NUMBERS 21:34 - Ottawa New Testament Penteteuch and Psalms 1874

³⁴ Jehovah dush oo‐oo oogeënaun enewh Mosesun, Kagoo koosahkan: ningepuhgedenah mah keninjeeng, kuhya kuhkenuh enewh oodahnishenahbamun, kuhya ewh ooduhkeem; kegahdooduhwah dush nahsaub kahdooduhwud Sihon egewh Amoritug ookeche‐oogemahmewaun, owh Heshboning kahduhnuhkepun.

NUMBERS 21:34 Iomraidhean Croise

NUMBERS 14:9

Kagoo dush ween megahnahkagoon owh Jehovah, kagoo kuhya koosahkagoon egewh ahnishenahbag anduhnuhkeejig ewede uhkeeng; buhquazheguning mah enandahgoozewug: oonuhgunegoonahwah ewh ookuhnuhwanemegoowinewah, Jehovah dush kewejewegoonaun: kagoo koosahkagoon:

NUMBERS 32:4

Ewh suh goo uhke Jehovah kahpuhketaüng emuh anahsuhmeühyahnid enewh muhyahwunjeëdenid Israelun, oonezheshin emuh cheühyahwahpun uhwuhkaunug, egewh kuhya kebuhmetahgunug ooduhwuhkaunewug:

DEUTERONOMY 2:30

Sihon dush owh wagemahkundung Heshbon kahween kegepuhgedenegoosenaun cheühneëzhahyung emuh uhyaud: owh mah Jehovah ke‐Kesha‐Muhnedoom oogemushkuhwahtuhmuhwaun oojechaugwun, kuhya oogemushkuhwedaääun, chepuhgedenaud emuh keninjeeng, debishkoo suh azhenuhming noongoom.

DEUTERONOMY 20:3

Oo oo cheënaud, Noonduhmook, O Israel, noongoom kezhiguk pashoo kenaunzekuhwahwaug egewh mahgahnenagoog wemegahnagwah: kagoo shahgoodaäkagoon, kagoo sagezekagoon, kagoo kuhya nuhningebenekookagoon, kagoo kuhya kootahjekagoon oonje egewh;

DEUTERONOMY 3:1

Kegequakegahbuhwemin suh dush, kegeëzhahmin kuhya Bashaning enuhguhkayah: kegemuhwenaöogoonaun dush Og owh wagemahkundung Bashan, ween kuhya kuhkenuh oodahnishenahbamun, kemegahnenung Edreiing.

DEUTERONOMY 3:11

Ween mahween atuh owh Og wagemahkundungebun Bashan kahishkoonad anduhchewahpun egewh mesahbag; benuh ewh oonebahgun pewahbikoo‐nebahgun keähwunene; kah nuh ween uhyahsnoon emuh Rabbathing ewede duhnezewaud Ammon oonejahnesun? shaungussoonik keühquahmuhgud, newoonik dush keënegookoodayahmuhgud, ewh enene oonik tebuhegang.

DEUTERONOMY 31:6

Mushkuhwezeen kuhya soongedaän, kagoo sagezekan, kagoo kuhya koosahkan: owh mah Jehovah keKesha‐Muhnedoom ahwe owh mahjewik; kahween kegahnoondaöonegoose, kahween kuhya kegahnahgahnegoose.

DEUTERONOMY 7:17

Kishpin suh oo‐oo ekedooyun kedaïng, Oogoo ahnishenahbag nuhwuj bahtuhyenoowug neen dush ween; ahneen nuh kaëzhekushketooyaun chemuhkuhmugwah ooduhkeemewah?

DEUTERONOMY 7:18

Kahween kegahkoosahseeg: kegahmequandaun suh wawane Jehovah ke‐Kesha‐Muhnedoom kahdooduhwaud Pharaohun, kuhya kuhkenuh ewh Egypt;

DEUTERONOMY 7:21

Kahween kegahkoosahseeg: owh mah Jehovah ke-Kesha‐Muhnedoom keweejegoowah, Kesha‐Muhnedoo mashkuhwezeed kuhya quatahmegwandahgoozid.

DEUTERONOMY 7:24

Kegahpuhgedenuhmaug kuhya keninjeeng enewh ookecheoogemahmewaun, kegahbuhnahjetuhmuhwaug dush oodenoozoowinewah uhnaume‐kezhigoong: kahween ahweyah oogahkushketooseen chenebuhwid anahsuhmeyun, peenish egoo kenishwuhnahjeüdwah.