NUMBERS 23:21 - Ottawa New Testament Penteteuch and Psalms 1874

²¹ Kahween oogewahbunduhmuhwahseen mujjeëzhewabezewin enewh Jacobun emuh uhyahnid, kahween kuhya oogewahbunduhmuhwahseen pahtahzewin enewh Israelun emuh uhyahnid: Jehovahun enewh oo‐Kesha‐Muhnedoomun ooweejewegoon, oosahsahquawin kuhya owh kecheöogemah uhyahmuhgudene magwaühyeëe emuh uhyahwaud.

NUMBERS 23:21 Iomraidhean Croise

PSALMS 103:12

Apeechaug ewede wahbunoong oonje apungeshemook: mesuh apeechaug kahwabenuhmoonung kemujje‐ezhewabezewinenahnin.

PSALMS 118:15

Moojegetahgoozewin kuhya bemahjeëwawin duhgoomahgudoon emuh oowegewaumewaung egewh quayukwahdezejig: kemashkahwezemahgudene Kesha‐Muhnedoo ookechenik.

PSALMS 135:21

Tahmahmooyahwahmah Jehovah oonje Zioning: owh wahdatood ewede Jerusaleming. Hallelujah.

PSALMS 23:4

Menungakah, ahnahween goo ahgahwatasing neboowin bemoosayaun kahween ningahsagezese: keen mah keweejewh kemetikoonseem kuhya‐kesuhkuhoon nemenoodaäshkahgoonun.

PSALMS 32:2

Shahwandahgooze owh enene, mujje‐ezhewabeze ananemegoosig enewh Jehovahun: kuhya ayaunsig kuhkuhyanezewin emuh oojechaugoong.

PSALMS 32:5

Kegahwahweenduhmoon nemujje‐ezhewabezewin: kah dush ningekahdunse nemujje‐ezhechegawin.

PSALMS 46:11

Keweejewegoonaun owh Jehovah dabanemaud waqueenoonejin: kebemahjeëgoonaun Jacob ooKesha‐Muhnedoomun.

PSALMS 46:7

Keweejewegoonaun owh Jehovah dabanemaud waqueenoonejin: kebemahjeëgoonaun Jacob ooKesha‐Muhnedoomun.

PSALMS 97:1

Keche‐Oogemahwe Jehovah mahnoo tahmoojegezemahgud uhke: tahmoojegezemahgudoon bahyahteënukkin menissun.

PSALMS 99:2

Jehovah kechetwahwandahgooze emuh Zioning: ahwahshema keche‐ahpetandahgooze dush ween kuhkenuh ahnooj azheweenzoojig ahnishenahbag.

EXODUS 13:21

Jehovah dush keënenegaune, kezhigudenig kenegahnemuhgedenig emah uhyahwaud ewh paduhkesing ahnuhquud, chekekenoowezhewamuhgudenig; kuhya tebikudenig ewh paduhkesing ishkooda, chewahsuhkoonaühmahgoowaud; chepemoosamuhgudenig kezhigudenig kuhya tebikudenig:

EXODUS 3:12

Oo‐oo dush keëkedoowun, Ahbedakummig kegahwejewin; medush oo‐oo kekenuhwahjechegun kaöonjekekanduhmun keühnoonenaun: Uhpe kebesahgejewenudwah egewh ahnishenahbag emah Egypting, keguhbuhmeetuhwahwah Kesha‐Muhnedoo oomah wuhjewing.

EXODUS 34:9

Oo‐oo dush keëkedoo, Kishpin suh manwandahgoozewaunan emah anahsuhmeyun, O Tabaningayun, mahnoo owh tabanemid, kepuhgoosanemin, ningahweejewegoonaun; egewh mahween ahwewug egewh ahnishenahbag mashkuhwindebajig; kuhya dush ahbwayanemeshenaum kemujjeeëzhewabezeyaung kuhya kepahtahzeyaung, kuhya oodahpeneshenaum chetebanemeyaung edush.

LEVITICUS 9:24

Ishkoota dush kesahguhuhmoomahgud oonje anahsuhmid Jehovah, kuhya kechahgahketa ewh chahyahgizegahdag meegewawin, kuhya weenin emuh sahsahgewejegun‐ahbikoong: uhpe dush kuhkenuh ahnishenahbag kahwahbunduhmoowaud kahezhewabuk, kesahsahquawug, kuhya keähjecheengwasawug.

NUMBERS 14:18

Jehovah zebiskahjegedahzoo, kuhya kecheketemahganjega, wabenuhmahdah mujjeëzhewabezewin kuhya pahtahzewin, kuhya kuhnuhga puhgedenahsig enewh majeëzhewabezenejin, naunzekuhmuhwaud oomujjeëzhewabezewinene egewh wayooseminjig enewh wanejahnesememinjin nuhnaunzh egoo nesing kuhya newing cheneähnekabemahdezing.

NUMBERS 14:19

Wabenuhmowh suh, kepuhgoosanemin, oomujjeëzhewabezewinewah oogoo ahnishenahbag nahsaub egoo azhekecheketemahganjegayun, kuhya kahezheähbwayanemudwah oogoo ahnishenahbag, ewede Egypting nuhnaunzh egoo noongoom.

NUMBERS 16:3

Kemahwunjeëdewug dush ewede uhyahnid Mosesun kuhya Aaronun, oo‐oo dush oogeënahwaun, Oonzaum nebewah kedoodahpenuhmahzoom, kuhkenuh mah egewh muhyahwunjeëdejig penezewug, anduhchewaud egoo, Jehovahun kuhya oowejewegoowaun: wagoonan suh dush wanjeöombenedezooyag nuhwuj ishpeming uhyahyag egewh dush ween Jehovah oodahnishenahbamun?

NUMBERS 9:22

Gamah kuhya neenzhoogoon, gamah kuhya ningookee zis, gamah kuhya ningoopepoon, ewh ahnuhquud kahuhtag wuhgij‐puhpuhgewuhyahne‐ahnuhmeäwegummigoong, wuhgij‐uhyeëe emuh uhtag, Israel oonejahnesun kedahwug oopuhpuhgewuhyahne‐gummigoowaung, kah dush kemahjahsewug: uhpe dush ween kahoombenegahdag, kemahjahwug.

St Matthew 1:23

Benuh owh kegaungooqua oogahahyahwaun ahbenoojeün, oogahnegeäun dush enewh oogwissisun, Emmanuel dush oogahedahnahwah oodoonoozoowin, me suh ahneekuhnootuhming, Kesha‐Muhnedoo waujeweemenung.

ROMANUN 6:14

Kah muh kegahdebanemegoosenahwah ewh mujje‐ezhewabezewin: kah muh kedebandahgoozeseem emuh tebahkoonegawining, emuh suh atuh shahwanjegawining.

ROMANUN 8:1

Kah dush kayahbe nahneboomahsewug egewh dabandahgoozejig emuh Christ Jesusing, anoosasejig azhewabuk weyausemah, anoosawaud atuh azhewabezid Keche‐oojechaug.

II. CORINTHIANUN 2:14

Mahnoo tahmahmooyahwahmah owh Kesha‐Muhnedoo, owh moonzhug wanje‐shahgoojeëwayaun emuh Christing, mezheshuhwesetood dush azhemenoomahgwudenig ookekandahsoowin mezewakummig nenuhwind nindahnookewinenaun oonje.

II. CORINTHIANUN 5:19

Mesuh oo‐oo, Kesha‐Muhnedoo kekekishkahgood enewh Christun, chepoonanemindwah egewh akeewejig, kah dush oodahginduhmoowahseen enewh oomujje‐ezhewabezewinene; oogeähtoon dush emuh neneenjenaung ewh poonanindewine ekedoowin.

II. CORINTHIANUN 6:16

Wagoonan dush kaöonje‐weedookahgamahguk oodahnuhmeä‐weguhmigoom owh Kesha‐Muhnedoo emuh muzzeneneeng? kenuhwah gooshah kedahwim oodahnuhmeä‐weguhmigoom owh Kesha‐Muhnedoo; debishkoo kahekedoogoobunan owh Kesha‐Muhnedoo, Ningahdah emuh ooweyowewaung, kuhya ningahpahbahmoosa emuh ooweyowewaung, kuhya ningahdooKesha‐Muhnedoomemigoog, kuhya ningahoodahnishenahbamemaug.

DEUTERONOMY 31:23

Oogekuhgekemaun kuhya Joshuaün oogwissun owh Nun, oo‐oo keënaud, Mushkuhwezeen kuhya soongedaän: kegahpeendegahnaug mah Israel oonejahnesun ewede uhkeeng ewh kahmushkuhwe‐wahweenduhmuhwugwah: kegahweejewin dush.

DEUTERONOMY 32:5

Kebuhnahjeëdezoowug, ookeduhgezewinewah kahween enandahgwussenene azhekeduhgezenid oonejahnesun: natah‐kuhgaunzetungig kuhya majeëzhewabezejig bamahdezejig ahwewug.

DEUTERONOMY 33:5

Kekecheöogemahwe suh Ieshuruning, uhpe muhyahwunjeïndwah oonegaunezeemewaun egewh ahnishenahbag kuhya kuhkenuh Israel oodahnishenahbamun.

DEUTERONOMY 9:24

Akookekanemenuhgoog kebemegahnahwah Jehovah.