NUMBERS 18:8 - Ottawa New Testament Penteteuch and Psalms 1874

⁸ ¶ Jehovah dush oo‐oo oogeëzhekuhnoonaun enewh Aaronun, Benuh, kegekuhnuhwanduhmoonin suh kuhya nindoombenega‐sahsahgewejegunun kuhkenuh suh goo enewh kachetwahwandahgwukkin bahdoowahjin Israel oonejahnesun; kegemeenin suh enewh oonje ewh nuhmuhkoonegawin, kuhya ewh kegwissug, kahgenig dush oo‐oo tahenahkoonegawenuhgud.

NUMBERS 18:8 Iomraidhean Croise

EXODUS 28:43

Oogahahgwenun dush Aaron, kuhya enewh oogwissun, uhpe paundegawahjin puhpuhgewuhyahne‐ahnuhmeä‐wegummigoong anduhzhemahwunjeëding, gamah kuhya uhpe pashoo nuhyaunzekuhmoowahjin ewh sahsahgewejegunahbik cheühnookewaud emah kachetwahwandahgwudenig; cheühyaunsigwah mujje‐ezhewabezewin, kuhya cheneboosigwah: me suh oo‐oo kahgenig kaënahkoonind kuhya enewh oonejahnissun kanebemahdezenid.

EXODUS 29:21

Kegahoodahpenaun dush ahnind ewh misque sahsahgewejegun‐ahbikoong atag, kuhya ahnind ewh noomenega‐pemeda, kegahsuhswabeguhunduhwah dush Aaron, kuhya enewh oohuhgwewinun, kuhya enewh oogwissun, kuhya enewh oodahgwewinene oogwissun kaweejegahbuhwetahgood: tahkechetwahwandahgooze dush, kuhya enewh oodahgwewinun, kuhya enewh oogwissun, kuhya enewh oodahgwewinene oogwissun kaweejegahbuhwetahgood.

EXODUS 29:28

Enahkoonah dush Aaron kuhya enewh oogwissun kahgenig ewh chedebanduhmoowaud, Israel oonejahnesun chemenegoowaud: ewh wambewabenuhming puhgedenegun ahwun mahween ewh: tahahwun dush ewh wambewabnuhming oopuhgedenegunewah egewh Israel oonejahnesun emah wandenuhmoowaud oopezauneëwa‐puhgedenegunewaung, ewh goo wambewabenuhming pagedenuhmuhwahwaud Jehovahun.

EXODUS 29:29

Ookechetwah‐ahgwewinun dush Aaron tahdebanduhmoon oogwissun keïshquahbemahdezid, chenuhmuhkoonemind emah, kuhya chekechetwahweëmind emah.

EXODUS 40:13

Kegahpesekoonah dush Aaron enewh kechetwah uhgwewinun, kuhya kegahnuhmuhkoonah, kuhya kegahkechetwahweäh; cheühnooketuhwid dush nah emah ooduhnookewining owh sahsahgewejega‐wenene.

EXODUS 40:15

Kuhya kegahnuhmuhkoonaug, kahezhenuhmuhkoonemud suh goo enewh oosewaun, cheühnooketuhwewaud dush nah emah ooduhnookewining owh sahsahgewejega‐wenene: ewh mahween nuhmuhkoonindwah ahbedakummig tahuhyahwug egewh kahgenig kasahsahgewejega‐wenenewejig menik kaneähnekabemahdezewaud.

LEVITICUS 21:10

Owh kache‐sahsahgewejega‐wenenewid emuh ahyahnid wekahnesun, owh kahsegenuhmahwind emuh ooshtequauning ewh nuhmuhkoonedewine‐pemeda, kuhya kahkechetwahweïnd chepesekung enewh sahsahgewejega‐wenene-oodahgwewinun, kahween tahkeejewewuhquaunase, kah kuhya oogahpegoobetooseen oodahgwewinun;

LEVITICUS 23:20

Ahyahzhook dush owh sahsahgewejega‐wenene oogahwahbenaun mahmahwe natum‐sagukkenegahdag buhquazhegun, kuhya neezh mahnishtahnisheensun anahsuhmeed Jehovah: tahkechetwahwezewug dush anahsuhmeed Jehovah chedebanemegoowaud enewh sahsahgewejega‐wenenewun.

LEVITICUS 6:16

Menik edush ashkoonegahdag Aaron kuhya oogwissun oogahmeejinahwah: emuh ahnuhmeä‐weguhmigoong oogahmeejenahwah wambesechegahdasenook; emuh tasechegunewung ewh oodahnuhmeä‐weguhmigoowah egewh mahyahwunjeëdejig anuhmeähjig oogahmeejenahwah.

LEVITICUS 6:18

Kuhkenuh nahba‐ahyahaug oonejahnesun owh Aaron oogahmeejinuhwah. Mesuh kadenahkoonegang kahgenig menik kadahnekabemahdezeyag kadezhewabuk oochahgezega‐meenegoowinun owh Jehovah: kuhkenuh kataungenungig enewh tahkeche‐peenezewug.

LEVITICUS 6:20

Mesuh oo‐oo oomegewawinewah owh Aaron kuhya enewh oogwissun, kameenahwaud Jehovahun ewh kezheguk uhpe nuhmuhkoonind; punge pahsaug buhquazhegun meejime‐meegewawin cheähwung kahgenig, ahbitah kekezhab menuhwah dush ahbitah wanahgooshig.

LEVITICUS 6:26

Owh sahsahgewejega‐wenene kasahsahgewetood oonje mujje‐ezhewabezewin oogahmeejin: emuh kechetwah‐ahnuhmeä‐weguhmigoong oogahmeejin, emuh tasechegunewung oodahnuhmeä‐weguhmigoowah egewh anuhmeähjig.

LEVITICUS 7:14

Menik dush anduhchingin oomeegewawinun pazhig oogahmeenaun Jehovahun kaöombenegahdanig sahsahgewejega‐wenene dush ewh oogahdebandaun owh sahgenung oomisqueem owh ahwahkaun nasind oonje poonanindewin.

LEVITICUS 7:28

¶ Jehovah dush oogekuhnoonaun Mosesun, oo‐oo keënaud,

LEVITICUS 7:6

Kuhkenuh enenewug menik anduhchewaud egewh sahsahgewejega‐wenenewug oogahmeejenahwah: emuh kechetwah wegemigoong oogahmeejenahwah: mahmahwe mah kechetwahwandahgwud.

LEVITICUS 8:30

Moses dush oogeöodahpenaun punge ewh nuhmuhquewine‐pemeda, kuhya punge ewh misque kahahtag emuh sahsahgewejegun‐ahbikoong, kuhya oogeseguhunduhwaun Aaronun, kuhya oodahgwewinene, kuhya oogwissine, kuhya oogwissine oodahgwewinene; kuhya oogekechetwahweäun Aaronun, kuhya oodahgwewinene, kuhya oogwissine kuhya oogwissinene oodahgwewinene.

NUMBERS 18:9

Mesuh oo‐oo kaühyahmun enewh ahpeje kachetwahwandahgwukkin, ishkoodang pagedenegahdasenoogin: anduhchingin enewh oopuhgedenegawinewaun, anduhchingin oomejime‐sahsahgewejegunewaun, kuhya anduhchingin oopahtahzewine‐sahsahgewejegunewaun, kuhya anduhchinginoowuhnesawine-sahsahgewejegunewaun, kameenzhewaud ahpeje tahkechetwahwandahgwudoon, keen dush kegahuhyahnun kuhya kegwissug.

NUMBERS 5:9

Anduhchingin dush enewh meegewawinun uhkeknuh kachetwahwandahgwukkin pagedenuhmoowaud Israel oonejahnesun, enewh pahduhmuhwahwaud enewh sahsahgewejega wenenewun, ween oogahdebandahnun.

I. CORINTHIANUN 9:13

Kah nuh kekekanduhseem mahkindungig enewh ahnuhmeä‐weguhmigoong duhzhe uhyeëen meejewaud ahnuhmeä‐weguhmigoong duhzhe meejim? egewh dush bameetungig ewh sahsahgewejegun‐ahbik meenahwug papunge enewh uhyeëen tabandahgwukkin emuh sahsahgewejegun‐ahbikoong?

DEUTERONOMY 12:11

Tahuhyahmuhgud dush ewh Jehovah keKesha‐Muhnedoomedoomewah kawuhwanahbundung cheühtood oodezhenekahzoowin emuh; me suh emuh chebedooyag kuhkenuh azhekuhgaunzoomenenuhgoog; enewh kechahgeda‐sahsahgewejegunewaun, kuhya kesahsahgewejegunewaun, kuhya ketitheëmewaun, kuhya ewh kedoombenega‐puhgedenegawinewah keninjeewaung buhtuhkoonuhmag, kuhya kuhkenuh enewh ahpeje wanezeshingin kedebundoowinewaun wuhyahweenduhmuhwag Jehovah:

DEUTERONOMY 12:6

Me kuhya emuh cheëzhewedooyag kechahgeda‐sahsahgewejegunewaun, kuhya kesahsahgewejegunewaun, kuhya ketitheëmewaun, kuhya kedoombenega‐puhgedenegawinewaun keninjeewaung buhuhyahmag, kuhya kedebundoowinewaun, kuhya enewh kepuhgedenegawinewaun kenuhwah goo ananduhmag pagedenuhmag, kuhya oonetumoonzhahnewaun kepezhekeemewaug kuhya kemahnishtahnishemewaug:

DEUTERONOMY 18:1

Egewh sahsahgewejega‐wenenewug egewh Levitug, kuhya kuhkenuh Levi oonejahnesun, kahween oogahweejdebandahsoomahsewaun Israelun: oogahmejenahwaun Jehovah oosahsahgewejegun chuhyahgedagin, kuhya ewh tabandung.

DEUTERONOMY 26:13

Oo‐oo dush kegahekid anahsuhmeed Jehovah keKesha‐Muhnedoom, Ningesahgejewedoonun mewegewauming enewh kahkechetwahwetoongin, ningemeenah dush kuhya owh Levite, kuhya owh mayuhgezid, owh kahwezid, kuhya owh shegah, nahsaub egoo azhesingin kuhkenuh enewh kekuhgequawinun, kahezhekuhgaunzoomeyun: kahween ningebuhnahjetoosenun kekuhgequawinun, kahween kuhya ninkewuhnandunsenun:

HEBREWUN 1:9

Kegeminwandaun quuhyuk‐ezhewabezewin, kuhya dush kegesheengandaun mujje‐ezhewabezewin, mesuh dush Kesha‐Muhnedoo keKesha‐Muhnedoom kahoonje‐noomenik nahwuj nebewah moojegezewine‐noomenegun dush ween egewh keejekewaüg.

I. JOHN 2:20

Kenuhwah dush ween kegepesegenuhmahgoowah owh Pahnezid, kuhya kekekandaunahwah kuhkenuh uhyeëen.

I. JOHN 2:27

Kayahbe suh kekekishkahnahwah ewh kahpeseegenuhmahgooyagoobun, kah dush kemuhnazesenahwah ahweyah chekekenooahmoonag; ewh dush kahpesegenuhmahgooyag mesuh kakenooahmahgooyag ahnooj gagoo, dabwamahgud suh ewh, kahween kuhkenuhwishkemahgussenoon, debishkoo dush kahezhekekenooähmahgooyag oo‐oo, mesuh kaminjemanduhmag.