NUMBERS 24:17 - Ottawa New Testament Penteteuch and Psalms 1874

¹⁷ Ningahwahbuhmah suh, kah dush ween noongoom: Ningahkuhnuhwuhbuhmah kah dush ween pashoo; Uhnung Jacobing tahoonjemookuhum, Oogemah‐suhkuhoon kuhya Israëling tahoonjepuhzegwemuhgud, oogahpuhketaäun dush anegookookummegaug ewh Moab, oogahjahgenuhnaun kuhya kuhkenuh Sheth oonejahnesun.

NUMBERS 24:17 Iomraidhean Croise

GENESIS 49:10

Oogemah‐suhkuhoon kahween tahmahjahmahgussenoon emuh Judah uhyaud, kah kuhya owh tabahkoonegad emuh oojeengwuning, peenish tuhgwishing Shiloh; mesuh wuhowh kapenaunzekahgood enewh ahnishenahban.

PSALMS 110:2

Jehovah oogahezhenahzhahaun ewh mashkahwezemahguk kepuhzhunzhaëgun oonje Zioning: oogemahwin suh emuh anduhnuhkeewaud egewh mahgahnikig.

PSALMS 45:6

Keenahmahgudoon kekeenwaukwun emuh oodaëwaung egewh mahgahnahjig keche oogemaun: mesuh wanje‐pungeshinoowaud egewh ahnishenahbag mahgahnudjig.

NUMBERS 21:29

Keguhgwahnesuhgandahgooz, Moab! kenishwuhnahdezim, O kenuhwah wadahnishenahbamenag Chemosh; oogemeegewanun enewh oogwissun kahkedishkebuhewanid, kuhya enewh oodaunun, chetuhkoonegoonid Sihonun enewh ookeche‐oogemahmewaun egewh Amoritug.

NUMBERS 24:16

Keëkedoo, owh kahnoondung Kesha‐Muhnedoo oodekedoowinun, kuhya kahkekandung ookekandahsoowin owh Muhyahmuhwe‐ishpandahgoozid, ahnooj gagoo kahwahbunduhegood enewh Muhyahmuhwe‐mushkuhwezenejin, magwah muhmaunzenung, uhyenahbid dush ween:

ST. LUKE 1:78

Emuh ookeche‐shahwanjegawining owh keKesha Muhnedoomenaun kegepemoowuddisegoonaun owh keche‐kezhegoong wanjeed, wahsayahzewin pahtood.

HEBREWUN 1:8

Enewh dush Wagwissemindjin oo‐oo oodenaun, Kedoogemah‐wuhbewin O Kesha Muhnedoo, kahgenig uhpena kahgenig ahyahmahgud: ewh menoo‐ezhewabezewine suhkuhoowin me ewh keen kedoogemahwewine‐suhkuhoowin.

HEBREWUN 7:14

Kekandahgwud suh ween owh Tabenemenung keoondahdezid emuh Judahing; kahween Moses oogeënahseen oo‐oo azheweenzoonejin chesahsahgewechega‐wenenewenid.

II. PETER 1:19

Kedahyahmin dush ween ahwahshema quuhyukwandahgwuk ekedoowin, me suh ewh aunwahjegawin; kemenoochegam dush bezinduhmag oo‐oo, debishkoo wahsuhkoonanjeguning wahyahsuhkoonag emuh akoo‐puhsuhkishkaug, nahnauzh egoo petahbung, kuhya owh waub‐ahnung mookesad emuh kedaëwaung:

JUDE 1:11

Tahkuhgwahnesugge‐ketemahgezewug oogoo! kebemoosawug muh emuh oomeekunaung Cain, kuhya keche anegook oogenoopenuhdoonahwah ookuhkebahdezewin Balaam chekushketuhmahzoowaud ewh tebenuhwawezewin, kuhya kebahnahdezewug emuh ookuhgaunzetuhmoowining Core.

REVELATION 1:7

Benuh, peëzhah emuh ahnuhquudoong; oogahwahbuhmegoon dush kuhkenuh enewh washkeenzhegoomenejin, pooch enewh kahbuhzhebuhwegoojin: kuhkenuh dush ahnooj azheweenzoojig anduhnuhkeejig oomah uhkeeng ween tahoonje‐wesugguhdamoowug. Mesuh kadezhewabuk. Amen.

REVELATION 11:15

Kuhya akoo neeshwahchewaud angen kepootahjega, kuhya keähyahmahgudoon keche‐inwawinun ewede kezhegoong, oo‐oo keëkedoomahguk; Zhuhyegwah owh Tabanemenung kuhya ooChristemun oodebandahnahwah oomah uhkeeng duhzhe oogemahwewinun; kahgenig dush tahoogemahkundahga.

REVELATION 22:16

Neen Jesus ningeëzhenahzhahwah nindangenim chedebahjemootuhmoonag oonoo uhyeëen emuh anuhmeähjig anduhzhe‐ahyahwaud. Nindow oodoojeebikemun kuhya oonejahnesun David, kuhya wuhyahsenungooshkaud wahbunnung.