NUMBERS 18:7 - Ottawa New Testament Penteteuch and Psalms 1874

⁷ Keen suh dush kuhya kegwissug kegahkuhnuhwandahnahwah kesahsahgewejega‐ahnookewinewah oonje kuhkenuh enewh tabandahgwukkin emuh sahsahgewejegun‐ahbikoong, kuhya peendig kebuhgoojeguning; kegahbuhmetahgam dush: kegemeenenim suh kesahsahgewejega‐ahnookewinewah, meegewa‐buhmetahgawin suh ewh: owh dush mayuhgezid pashoo puhezhaud tahnesah.

NUMBERS 18:7 Iomraidhean Croise

PSALMS 115:10

O kenuhwah wagwissemenag Aaron ahpanemik Jehovah: ooweedookahgoowinewaun ahwe kuhya oodushwewinewaun.

EXODUS 28:1

Oodahpenuhmahzoon dush Aaron kesuhya, kuhya goo enewh oogwissun, emah magwaühyeëe uhyahwaud Israel onejahnesun, cheühnooketuhwid emah ooduhnookewining owh sahsahgewejega‐wenene owh goo Aaron, Nada bkuhya Abihu, Eleazar kuhya Ithamar, Aaron oogwissun.

EXODUS 29:9

Kegahkejepenaug dush kejepezoonun, Aaron kuhya enewh oogwissun, kuhya kegahuhtuhmuhwaug enewh wewuhquaunun: ewh dush ooduhnookewin owh sahsahgewejega‐wenene kahgenig oogahdebandahnahwah: kegahkechetwahweäh dush Aaron kuhya enewh oogwissun.

LEVITICUS 16:2

Jehovah dush oo‐oo oogeënaun Mosesun, Kuhnoozh kekahnis Aaron, moonzhug chepeendegasig emuh akoo kechetwahwandahgwuk ahgwuhjeëng ahgoodag kebahgoojegun anahsuhme‐ahyaug ewh shahwanjega‐ahgwedubewin, oogijuhyeëe kechetwah‐mukkukoong atag; cheöonjeneboosig: neen mah ningahduhniz emuh ahnuhquudoong oogij‐keche-twahmukkukoong.

LEVITICUS 7:35

¶ Mesuh kahoonjenuhmuhkoonind owh Aaron, kuhya enewh oogwissun, chedebanduhmoowaud oo‐oo menik anduhsinenig oomeenegoowinun owh Jehovah chuhyahgezegahdagin emuh ishkoodang, ewh kekezheguk uhpe keähnoonindwah chebuhmeetuhwahwaud Jehovahun emuh Sahsahgewejega‐wenene oodahnookeewining;

NUMBERS 1:51

Uhpe dush ewh puhpuhgewuhyahne‐ahnuhmeä‐wegummig weühnemahjahmuhguk, egewh Levitug oogahnesenahwah: uhpe dush ewh puhpuhgewuhyahne‐ahnuhmeä‐wegummig webuhduhkesejegahdag, egewh Levitug oogahbahduh-kesedoonahwah: owh dush mayuhgezid pashoo puhezhaud tahnesah.

NUMBERS 16:40

Chemequanduhmoowaud Israel oonejahnesun, ahweyah mayuhgezid, Aaroning wandahdezesig, pashoo chepeëzhahsig chemenoomahgwahkezegad emuh anahsuhmeühyahnid Jehovahun; cheëzheühyahsig kahezheühyaud Korah, kuhya enewh kahwedookahgoojin: nahsaub egoo kahegood Jehovahun kekuhguhnoonind Moses.

NUMBERS 18:20

¶ Jehovah dush oo‐oo oogeëzhekuhnoonaun enewh Aaronun, Kahween gagoo debandahsoowin kegahuhyaunsenahwah emuh ooduhkemewaung, kahween kuhya gagoo kegahezhedebandahsooseem emuh uhyahwaud: neen suh nindowh kedebandahsoowinewah emuh uhyahwaud Israel oonejahnesun.

NUMBERS 18:3

Oogahkuhnuhwandahnahwah dush kekuhgequawin, kuhya kuhkenuh ewh puhpuhgewuhyahne‐ahnuhmeäwegummig: kah dush ween pashoo oogahnaunzekunsenahwaun enewh oonahgunun dabandahgwukkin emuh kechetwahwegewauming kuhya ewh sahsahgewejegun‐ahbik, wenuhwah dush, kuhya kenuhwah cheneboosewag.

NUMBERS 3:10

Kegahenahkoonaug dush Aaron kuhya enewh oogwissun, chemekinduhmoowaud oosahsahgewejega‐ahnookewinewah: owh dush mayuhgezid pashoo buhezhaud tahnesah.

NUMBERS 3:38

¶ Egewh dush ween kakuhbashewaud enahsuhmeüh-yahmuhguk ewh puhpuhgewuhyahne‐ahnuhmeä‐wegummig wahbunoong enuhkuhkayah, emuh suh goo anahsuhmesing ewh puhpuhgewuhyahne‐ahnuhmeäwegummig emuh koo anduhzhemahwunjeëding wahbunoong enuhkuhkayah, me owh Moses kuhya Aaron kuhya enewh oogwissun, kuhnuhwanduhmoowaud ewh kechetwah wegewaum kaöonjekuhnuh-wanememind Israel oonejahnesun; owh dush mayuhgezid pashoo buhezhaud tahnesah.

St Matthew 10:8

Noojemooïk egewh ahyahkoosejig, oonishkahnik naboojig, peeneïk egewh wamegeejig, sahgechewabenik egewh mujje‐muhnedoog: wanepuzh kegeöodahpenahnahwah, wanepuzh meegewayook.

ST. JOHN 3:27

John dush oogenuhquatuhwaun, oo‐oo keënaud, Kahween ookushketooseen ahweyah gagoo chëoodahpenung, bahnemah atuh keche‐kezhegoong keöonjemeenind.

EPHESIANUN 3:8

Maunduh shahwanjegawin ningemeenegoo, neen egoo mahyahmahwe noondaush ahpeetandahgoozid manoo‐ahnuhmeäud, chedebahjemootuhwugwah egewh mahyuggezejig enewh tuhyakekanjegahdasenoogin oowahnuhdezewinun Christ;

DEUTERONOMY 18:2

Me suh kaöonjeweejdebandahsoomahsigwah wekahnesewaun: Jehovah me enewh oodebandahsoowinewaun, kahegoowand suh goo.

HEBREWUN 5:4

Kah dush ahweyah oodoodahpenuhmahzooseen oo‐oo ahpeetandahgoozewin, owh atuh nandoomegood enewh Kesha‐Muhnedoon, debishkoo kahezhenundoomind Aaron.

I. PETER 5:2

Ahshummik enewh oomahnistahnishemun Kesha‐Muhnedoo ayahnejin emuh anduhzhe‐ahyahyag, cheguhnuhwanemagwah kahween ween goo minwanduhsewag, minwanduhmag suh; kahween oonje muhyahnahduk tebahahmahgoowin, oonje atuh kezhanduhmag.

I. PETER 5:3

Kahween cheögemahkundahmahwahsewag Kesha‐Muhnedoo oodebandahsoowin, ewh suh dush ween goo chekekenoowahbuhmenagwah egewh mahnishtahnishug.