NUMBERS 19:11 - Ottawa New Testament Penteteuch and Psalms 1874

¹¹ ¶ Owh tuhyaungenaud ahweyah naboonejin enenewun tahweneze neenzhwahsoogoon.

NUMBERS 19:11 Iomraidhean Croise

LEVITICUS 11:31

Me suh oogoo weenezewug kaënanemagoog anduhchewaud egewh pamoodajig: Ahwagwan kataungenahgwan kahneboonid, tahweeneze nahnauzh oonahgooshenenig.

LEVITICUS 21:1

Jehovah dush oo‐oo oogeënaun Mosesun, Guhnoozh egewh sahsahgewejega‐wenewug Aaron oogwissun, kuhya oo‐oo ezhe, Kahween ahweyah tahweeneëdezoose oonje neboonid weejahnishnahban.

LEVITICUS 21:11

Kah kuhya tahpeendegase cheby ahyaud, kah kuhya tahweeneëdezoose oonje oosun, gamuh oogeen;

LEVITICUS 22:4

Ahwagwan menik anduhchenid Aaron oogwissun wamegeegwan, gamuh oonjegahnig oomenekaun: kahween oogahmeejesinun enewh kachetwahwandahgwukkin uhyeëen, nahnauzh peenezid. Ahwagwan dush tuhyaungenuhmoogwan gagoo wahnuk oonje nabood, gamah tuhyaungenahgwan enene wanjegahnig oomenekaun;

LEVITICUS 5:2

Gamuh kishpin ahweyah bamahdezid kahtaungenuhmoogwan gagoo wahnuk uhyeëe, wahnezid ahwasee ooweyow, gamuh wahnezid ahwahkaun ooweyow, gamuh wahnezejig pabahmoodajig ooweyowewaun, kishpin dush kekanduhsig ketaungenung; tahweeneze kuhya ween, kuhya bahtahze tahenanemah.

NUMBERS 19:16

Ahwagwan kuhya tuhyaungenahgwan enewh kahneseminjin uhshuhwask keühyoong emuh mezheshuh ketegauning, gamah kuhya enewh naboonejin, gamah kuhya enene ookun, gamah kuhya chebagummig, tahweneze neenzhwahsoogoon.

NUMBERS 31:19

Uhgwuhjeeng dush kuhbashewining uhyahyook neenzhwahsoogoon: ahwagwan kahnesahgwan ahweyah, ahwagwan kuhya kahtaungenahgwan ahweyah, ahwagwan kuhya kahtaungenahgwan ahweyah kahnesememindjin, peneëdezooyook kenuhwah kuhya egewh kahtuhkoonagoog uhpe nesookezhiguk, uhpe kuhya neenzhwahsookezhiguk.

NUMBERS 5:2

Kuhgaunzoom Israel oonejahnesun, chesahgejewabenahwaud emuh kuhbashewining anduhchenid enewh wamegenejin, kuhya anduhchenid enewh penezekah sahgesanig oomenekaunene, kuhya uhwagwanewedooganun enewh naboonejin wanjewenezenid:

NUMBERS 6:6

Kuhkenuh enewh kezhegudoon menik pagedenuhmuhwaud Jehovahun ewh weyowh kahween oogahnaunzekuhwahseen ahweyah chebuhyun.

NUMBERS 9:10

Kuhnoonzh Israel oonejahnesun, oo‐oo dush ezhe, Kishpin ahweyah kenuhwah gamuh kuhya kenejahnesewaug kaneähnekabemahdezewaud wenezid chebuhyun oonje, gamah kuhya buhbahmahdezid wahsuh, pooch egewh oogahkuhnuhwandaun ewh kuhbekoosa‐wekoondewin emuh anahsuhmeühyaud Jehovah.

NUMBERS 9:6

¶ Keühyahwug dush ahnind enenewug, kahweneëgoojig oojebuhyene pazhig enenewun, kekushketoosigwah dush chekuhnuhwanduhmoowaud ewh kuhbekoosa‐wekoondewin ewh kezhiguk: kebeëzhahwug dush emuh anahsuhmeühyaud Moses kuhya Aaron ewh kezhiguk:

OODEZHECHEGAWINEWAH 21:26

Paul dush oogeühneweejewaun enewh enenewun, wuhyahbunenig oogeweejepeenedezoomaun, kepeendegad dush emuh keche‐ahnuhmeä‐weguhmigoong, chekekandahgwuk kedebishkosittoowaud peenedezoo‐kezhegudoon mahnauzh chepuggedenegahdag ewh sahsahgewejegun kuhkenuh anduhchewaud oonjepuggedenegahdag.

OODEZHECHEGAWINEWAH 21:27

Uhpe gagah kahishquahsag neezhwahsoo kezhik, egewh Jewyug emuh Asiaïng kahoonjebahjig, uhpe kahwahbuhmahwaud emuh ahnuhmeä‐weguhmigoong, oogewekoojeähwaun kuhkenuh enewh ahnishenahban kuhya oogetuhkoonahwaun.

ROMANUN 5:12

Benuh dush, pazhik eneneeng kepeöonje‐peendegamahguk ewh mujjeëzhewabezewin oomah uhkeeng, kuhya mujjeëzhewabezewining kepeöonjeemahgud ewh neboowin; me suh wanje‐neboowaud kuhkenuh egewh enenewug, kuhkenuh muh kemujjeëzhechegawug:

II. CORINTHIANUN 6:17

Benuh dush, oonje sahguhuhmoog anduhzhe‐ahyahwaud, kuhya nuhguhnik, ekedoo owh Tabaningad, kagoo taungenunkagoon ewh mahyahnahduk; kegahoodahpinenim edush.

EPHESIANUN 2:1

Kegeähbejebahegoowah dush kuhya kenuhwah nabooyagoobun emuh bahtahzewining kuhya emuh mujje‐ezhewabezewining;

HEBREWUN 9:14

Keche ahwahshema dush ween oomisqueem owh Christ; owh oonje keweedookahgood enewh kuhyahgega‐bemahdezenejin Keche‐Oojechaugwun kepuggedenuhmoowaud enewh Kesha‐Muhnedoon ewh ooweyow kuhnuhga wahnussenoog, kaënandahgwuk chepeenetuhmahgooyag kekekanindezoowinewah oonje enewh neboowine‐ahnookeewinun, chebuhmeetuhwag owh bamahdezid Kesha‐Muhnedoo?