NUMBERS 20:15 - Ottawa New Testament Penteteuch and Psalms 1874

¹⁵ Noosemenahbuneeg kahezheëzhahwaud Egypting, kenwanzh dush kahezheduhnuhkeyaung Egypting; kuhya egewh Egyptianug kahezhekooduhgeëyummingidwah, kuhya enewh noosemenahbuneen:

NUMBERS 20:15 Iomraidhean Croise

GENESIS 15:13

Kesha‐Muhnedoo dush oo‐oo oogeënaun Abramun, Kekandun kagate wemahyuggezewaud kenejahnesug emuh uhkeeng debanduhsigwah, kuhya oogahbuameetahwahwaun anduhnuhkeenejin emuh; kuhya oogahkooduggeëgoowaun enewh newauk duhsoo pepoon;

GENESIS 46:6

Oogeöodahpenahwaun dush oodahwahkaunewaun, kuhya ooduhyeëmewaun, kahoondenuhmoowaud ewede Canaaning, kepeëzhahwug dush emuh Egypting, Jacob, kuhya kuhkenuh oonejahnissun.

GENESIS 46:7

Oogwissun, kuhya oogwissun oogwissine, oodahnissun, kuhya oogwissun oodahnissine, kuhya kuhkenuh oonejahnissun oogeëzhewenaun emuh Egypting.

EXODUS 1:16

Oo‐oo dush keëkedoo, Uhpe kuhyahtenuhmuhwagwah egewh Hebrew‐equawug, kuhya uhpe wuhyahbemagwah shuhyegwuh wenegeähwuhsoowaud: kishpin ahyaud quewezans, mesuh chenesag; kishpin dush ween equazans mesuh chebemahdezid.

EXODUS 1:22

Pharaoh dush oogeäungwahmemaun kuhkenuh enewh oodahnishenahbamun, oo‐oo keënaud, Anduhchewaud egewh quewezansug nahgejig, keguhbuhkoobewabenahwaug emah sebeeng, anduhchewaud dush ween egewh equazansug kegahbemahjeähwaug.

EXODUS 12:40

¶ Menik suh dush ningooje kahbuhbahduhnuhkewaud Israel oonejahnesun, egewh kahduhnuhkejig Egypting, me ewh newauk uhshe nessemeduhnuh dussoopeboon.

EXODUS 5:14

Egewh dush anookeëwajig anookeähwahjin enewh Israel oonejahnesun, kahuhnoonegoowaud Pharaoh ooduhnookeöogemahmun cheöogemahkunduhwahnid enewh, kepuhshunzhawahwug, oo‐oo keëzhekuhgwajemindwah, Wagoonan suh kahoonjekezhekunsewag keduhnookewinewah ewh misquusenekayag, pejenahgoo noongoom dush egoo kuhya debishkoo kuhyet?

NUMBERS 11:5

Nemequanemahnahnig egewh gegooyug, wanepuzh ewede Egyyting kahaumwungidwahbun; enewh coocoombun, kuhya enewh ashkepeduhming, kuhya uhnooj denoowug shegahguh-wunzheeg:

NUMBERS 16:13

Uhgahsandahgwud nuh ewh keöonjesahgejewezheyaung ewede uhkeeng anduhnejewung doodooshahboo kuhya ahmoo-seenzebahquud, chenesheyaung emuh buhgwuhduhkummig, me koonemah atuh weöogemahkunduhwewaungan?

NUMBERS 20:14

¶ Moses dush Kadeshing oogeühnoonaun minzhenuhwan cheëzhahnid enewh Edom duhzhe kecheöogemaun, oo‐oo dush cheëkedoonid, Oo‐oo suh ekedoo kekahnis Israel, Kekekandahnahdoog kuhkenuh kahezhebuhbahmahdezeyaung:

NUMBERS 20:16

Uhpe dush kahbebahgemungid Jehovah, oogenoondaun nenoondahgoozewinenaun, oogeühnoonaun dush angenun, owh dush kahsahgejewezheyungid Egypting: benuh dush ninduhyahmin Kadeshing, oodanuh ahpeje goo ishquaühyeëe keduhkeming anduhgoog:

OODEZHECHEGAWINEWAH 7:15

Me dush keëzhaud owh Jacob ewede Egypting, keneboo dush, ween, kuhya kooseminahbuneeg.

OODEZHECHEGAWINEWAH 7:19

Mesuh owh kahwuhyazhemaud kedenuhwamahgunenahnin, kuhya kahmujje‐doodahwaud enewh kooseminahbuneen, cheöonjesahgeje‐wabenahnid oodahbenoojeemene cheneboonid.

DEUTERONOMY 26:6

Egewh dush Egyptianug ningemujjedoodahgoonahnig, kuhya ningekooduggeëgoonahnig, kuhya ningebemoonduhe-goonahnig kooduggeühnookewin: