NUMBERS 19:13 - Ottawa New Testament Penteteuch and Psalms 1874

¹³ Uhwagwan tuhyaungenahgwan ahweyah naboonejin enenewun, pahneëdezoosig dush, oowenetoon Jehovah oopuhpuhgewuhyahne‐ahnuhmeäwegummig; owh dush tahbuhnahjeäh emuh Israeling; ewh suh puhkaëdewine‐nebe keühyooseeng chekesuhswabeguhunduhwindebun, me ewh kaöonje-wenezid; oowenezewin kayahbe oobemoondaun.

NUMBERS 19:13 Iomraidhean Croise

EXODUS 30:33

Ahwagwan kaneguhwenegagwan oo‐oo oozhetood nahsaub e‐ewh azhenahgwuk, gamah ahwagwan atuhmuhwah gwan punge ewh enewh mayuggezenejin emah ooweyowening, tahnishwuhnahjeäh goo emah uhyahnid oodahnishenahbamun.

LEVITICUS 15:31

Mesuh kaëzheëkoonuhmahwagwah Israel oonejahnesun ooweenezewinene; cheoonjeduhpenasenig emuh oowenezewinewaung, uhpe wahnetoowahjin nindahnuhmeä‐weguhmigoom emuh ookuhbashewinening atag.

LEVITICUS 20:3

Ningahsheenganemah suh owh enene, kuhya ningahbuhnahjeäh oonje ahyahnid weejahnishenahban; oonje kepuggedenuhmahwaud Molochun oonejahnesun, cheweenetood nindahnuhmeä‐weguhmigoom, kuhya chedahbussetood kachetwahwandahgwuk nindezhenekahzoowin.

LEVITICUS 22:3

Oo‐oo kegahenaug, Ahwagwan menik anduhchewaud kenejahnesewaug kaähneka‐bemahdezejig, kapenaunzekuh-moogwan kachetwahwandahgwukkin, Israel oonejahnesun kahpuggedenahmahwahnid Jehovahun, magwah ahyaung ooweenezewin, tahbahnahjeäh ah‐owh enene anahsuhmeyaun: Neen nindow Jehovah.

LEVITICUS 22:4

Ahwagwan menik anduhchenid Aaron oogwissun wamegeegwan, gamuh oonjegahnig oomenekaun: kahween oogahmeejesinun enewh kachetwahwandahgwukkin uhyeëen, nahnauzh peenezid. Ahwagwan dush tuhyaungenuhmoogwan gagoo wahnuk oonje nabood, gamah tuhyaungenahgwan enene wanjegahnig oomenekaun;

LEVITICUS 5:17

¶ Kishpin dush ahweyah bamahdezid bahtahzid, ezhechegad dush gagoo oonoo kahkenahahmahgood enewh Jehovahun; ahnahween goo kekekanjegasig pooch bahtahezhewabeze, oogahpemoondaun dush oomujje‐ezhewabezewin.

LEVITICUS 5:3

Gamuh kishpin kahtaungenuhmoogwan ooweenezewin owh enene, wagoodoogwan wanjeweenezegwan enene, kekanduhsig edush; bahmah kahkekandung me‐ewh uhpe kamujje‐ezhewabezid.

LEVITICUS 5:6

Kuhya oogahpeetuhwaun Jehovahun oomujje‐ezhechegawine‐sahsahgewejegun oonje kemujje‐ezhechegad, noozha‐uhyahaunsun kapeenahjin, ahwahkaunansun, mahnishtahnisheensun gamuh mesahboozoonsun kapuggedenahjin oonje oomujje‐ezhechegawin; kuhya owh sahsahgewejega‐wenene tahsahsahgewejega oonje ewh mujje‐ezhechegawin.

LEVITICUS 7:20

Ahwagwan e‐dush kameejegwan poonanindewine‐meegewawine‐weyaus ewh Jehovah dabandung, magwah ahyaung gagoo weenezewin, tahnishwuhnahdeze oonje emuh ayahnid enewh oodahnishenahbamun.

LEVITICUS 7:21

Ahwagwan dush kataungenuhmoogwan gagoo weenezewin, oowenezewin enene, gamuh ahweyah wahnezenejin ahwaseyun, gamuh gagoo kagwahnesuggandahgwuk wahnuk, meejid dush poonanindewine‐meegewawine weyaus, dahbandung owh Jehovah, tahnishwahnahdeze oonje emuh ahyahnid oodahnishenahbamun.

NUMBERS 15:30

¶ Owh dush ween wuhnishquauch gagoo azhechegad, kahnegegwan emuh duhnuhkewining, gamuh kuhya mayuhgezegwan oomujjedooduhwaun Jehovahun; owh suh tahkahsewah emuh uhyahnid weejahnishenahban.

NUMBERS 19:14

Me suh oo‐oo enahkoonegawin, uhpe enene naboojin puhpuhgewuhyahnegummigoong: kuhkenuh egewh paundegajig emuh puhpuhgewuhyahnegummigoong, kuhya kuhkenuh gagoo atag emuh puhpuhgewuhyahnegummigoong, tahwenezewug neenzhwahsoogoon.

NUMBERS 19:18

Pahnezid dush enene oogahoodahpenaun hyssop, oogahgindahbegenaun emuh nebeeng, kuhya oogahsuhswabeguhundaun ewh puhpuhgewuhyahnegummig, kuhya kuhkenuh oonahgunun kuhya ahnishnahban emuh kahahbenejin kuhya kuhkenuh enewh kahtaungenuhmenid ookun, gamah kuhya enewh kahnesememindjin, gamah kuhya enewh naboonejin, gamah kuhya chebahgummig:

NUMBERS 19:19

Owh dush pahnezid oogahsuhswabeguhunduhwaun enewh wahnezenejin uhpe nesookezhiguk, kuhya uhpe neenzhwahsookezhiguk: uhpe dush neenzhwahsookezhiguk tahpeneëdezoo, oogahkezebegenaun dush ooduhgwewin, tahkezebegenedezoo kuhya nebeeng, tahpeneze dush uhpe oonahgooshinig.

NUMBERS 19:20

Owh dush ween enene kawenezid, kuhya kapeneëdezoosig, owh goo tahnishwuhnahjeäh emuh uhyahnid enewh muhyahwunjeëdenejin, oogewenetoon mah Jehovah ookechetwah wegewaum: ewh puhkaëdewine‐nebe kahween keühyooseem chekesuhswabeguhunduhwindebun; weneze suh.

NUMBERS 19:9

Pazhig dush enene pahnezid oogahmahwundoonaun ewh oopingweem owh equa‐pezhekee, oogahuhtoon dush uhgwuhjeeng kuhbashewining ingooje penuk, ewh dush tahkuhnuhwanduhmuhwahwug egewh muhyahwunjeëdejig Israel oonejahnesun, oonje ewh puhkaëdewine nebe: me suh ewh pahneëwamuhguk majeëzhewabezingin.

NUMBERS 8:7

Oo‐oo dush kegahdooduhwaug wepeneüdwah: Suhswabeguhundowh ewh peneëwa‐nebe, mahnoo dush oogahgaushkebahdahnahwah kuhkenuh ooweyowewah, mahnoo kuhya oogahkezebegenahnahwah ooduhgwewinewah, chepeneëdezoowaud edush.

NUMBERS 9:13

Owh dush ween pahnezid, kuhya babahmahdezesig, kuhya kanuhwandunsig ewh kuhbekoosa‐wekoondewin, owh suh goo tahnishwuhnahjeäh emuh uhyahnid weejahnishenahban: ewh suh kebeduhwahsig enewh Jehovahun ewh sahsahgewejegun ewh uhpe anahkoonegang chesahsahgenejegang, me ewh kaöonjebemoondung owh enene oopahtahzewin.

ST. JOHN 8:24

Mesuh kahoonjeënenuhgoog, Kegahneboom emuh kemujje‐ezhewabezewinewaung; kishpin muh dabwayanemesewag ewh ahweyaun, kegahneboom emuh kemujje‐ezhewabezewinewaung.

HEBREWUN 10:29

Kah nuh ween kedenanduhseem ahwahshema cheënandahgoozid chekuhgwahnesugge‐kootuggetood owh kahtuhtuhkookahnaud enewh Kesha‐Muhnedoo oogwissun, kuhya enandung ningood cheënandahgwussenook ewh kekindewine‐misque, ewh kahpeeneëgood, kuhya kahmujje‐doodahwaud enewh shawanjeganejin Oojechaugoomaun?

HEBREWUN 9:10

Meejim kuhya menequawinun, kuhya ahnooj doowun kesebeginegawinun, kuhya weyausewe‐ezhetwahwinun ahwunoon, kahezhekahgaunzoomindwah chemeekinduhmoowaud nahnauzh debishkoosag cheäunjesing ahnooj gagoo.

REVELATION 21:8

Egewh dush quatahjejig, kuhya duhyabwayanduhsegoog, kuhya egewh kagwahnesuhgandahgoozejig kuhya egewh nashewajig kuhya egewh pazhigwahdezejig kuhya egewh chahsuhkeejig, kuhya egewh wajecheengwuhnetuhwahjig muzzeneneen, kuhya kuhkenuh kakenuhwishkejig tahdebandahgoozewug emuh wazahwushkookunag ishkoota sahguheguning: mesuh ewh neezhing neboong.

REVELATION 22:11

Owh quuhyuk‐azhewabezesig mahnoo kayahbe kahween tahquuhyuk‐ezhewabezese: owh dush wahnezid mahnoo kayahbe tahweeneze: owh dush quuhyuk‐azhewabezid mahnoo tahquuhyuk‐ezhewabeze: owh dush pahnezid mahnoo kayahbe tahpeeneze.

REVELATION 22:15

Ahgwahjeeng ahyahwug uhnemooshug, kuhya chahsuhkeejig, kuhya pazhigwahdezejig, kuhya nashewajig kuhya wajecheengwuhnetahwahjig muzzeneneen, kuhya ahwagwan wazhetoogwan kuhya suhyahgetoogwan kuhkenuhwishkewin.