NUMBERS 24:1 - Ottawa New Testament Penteteuch and Psalms 1874

¹ Uhpe dush Balaam wuhyahbundung ewh Jehovahun minwanduhmenid cheshahwanemahnid Israelun, kahween oogeühwenunduhwahbundunsenun wahbunoowewinun, kahezhechegapun ween, keënahbe atuh buhgwuhduhkummig enuhkuhkayah.

NUMBERS 24:1 Iomraidhean Croise

NUMBERS 22:13

Balaam dush keöonishkah uhpe kakezhabahwuhguk, oo‐oo dush oogeënaun Balak oodoogemahmun, Keduhkeemewaung ezhemahjaug: kah mah Jehovah nimpuhgedenegoose-cheweejewenuhgoog.

NUMBERS 22:7

Egewh dush kache‐ähnishenahbawejig Moabing kuhya egewh kache‐ahnishenahbawejig Midianing kemahjahwug ewh wahbunoo‐tebuhuhmahgawin tuhkoonuhmoowaud; oogeöodissahwaun dush Balaamun, oogeweenduhmuhwahwaun dush enewh Balak oodekedoowinun.

NUMBERS 23:15

Oo‐oo dush oogeëgoon owh Balak, Weejegahbuhwetun oomah ewh kechahgeda‐sahsahgewejegunim, magwah neen uhwenuhquashkuhwug Jehovah ewede.

NUMBERS 23:20

Benuh, ningekuhgaunzoomegoo cheweenduhmaun shahwandahgoozewin: keshahwanjega dush; kah dush nindahkushketooseen chequakesedooyaun.

NUMBERS 23:23

Kagate egoo kahween gagoo chesuhkewin oodahmujje-doodahgooseen Jacob, kahween kuhya gagoo wahbuhnoowewin oodahmuhmaunzheëgooseen Israel: nahsaub egoo oo‐oo uhpe oo‐oo tahenahjemahwug Jacob kuhya Israel, Benuh suh kahezheuhnookeed Kesha‐Muhnedoo!

NUMBERS 23:28

Balak dush oogeëzhewenaun Balaamun ewede wuhgedahke Peoring, ewh anahbemuhguk Ieshimoning enuhkuhkayah.

NUMBERS 23:3

Balaam dush oo‐oo oogeënaun Balakun, Weejegahbuhwetun ewh kechahgeda‐sahsahgewejegun, ningahmahjah dush: koonemah gooshuh Jehovah ningahbenuhquashkaug: wagoodoogwan dush wuhyahbunduhegwan kegahweenduhmoon. Ishpuhdenahnig dush keëzhah.

NUMBERS 23:30

Balak dush keëzhechega Balaamun kahekedoonid, oogesahsahgewejeganun dush pazhig uhyahba‐pezhekeensun kuhya pazhig uhyahba‐mahnishtahnishun wuhgijuhyeëe anduhchingin enewh sahsahgewejegun‐ahbikoon.

NUMBERS 31:16

Benuh oogoo kekuhgaunzoomegoowaud enewh Balaamun, oogewekoojeähwaun Israel oonejahnesun chemujje‐dooduhwahnid Jehovahun Peorun oonje, kemujjeënahpenawenuhgud dush emuh uhyahnid Jehovah oodahnishenahbamun.

REVELATION 2:14

Punge dush kedoosittuhwanemin, ahyahwudwah ewede egewh manjemenungig ewh ookuhgequawin owh Balaam, kahkekenooähmahwaud enewh Balacun chepuggedenuhmahwahnid pukketashinoowin anahsuhmenid enewh Israel oonejahnesun, chemeejenid enewh uhyeëen suhyahsahgewenindwah egewh muzzeneneeg, kuhya chepezhegwahdezenid.