ewede Massahing, kuhya kahmegahnud ewede Meribah nebeeng.