NUMBERS 27:20 - Ottawa New Testament Penteteuch and Psalms 1874

²⁰ Kegahmeenah dush ahnind kekechetwahwandahgoozewin, kuhkenuh dush nah egewh muhyahwunjeëdejig Israel oonejahnesun chenuhittuhmoowaud.

NUMBERS 27:20 Iomraidhean Croise

NUMBERS 11:17

Ningahbenaunzhe dush chekuhnoonenaun ewede: ningahoodahpenaun dush ahnind ewh nebwahkahwin ayahmun, ningahmeenaug dush ewh; kegahweedookahgoog dush bemoonduhmun ewh azhekuhnuhwanemudwah egewh ahnishenahbag, keen dush nezheka chebemoondunsewun.

NUMBERS 27:19

Nebuhwah dush emuh anahsuhmeühyaud Eleazar owh sahsahgewejega‐wenene, kuhya emuh anahsuhmeühyahwaud kuhkenuh egewh muhyahwunjeëdejig; kuhgekim dush emuh anahsuhmeühyahwaud

NUMBERS 27:21

Tahnebuhwe dush emuh anahsuhmeühyahnid Eleäzarun enewh sahsahgewejega‐wenenewun, kakuhgwadwanid kaëzhechegad azhechegang koo wekekanduhming Urim emuh anahsuhmeühyaud Jehovah: uhpe akedoojin tahsahguhuhmoog, uhpe kuhya akedoojin tahpeendegawug, ween, kuhya kuhkenuh Israel oonejahnesun kuhkenuh suh goo egewh muhyahwunjeëdejig.