NUMBERS 18:28 - Ottawa New Testament Penteteuch and Psalms 1874

²⁸ Me suh kuhya oo‐oo kaëzhepuhgedenuhmuhwag Jehovah ewh oombenega‐sahsahgewejegun kuhkenuh emuh kedootithemewaung oondenuhmahzooyag, enewh mahnenagoog Israel oonejahnesun; emuh dush kegahoondenahnahwah ewh Jehovah oodoombenega‐sahsahgewejegun kameenag Aaron sahsahgewejega‐wenene.

NUMBERS 18:28 Iomraidhean Croise

GENESIS 14:18

Kuhya Melchizedec Saleming duhzhe keche‐oogemah oogepeetoon buhquazhegun kuhya shooweminahboo: Kache‐ishpandahgoozid Kesha‐Muhnedoo ookeche‐sahsahgewejega‐wenenemun keähwe.

NUMBERS 18:27

Oo‐oo dush kedoombenega‐sahsahgewejegunewah tahuhpetandahgwud, debishkoo ewh minzemenanse kahpuhgunduhegahdag, kuhya ewh wandenegahdag shooweminahbookauning.

NUMBERS 18:29

Anduhchingin enewh mahnegooyag kegahoondenahnahwah emuh enewh oombenega‐sahsahgewejegunun kapuhgedenuhmuhwag Jehovah, moonzhug egoo ahpeje wanezheshing kegahmeenahwah, ewh suh goo kachetwahwandahgwuk.

NUMBERS 31:29

Ewh suh ahbetuh wenuhwah dabanduhmoowaud me emah oonjeoodahpenun, meenzh dush Eleazar owh sahsahgewejegawenene, cheöombenegahsahsahgewenind dush Jehovah.

HEBREWUN 6:20

Me emuh kahpeendegad owh nahgahnee‐buhtood kenuhwind oonje; mesuh owh Jesus, kahkeche‐sahsahgewejega‐weneneweïnd debishkoo Melchisedec kahezhesahsahgewejega‐wenenewid.