NUMBERS 18:5 - Ottawa New Testament Penteteuch and Psalms 1874

⁵ Kegahkuhnuhwandahnahwah dush ewh kechetwah wegewaum, kuhya ewh sahsahgewejegun‐ahbik: chenishkanemahsewindwah dush menuhwah Israel oonejahnesun.

NUMBERS 18:5 Iomraidhean Croise

EXODUS 27:21

Emah oopuhpuhgewuhyahne‐ahnuhmeäwegummigoowaung egewh muhyahwunjeëdejig uhgwuhjuhyeëe emah kebuhgoojeguning, ewh atag anahsuhmesing ewh debahjemoowin, Aaron kuhya enewh oogwissun oogahaungwahmenahnahwah uhpe wanahgooshegin nuhnaunzh egoo kakezhabahwuhgukkin emah anahsuhmenid Jehovahun: kahgenig oo‐oo enahkoonegawin oogahguhnuhwandahnahwah menik kaneähnekabemahdezewaud, Israel oonejahnesun oonje.

LEVITICUS 10:6

Moses dush oo‐oo oogeënaun Aaronun, kuhya Eleazarun, kuhya Ithamarun, enewh oogwissine, Kagoo keejewewuh-quaunakagoon, kagoo kuhya pesebetookagoon kedahgwewinewah; koonemah kegahneboom, kuhya tahnishkanemahwug kuhkenuh ahnishenahbag: mahnoo atuh kekahnesewaug Israel oonejahnesun kuhkenuh oogahmahwemahwaun enewh kahchaugizwahjin owh Jehovah.

LEVITICUS 24:3

Ahgwahjuheëeng agoodag ewh debahjemoowine kebuhgoojegun emuh oodahnuhmeä‐weguhmigoowaung egewh mahyahwunjeëdejig Aaron oogahqwuhyukesittoon wanahgooshingin peenish kakezhabahwahguk ahnahsuhmeed Jehovah kahgenig ahpena tahenahkoonegam menik kaähneka‐bemahdezeyag.

NUMBERS 1:50

Kegahenahkoonaug atuh egewh Levitug chekuhnuhwanduhmoowaud ewh debahjemoowine‐puhpuhgewuhyahne‐ahnuhmeä‐wegummig, kuhya kuhkenuh enewh oonahgunun dabandahgwukkin emuh, kuhya kuhkenuh enewh dabandahgwukin emuh: oogahbemewedoonahwah ewh puhpuhgewuhyahne‐ahnuhmeä wegummig, kuhya kuhkenuh enewh oonahgunun dabandahgwukkin emuh; oogahuhnooke-tahnahwah kuhya, kuhya tahkuhbashewug kewetahuhyeëe emuh puhpuhgewuhyahne‐ahnuhmeä‐wegummigoong.

NUMBERS 1:53

Egewh dush ween Levitug tuhkuhbashewug kewetahuhyeëe, emuh debahjemoowine‐puhpuhgewuhyahne‐ahnuhmeä‐wegummigoong, cheöodissegoosigwah egewh muhyahwunjeëdejig Israel oonejahnesun ewh nishkahdezewin: egewh dush Levitug oogahguhnuhwandahnahwah ewh debahjemoowine‐puhpuhgewuhyahne‐ahnuhmea‐wegummig.

NUMBERS 16:46

¶ Moses dush oo‐oo oogeënaun enewh Aaronun, Oodahpenun menoomahgwahbekezegun, penuhun dush emuh ishkooda, sahsahgewejegunahbikoong cheöondenuhmun, uhtoon kuhya emuh menoomahgwahkezegun, waweeb dush ezhaun egewh muhyahwunjeëdejig, sahsahgewejegan dush oonje egewh: nishkahdezewin mah oonjebahmuhgud emuh uhyaud Jehovah; ahzhe mahjemujjeënahpenaun.

NUMBERS 18:4

Kegahwejewegoog dush, oogahkuhnuhwandahnahwah kuhya oopuhpuhgewuhyahne‐ahnuhmeäwegummegoowah egewh muhyahwunjeëdejig, kuhkenuh azhebuhmetahgang emuh puhpuhgewuhyahne‐ahnuhmeäwegummegoong: owh dush mayuhgezid kahween pashoo kegahnaunzekahgoosewah.

NUMBERS 4:18

Kagoo ween nishwuhnahjetookagoon oodenoodawezewinewaun egewh Kohathitug emuh magwaühyeëe uhyahwaud egewh Levitug:

NUMBERS 8:19

Ningemeenah dush Aaron kuhya enewh oogwissun enewh Levitun, me enewh kahmeenugwah emuh uhyahnid Israel oonejahnesun, chemekinduhmenid ewh oobuhmetahgawinene Israel oonejahnesun, emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, kuhya chesahsahgewejegawaud cheöonjepoonanememind Israel oonejahnesun: cheühyahmuhgussenoog mujje‐enahpe-nawin emuh uhyahwaud Israel oonejahnesun, uhpe Israel oonejahnesun pashoo buhezhahnid emuh kechetwah wegewauming.

NUMBERS 8:2

Kuhnoonzh owh Aaron, oo‐oo dush ezhe, Uhpe sakuhuh-munin enewh wahsuhkoonanjegunun, enewh neenzhwahswe wahsuhkoonanjegunun tahwahsuhkoonawun debishkoo emuh wahsuhkoonanjegun‐ahbikoong.

I. TIMOTHEUSUN 1:18

Maunduh kuhgequawin kepuggedenuhmoon, ningwis Timotheus, debishkoo enewh aunwahjegawinun kezhah kahenahjemegooyun, oonje enewh chemegahzooyun ewh wanesheshing megahzoowin;

I. TIMOTHEUSUN 3:15

Kishpin dush kenooäzh oondandeyaun, cheöonjekekanduhmun kaëzhewabezeyunbun emuh Kesha‐Muhnedoo oowegewauming, mesuh oodahnuhmeähwin bamahdezid Kesha‐Muhnedoo, ewh suh wanje‐minjemoosing kuhya wanje‐soongesing ewh dabwawin.

I. TIMOTHEUSUN 5:21

Kedahyaungwahmemin emuh anahsuhmid Kesha‐Muhnedoo kuhya owh Tabaningad Jesus Christ, kuhya egewh kahwuhwanahbuhmindjig angenug, cheguhnuhwanduhmun oonoo uhyeëen, kuhnuhga kezhah tebahkoonegasewun, kah kuhya pekinnoong kegahdoodahwahse ahweyah.

I. TIMOTHEUSUN 6:20

O Timotheus, guhnuhwandun ewh kahpuggedenuhmahgooyun cheguhnuhwanduhmun, meewetooyun maje‐ezhewabukkin kuhya ningood anahbuttussenoogin kekedoowinishun, kuhya ahgoonwatahdewinun enewh ahneshah kekandahsoowin azhenekahdagin: