NUMBERS 21:9 - Ottawa New Testament Penteteuch and Psalms 1874

⁹ Moses dush oogeöozheäun oozahwahbikoo‐kenabigoon-oogeöombahkoonaun dush metigoong, kepuhgummeühyahmuhgud dush, uhpe ahweyah kahtuhquuhmegood kenahbigoon, kahkuhnuhwahbuhmaud enewh oozahwahbikoo‐kenahbigoon, kebemahdeze.

NUMBERS 21:9 Iomraidhean Croise

ST. JOHN 1:29

Wuhyahbunenig dush John oowahbuhmaun enewh Jesusun petahsuhmoosanid, oo‐oo dush ekedoo, Wahbuhmik owh Kesha‐Muhnedoo oomahnishtahnisheensemun, owh akoonuhmahwaud oomujjeëzhewabezewinene enewh akewenejin.

ST. JOHN 12:32

Neen dush, kishpin uhkeeng oonjeöombenegooyaun, ningahezhewekoobenaug kuhkenuh enenewug emuh ahyahyaun.

ST. JOHN 6:40

Mesuh oo‐oo uhyenandung owh kahpeëzhenahzhahood, ahwagwan wuhyahbuhmahgwan enewh Wagwissemindjin, duhyabwayanemaud dush, cheähyaung ewh kahgega‐bemahdezewin: cheähbejebahug dush uhpe keïshquah‐kezheguk.

ROMANUN 1:17

Me muh emuh wahweenjegahdag ooquuhyuk‐ezhewabezeëwawin owh Kesha‐Muhnedoo emuh dabwayanduhmoowining wanjeemahguk, dabwayanduhmoowining anuhkukkayah, debishkoo azhebeëgahdag, Owh quuhyuk‐wahdezid dabwayanduhmoowining tahoonjebemahdeze.

ROMANUN 8:3

Ewh muh kepwahnuhwetoomahguk ewh tebahkoonegawin, ewh keshahgwewemahguk oonje weyausing, Kesha‐Muhnedoo kepeëzhenahzhahwaud enewh tebenuhwa oogwissun maje‐ezhewabuk weyausing keëzhenahgoozenid, ewh mujje‐ezhewabezewining kahoonjenahneboondung ewh mujje‐ezhewabezewin emuh weyausemaung:

II. CORINTHIANUN 5:21

Oogeëzheäun muh mujjeëzhewabezewin cheähwenid kenuhwind oonje, enewh kuhnuhga kahkekanduhsenejin mujje‐ezhewabezewin: kenuhwind cheëzheëgooyung ooquuhyuk‐ezhewabezewin Kesha‐Muhnedoo ween oonje.

HEBREWUN 12:2

Guhnuhwahbuhmung Jesus owh kahoozhetood kuhya kahkezhetood kedabwayanduhmoowinenaun; owh oonje ewh moojegezewin anahsuhmuhyeëe kahahtahmahwindebun, keöodahpenuhmahzood ewh ahzhedayahtikoo‐kooduggetoowin, kebahbahmanduhsig ewh ahgujjewin, noongoom dush nuhmuhduhbid emuh ookechenekaunewunenig oodoogemah‐wuhbewin owh Kesha‐Muhnedoo.

I. JOHN 3:8

Owh mahkindung mujje‐ezhewabezewin oodoonejahnesemegoon enewh Mujje‐Muhnedoon; uhpena muh wuhyashkud mujje‐ezhewabeze Mujje‐Muhnedoo. Mesuh oo‐oo Kesha‐Muhnedoo Oogwissun kahpeöonje‐nahgoozid chebahnahjetoomahwaud enewh Mujje‐Muhnedoon oodahnookeewinene.