NUMBERS 22:8 - Ottawa New Testament Penteteuch and Psalms 1874

⁸ Oo‐oo dush oogeëgoowaun, Oomah uhyahyook noongoom tebekuk, menuhwah dush kegahbedahjemootoonim, Jehovah kaëzhekuhnoonzhid: egewh dush Moab duhzhe oogemaug oogenebanduhwahwaun enewh Balaamun.

NUMBERS 22:8 Iomraidhean Croise

NUMBERS 12:6

Oo‐oo dush keëkedoo, noonduhmook noongoom nindekedoowinun: Kishpin uhyaud unwahchega‐wenene emuh uhyahyag, neen Jehovah ningahkekanduhmoonaun anandahgoozeyaun emuh wazehbahbunduhmoowining, kuhya ningahkuhnoonah enahbunduhmoowining.

NUMBERS 22:18

Balaam dush kenuhquatum, oo‐oo dush keënaud Balak oobuhmetagunun, Kishpin Balak wemeenzhepun oowegewaum mooshkenagebun dush emuh shooneyah kuhya oozahweshooneyah, kahween nindahkushketooseen chebahzheduhuhmaumbaun oodekedoowin owh Jehovah ninKesha‐Muhnedoom, noond cheëzhechegayaumbaun gamuh kuhya uhwuhshema.

NUMBERS 22:38

Balaam dush oo‐oo oogeënaun Balakun, Benuh, kebenaunzekoon: nekushketoon nuh noongoom gagoo cheëkedooyaun? ewh ekedoowin Kesha‐Muhnedoo atood nindooning; me ewh kaëkedooyaun.

NUMBERS 22:7

Egewh dush kache‐ähnishenahbawejig Moabing kuhya egewh kache‐ahnishenahbawejig Midianing kemahjahwug ewh wahbunoo‐tebuhuhmahgawin tuhkoonuhmoowaud; oogeöodissahwaun dush Balaamun, oogeweenduhmuhwahwaun dush enewh Balak oodekedoowinun.

NUMBERS 22:9

Kesha‐Muhnedoo dush oogeöodissaun Balaamun, oo‐oo dush keëkedoo, Ahwananug enenewug oogoo ayahjig emuh uhyahyun?

NUMBERS 23:12

Kenuhquatuhmene dush oo‐oo keëkedoonid, Kah nuh ningahaungwahmezese cheëkedooyaun ewh Jehovah kahuhtood nindooning?

NUMBERS 23:3

Balaam dush oo‐oo oogeënaun Balakun, Weejegahbuhwetun ewh kechahgeda‐sahsahgewejegun, ningahmahjah dush: koonemah gooshuh Jehovah ningahbenuhquashkaug: wagoodoogwan dush wuhyahbunduhegwan kegahweenduhmoon. Ishpuhdenahnig dush keëzhah.

NUMBERS 24:13

Kishpin Balak wemeenzhepun oowegewaum emuh mooshkenanig shooneyah kuhya oozahweshooneyah, kahween nindahkushketooseen chebahzheduhuhmaun Jehovah ookuhgequawin, cheëzhechegayaun ewh wanesheshing gamuh kuhya ewh muhyahnahduk neen egoo ananduhmaun; ewh suh goo Jehovah akedood, me ewh kaëkedooyaun?