NUMBERS 22:23 - Ottawa New Testament Penteteuch and Psalms 1874

²³ Owh dush mamaungesha oogewahbuhmaun Jehovah oodangenemun kebegahbuhwenid emuh meekunaung, kuhya tahkoonuhmenid ooduhshuhwashkoomene kahkejebedoonid: owh dush mamaungesha puhkakuhnah keühpuhgezoo, ketegauning dush keëzhah: Balaam dush oogepuhketawaun enewh mamaungeshayun, naysaub cheëzhahnid emuh meekunaung.

NUMBERS 22:23 Iomraidhean Croise

NUMBERS 22:22

¶ Ewh dush keëzhaud, Kesha‐Muhnedoo oonishkahdezewin kebishkuhnane: Jehovah dush oodangenemun kekebegahbuhwewun emuh meekunaung wemegahnegood. Oobemoomegoobuneen dush oomuhmaungeshayemun, kuhya oowejewegoobuneen enewh neenzh oobuhmetahgunun.

NUMBERS 22:24

Jehovah dush oodangenemun kenebuhwewun shoowemine‐ketegaune‐meekaunsing, wahkahkenegun dush oondaus enuhka uhyahmuhgudoobun, kuhya wahkahkenegun uhwus enuhka.

OODEZHECHEGAWINEWAH 22:9

Egewh dush kahweejewugig kagate oogewahbundahnahwah ewh wahsayahzewin, kesagezewug dush; kah dush oogenoonduhsenahwah ewh oodinwawin owh kahguhnoozhid.

II. PETER 2:16

Kenuhneebikemah dush ween oonje oomujje‐ezhewabezewin: owh natuh‐kekedoosig mamaungesha enene inwawining keïnwad oogekenahahmahwahdaun ewh ookuhkebahdezewin owh aunwahjega‐wenene.

JUDE 1:11

Tahkuhgwahnesugge‐ketemahgezewug oogoo! kebemoosawug muh emuh oomeekunaung Cain, kuhya keche anegook oogenoopenuhdoonahwah ookuhkebahdezewin Balaam chekushketuhmahzoowaud ewh tebenuhwawezewin, kuhya kebahnahdezewug emuh ookuhgaunzetuhmoowining Core.