NUMBERS 25:18 - Ottawa New Testament Penteteuch and Psalms 1874

¹⁸ Kegemegooshkahjeëgoowaug mah kewuhyazhemenagwah oonje owh Peor, kuhya oonje owh Cozbi, enewh wadahnejin pazhig Midian duhzhe oogemah, ooduhwamahwaun kahnesememinjin ewh kezhiguk kemujjeënahpenang oonje owh Peor.

NUMBERS 25:18 Iomraidhean Croise

GENESIS 26:10

Abimelech dush oo‐oo keëkedoo, Wagoonash suh oo‐oo kahdoodahweyaung? wanepuzh kewedegamahgun oodahgewepamegoon pazhig enewh ahnishenahban, keen dush kedahgepeetuhwemin ewh mujje‐ezhewabezewin.

GENESIS 3:13

Jehovah Kesha‐Muhnedoo oo‐oo oogeënaun equawun, Wagoonan oo‐oo kahzhechegayun? Equa dush keëkedoo, Ningewuhyazhemig owh kenabig, ningeäumwah dush.

EXODUS 32:21

Moses dush oo‐oo oogeënaun enewh Aaronun, Wagoonan suh kahdoodookwah oogoo ahnishenahbug, ewh dush kepeduhwudwah oo‐oo keche mujje‐ezhewabezewin?

EXODUS 32:35

Jehovah dush oogekooduhgeäun enewh ahnishenahban, oonje ewh keöozheähnid enewh pezhekeensun, enewh suh goo Aaron kahoozheähjin.

NUMBERS 25:15

Owh dush ween Midian duhzhe equa kahnesind Cozbi keëzhenekahzoo, oodahnun owh Zur; wuhowh oogenegaunezekunduhwaun ahnishenahban, pazhig suh goo nahgaunandahgwuk wegewaum emuh Midianing.

NUMBERS 25:17

Migooshkahjeïk egewh Midianitug, megahnik edush:

NUMBERS 26:1

Kepuhguhmeühyahmuhgud dush kahishquah-mujjeënahpenang, Jehovah kekuhnoonaud enewh Mosesun kuhya enewh Eleazarun oogwissun Aaron owh sahsahgewejega‐wenene, oo‐oo keënaud,

II. CORINTHIANUN 11:3

Nesagiz dush, koonemah debishkoo owh mujje‐kenabig kahezhewuhyazhemaud Eveün oonje ookuhkuhyanezewin, mesuh kuhya kenuhwah emuh kedenanduhmoowinewaung kaëzhewahnahjetooyag ewh menoo‐ezhewabezewin emuh Christing anduhgoog.

II. PETER 2:18

Uhpe dush muhmequahzoowine‐ekedoowinun azhekezhewawahjin, tahnuhsug ookeöosanahwaun ahyoowaud weyause‐mujje‐nunduhwanduhmoowinun, kuhya peshegwahdezewin, enewh kahtaöozhemoopuneen oonje oonahnezahnezewinene enewh wanishenenejin.

REVELATION 2:14

Punge dush kedoosittuhwanemin, ahyahwudwah ewede egewh manjemenungig ewh ookuhgequawin owh Balaam, kahkekenooähmahwaud enewh Balacun chepuggedenuhmahwahnid pukketashinoowin anahsuhmenid enewh Israel oonejahnesun, chemeejenid enewh uhyeëen suhyahsahgewenindwah egewh muzzeneneeg, kuhya chepezhegwahdezenid.