NUMBERS 19:19 - Ottawa New Testament Penteteuch and Psalms 1874

¹⁹ Owh dush pahnezid oogahsuhswabeguhunduhwaun enewh wahnezenejin uhpe nesookezhiguk, kuhya uhpe neenzhwahsookezhiguk: uhpe dush neenzhwahsookezhiguk tahpeneëdezoo, oogahkezebegenaun dush ooduhgwewin, tahkezebegenedezoo kuhya nebeeng, tahpeneze dush uhpe oonahgooshinig.

NUMBERS 19:19 Iomraidhean Croise

GENESIS 2:2

Nauzhwahsoogoonahguk Kesha‐Muhnedoo oogepoonetoon oodahnookeewin kahoozhetoopun: Keäunwabe dush nauzhwahsoogoonahguk oonje kuhkenuh oodahnookeewinun kahoozhetoopuneen.

EXODUS 19:10

¶ Jehovah dush oo‐oo oogeënaun Mosesun, Ezhaun egewh ahnishenahbag, peeneh dush noongoom kuhya wahbung, mahnoo kuhya oogahkezebeguhahnahwaun ooduhgwewinewaun.

LEVITICUS 14:7

Kuhya neezhwahcheeng oogahseguhundahwaun enewh wamegeepuneen wahpeeneëmind ewh misque, kuhya oogahwahweendaun chepeenezenid, oogahpuggedenaun dush bamahdezenejin penasheün cheëzhemahjahnid emuh oodangwyewung ewh ketegaun.

LEVITICUS 14:9

Neezhwahsuhgoonahguk dush oogahkaushkebahdaunun kuhkenuh wenesissun kuhya oomeshedoonahgunun kuhya oomahmaun, kuhkenuh wenesissun oogahkaushkebahdaunun: kuhya oogahkesebeginaunun oodahgwewinun, kuhya oogahkesebeginaun weyow emuh nebeeng, medush chepeenezid.

NUMBERS 19:12

Tahpeneëdezoo ewh uhyood uhpe nesookezhiguk, uhpe dush neenzhwahsookezhiguk tahpeneze: keeshpin dush ween peneëdezoosig uhpe nesookezhiguk, uhpe neenzhwahsoo‐kezhiguk kahween tahpenezese.

NUMBERS 19:13

Uhwagwan tuhyaungenahgwan ahweyah naboonejin enenewun, pahneëdezoosig dush, oowenetoon Jehovah oopuhpuhgewuhyahne‐ahnuhmeäwegummig; owh dush tahbuhnahjeäh emuh Israeling; ewh suh puhkaëdewine‐nebe keühyooseeng chekesuhswabeguhunduhwindebun, me ewh kaöonje-wenezid; oowenezewin kayahbe oobemoondaun.

NUMBERS 19:18

Pahnezid dush enene oogahoodahpenaun hyssop, oogahgindahbegenaun emuh nebeeng, kuhya oogahsuhswabeguhundaun ewh puhpuhgewuhyahnegummig, kuhya kuhkenuh oonahgunun kuhya ahnishnahban emuh kahahbenejin kuhya kuhkenuh enewh kahtaungenuhmenid ookun, gamah kuhya enewh kahnesememindjin, gamah kuhya enewh naboonejin, gamah kuhya chebahgummig:

NUMBERS 31:19

Uhgwuhjeeng dush kuhbashewining uhyahyook neenzhwahsoogoon: ahwagwan kahnesahgwan ahweyah, ahwagwan kuhya kahtaungenahgwan ahweyah, ahwagwan kuhya kahtaungenahgwan ahweyah kahnesememindjin, peneëdezooyook kenuhwah kuhya egewh kahtuhkoonagoog uhpe nesookezhiguk, uhpe kuhya neenzhwahsookezhiguk.

NUMBERS 31:24

Kegahkezebegenahnahwaun dush keduhgwewinewaun uhpe neenzhwahsookezhiguk, kegahpenezim dush, bahmah dush kegahbeendegam emuh kuhbashewining.

ENEWH TITUSUN 2:14

Owh kahpuggedenedezood kenuhwind oonje, chewabenuhmoonung kuhkenuh mujje‐ezhewabezewinun, chepeeneäud enewh ween katebanemahjin oodahnishenahbamun, chekeche‐minwawezenid emuh menoo‐ahnookeewining.

HEBREWUN 10:22

Umba penaunzekundah emuh quuhyuk oodaëmaung, emuh dabwayanduhmoowine‐ahpanemoowining keche‐ahpanemooyung, peeneëgooyung emuh kedaënahning oonje mujje‐kekanindezoowin, kuhya peeneëgooyung emuh keyowenaung pahnahguhmeeg nebee ahyoong

I. JOHN 1:7

Kishpin dush bemoosayung emuh magwa wahsayahnig debishkoo ween azheähyaud emuh wahsayahzewining, keweedookoodahdemin, oomisqueemene dush enewh oogwissun Jesus Christun kepeeneëgoomin oonje kuhkenuh mujje‐ezhewabezewining.

JUDE 1:23

Ahnind ezhebemahjeïk emuh sagezewining, emuh ishkootang cheöonje‐wekoobenagwah; sheenganduhmag pooch ewh ahgwewin weyausemaung wanje‐ketukke‐mahnahduk.