NUMBERS 27:18 - Ottawa New Testament Penteteuch and Psalms 1874

¹⁸ ¶ Jehovah dush oo‐oo oogeënaun enewh Mosesun, Oodahpin Joshua oogwissun Nun, owh enene kagishkuhwaud enewh oojechaugwun, uhtuhmowh dush keninj emuh ooshtegwauning;

NUMBERS 27:18 Iomraidhean Croise

GENESIS 41:38

Pharaoh dush oo‐oo oogeënaun oobuhmeetahgunun, Nindahmikahwah nuh ahweyah enene azhewabezid debishkoo mahbuh azhewabezid, oodahyahwaun mah oojechaugwun owh Kesha‐Muhnedoo?

EXODUS 17:9

Moses dush oo‐oo oogeënaun Joshuaün, Wuhwanahbum enenewug, uhwemegauzh dush Amalek: wahbung oogedahke ningahnebowh, ewh Kesha‐Muhnedoo oometigoonsim tuhkoonuhmaun neninjeeng.

NUMBERS 11:17

Ningahbenaunzhe dush chekuhnoonenaun ewede: ningahoodahpenaun dush ahnind ewh nebwahkahwin ayahmun, ningahmeenaug dush ewh; kegahweedookahgoog dush bemoonduhmun ewh azhekuhnuhwanemudwah egewh ahnishenahbag, keen dush nezheka chebemoondunsewun.

NUMBERS 13:16

Me suh oonoo oodenoozoowinewaun egewh enenewug Moses kahuhnoonahjin chenunduhwahtoonid emuh uhkeeng. Moses dush Jehoshua oogeëzhenekahnaun enewh Osheaün oogwissun owh Nun.

NUMBERS 13:8

Emuh oodenoodawezewining owh Ephraim, Oshea oogwissun owh Nun.

NUMBERS 27:23

Oogeühtuhwaun dush ooninjeen emuh ooshtegwaunening, oogekemaun kuhya, nahsaub egoo Jehovah kahezhekuhgaunzoomahpun enewh Mosesun.

ST. JOHN 3:34

Enewh mahween Kesha‐Muhnedoo kahpeëzhenahzhahwahjin, oodebahdoodaunun Kesha‐Muhnedoo oodekedoowinun: Kah muh kekenuhwauj menik oogemeenahseen owh Kesha‐Muhnedoo enewh Oojechaugwun.

OODEZHECHEGAWINEWAH 13:3

Uhpe dush‐kahkeëquishemoowaud kuhya kahahnuhmeähwaud, oogeezheneenjetuhwahwaun, kemahjenahzhahwahwaud dush.

OODEZHECHEGAWINEWAH 19:6

Uhpe dush owh Paul kahezheneenjeetuhwaud enewh oogepeöodissegoowaun enewh Keche‐Oojechaugwun; me dush keïnwawaud pakaunukin inwawinun, kuhya keäunwahjegawug.

OODEZHECHEGAWINEWAH 6:3

Umba dush nejekewaëdoog, nunduhwahbuhmik kenuhwah anduhcheyag neeshwauswe enenewug manwahjemindjig, kuhya mwaushkenashkahgoojig enewh Keche‐Oojechaugwun kuhya nebwahkahwin, kaähnoonungejig oo‐oo cheühnuhnookewaud.

OODEZHECHEGAWINEWAH 6:6

Me suh enewh kahahsahwahjin emuh enahsuhmuhbenid enewh apostleün: uhpe dush kahahnuhmeähwaud, oogeëzheneenjetuhwahwaun enewh.

DEUTERONOMY 1:37

Jehovah kuhya ningenishkanemig kenuhwah oonje, oo‐oo keëzhid, Keen kuhya kahween ewede kegahpeendegase.

DEUTERONOMY 3:21

¶ Ningekuhgaunzoomahbun dush Joshua uhpe, oo‐oo keënug, Kishkeenzhegoon uhyooyun kegewahbundahnun kuhkenuh Jehovah keKesha‐Muhnedoom kahdooduhwaud oonoo neezh keche‐oogemaun: me suh nahsaub Jehovah kadooduhg kuhkenuh enewh oogemahwewinun kaöodetuhmun.

DEUTERONOMY 3:28

Kuhgekim dush ween Joshua, menoodaäwh kuhya, kuhya soongedaäwh: tahnegahne mah kaneëzhahnid oonoo ahnishenahban, oogahdebandahsooäun dush enewh ewh uhke kawahbunduhmun.

DEUTERONOMY 31:14

¶ Jehovah dush oo‐oo oogeënaun Mosesun, Benuh, shegwuh pashoo beühyahwun enewh kezhigudoon uhpe chenebooyun: nundoom Joshua, nebuhwik dush peendig emuh oopuhpuhgewuhyahne‐ahnuhmeäwegummigoowaung egewh koo muhyahwunjeëdejig, chekuhgekemug dush. Moses dush kuhya Joshua keëzhahwug, kenebuhwewug dush emuh oopuhpuhgewuhyaune‐ahnuhmeäwegummigoowaung egewh koo muhyahwunjeëdejig.

DEUTERONOMY 31:23

Oogekuhgekemaun kuhya Joshuaün oogwissun owh Nun, oo‐oo keënaud, Mushkuhwezeen kuhya soongedaän: kegahpeendegahnaug mah Israel oonejahnesun ewede uhkeeng ewh kahmushkuhwe‐wahweenduhmuhwugwah: kegahweejewin dush.

DEUTERONOMY 31:3

Owh Jehovah keKesha‐Muhnedoom, tahuhnenegahne emuh kaneëzhahyun, oogahnishwuhnahjeäun dush oonoo ahnishenahban anahsuhmeyun, keen dush kegahdebanemaug: Joshua kuhya tahahzhuhwuhoo anahsuhmeyun, debishkoo suh goo Jehovah kahekedood.

DEUTERONOMY 34:9

¶ Owh dush Joshua oogwissun owh Nun oogemooshkenashkahgoon ewh nebwahkahwine‐oojechaugoomaun; Mosesun mah oogeühtuhmahgoobuneen ooninjene emuh ooshtegwauning: Israel kuhya oonejahnesun oogebezindahgoon, kuhya keëzhechegawun debishkoo Jehovah kahezhekuhgaun zoomahpun enewh Mosesun.

I. TIMOTHEUSUN 4:14

Menoo‐gunuhwandun ewh meegewawin ayahmun emuh keyowing, kahmeenegooyun oonje ewh aunwahjegawin, mahmahwe kepuggijeneenjenootoonikwah egewh mahyahmahwejegajig makuhdawekoonuhyag.

I. TIMOTHEUSUN 5:22

Kagoo ahweyah enene shasekah puggijjeneenjenoo-tahwahkan, kah kuhya kegahweedookahmahwahseeg pakahnezejig oomujje‐ezhewabezewinewah: guhnuhwanindezoon chepeenezeyun.

HEBREWUN 6:2

Kuhya kahezhekekenooähmahgooyung anandahgwuk enewh baptizooweëwawinun, kuhya ewh puggejeneenjenooduhmahding kuhya ewh oodahbejebahwinewah egewh naboojig, kuhya ewh kahgega‐tebahkoonegawin.