NUMBERS 23:19 - Ottawa New Testament Penteteuch and Psalms 1874

¹⁹ Kahween enenewese Kesha‐Muhnedoo, ewh chekuhkenuhwishkepun; gamuh kuhya kahween oodoogwissemegooseen enenewun, ewh cheähnuhwanindezoopun: keëkedoo nuh, kah nuh dush ewh tahezhechegase? gamuh kuhyakekekedoo nuh, kah nuh dush oogahdebishkoosedooseen?

NUMBERS 23:19 Iomraidhean Croise

GENESIS 26:3

Pahbahduhnuhkeen oomah uhkeeng, kegahweejewin dush, kuhya kegahshahwanemin; keen mah, kuhya kenejahnesug kegahmeenenim kuhkenuh oonoo uhkeen, kuhya ningahezhechega ewh kahmushkahwewahweenduhmahwugebun Abraham koosebun;

GENESIS 28:15

Benuh dush keweejewin, kuhya kegahguhnuhwanemin tebe azhahwunan, kuhya nayaub kegahpeëzhewenin oomah uhkeeng; kah mah kegahnuhguhnissenoon, peenish kedoodoonaun ewh kahwahweenduhmoonaun.

PSALMS 110:4

Jehovah kemushkahwahweendahmahga, kah dush tahquakanduhse: kegahsahgewejega‐wenenewh kahgenig debishkoo kahezhesahgahgewejega‐wenewid Melchisedek.

PSALMS 132:11

Jehovah oogemushkahwe‐wahweendahmahwaun Davidun emuh dabwawining: kuhnuhga cheweähnuhwanjegasig: ningahahsah emuh kedoogemah‐wuhbewining pazhig keyowing kaöonjenegid.

PSALMS 77:9

Keöonandum enuh owh Kesha‐Muhnedoo cheshahwanjegad, gamuh kekebahquahegahdanoon enuh ooketemahganjegawinun?

PSALMS 89:34

Kahween ningahbahnahjetooseen newahweendahmahgawin: kah dush ninquaketooseen ewh kahsahgahumoomahguk oonje nindooning.

PSALMS 89:35

Ahbeting ningewahweendaun nemenooëzhewabezewin kewahweendahmahgayaun: kahween ninkuhkenuhwishketuhwahse David.

NUMBERS 14:35

Neen Jehovah ningekekid, ahbedakummig oo‐oo ningahdooduhwaug kuhkenuh oogoo majeëzhewabezejig muhyahwunjeëdejig, wahmegahzhejig: oomah buhgwuhduhkummig tahbuhnahdezewug, me dush emah cheneboowaud.

NUMBERS 23:18

Keähwachega dush, oo‐oo keëkedood, Puhzegween, Balak, noondun edush; bezinduhweshin, keen wagwissemik Zippor:

ST. LUKE 21:33

Ewh kezhik kuhya ewh uhkee tahishquahsawun: nindekedoowinun dush ween kahween tahishquahsasenoon.

ROMANUN 11:29

Emuh muh oomeegewawining kuhya oowuhwanah-bunjegawining owh Kesha‐Muhnedoo kahween duhgoosenoon ewh ahnezheetuhmoowin.

ROMANUN 9:6

Kahween neweëkedoose ningood enahbuttesenenig oodekedoowin owh Kesha‐Muhnedoo. Kah muh kuhkenuh Israël ahwesewug, emuh Israëling wandahdezejig.

II. TIMOTHEUSUN 2:13

Kishpin dabwayanduhsewung, pooch ween tahdabwa, kahween ookushketooseen chebahnahjetood tebenuhwa oodekedoowin.

ENEWH TITUSUN 1:2

Wanje‐ahpanemooyaung ewh kahgega bemahdezewin, ewh kahwahweendahmahgad Kesha‐Muhnedoo kakuhkenuhwishkesigoobun, chepwah mahje‐uhkeewung;

HEBREWUN 6:18

Neezh uhyeëen cheähyahmung kaäunjechegahdasenoogin, oonje kushketoosig owh Kesha‐Muhnedoo chekewunemoopun, kaöondenuhmung ewh swaungung menoodaäshkahgoowin kenuhwind kahezhenezhemooyung ewh ahpanemoowin kahahtahmahgooyung anahsuhmeyung.

HEBREWUN 7:21

(Ahnind gooshah kahween kemushkahwe‐wahweenduhmahwahsewug uhpe kesahsahgewejega‐weneneweïndwah; mahbuh atuh oogemushkahwe‐wahweenduhmahgoon enewh oo‐oo agoojin, owh Tabaningad kemushkahwe‐wahweendahmahga, kah dush tahahnezhetunse, Kahgenig kesahsahgewejega‐wenenewh debishkoo kahezhesahsahgewejega‐wenenewid Melchisedec:)

JAMES 1:17

Kuhkenuh wanesheshingin meegewawinun kuhya kuhkenuh manwandahgwukkin meegewawinun ishpeming oonjemahgudoon, emuh anduhzhe ahyaud owh Wayoosemegood enewh wahsayahzewinun, owh wekah ahyaundahkoonegasig kuhya quakezhewabezesig.

JAMES 4:5

Kedenandaum enuh ahneshah ekedoomahguk ewh Kechetwah‐Oozhebeëgawin, Owh oojechaug kakishkahwung oonundahwandaun ewh kuhgahwanindewin?