NUMBERS 18:21 - Ottawa New Testament Penteteuch and Psalms 1874

²¹ Benuh dush, ningemeenaug Levi oonejahnesun kuhkenuh enewh titheün emuh Israëling kadebanduhmoowaud, oonje ewh buhmetahgawin azhebuhmetahgawaud, ewh suh goo buhmetahgawin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig.

NUMBERS 18:21 Iomraidhean Croise

GENESIS 14:20

Shahwandahgooze kuhya owh mahyahmahwe ishpandahgoozid Kesha‐Muhnedoo, kahpuggedenuhmauk egewh mahgahnikig emuh keneenjeeng. Abram dush oogemeenaun titheün oonje kuhkenuh ooduhyeemun.

GENESIS 47:24

Uhpe dush netahweging ewh kahpuhgedenuhmag, ahnind kegahmeenahwah Pharaoh, kuhya ahnind kenuhwah kegahahyahnahwah, kaöonjeöomenekahnemeyag uhpe weketegayag kuhya kaöonjeöomeejimemeyag, kenuhwah kuhya egewh dabandahgoozejig emuh kewegewaumewaung, kuhya kenejahnesewaug.

GENESIS 47:26

Joseph dush keënahkoonega ewh cheëzhewabuk emuh anegookookummegaug Egypting duhzhe uhkee nahnauzh egoo noongoom, ahnind chedebandung Pharaoh menik natahweging emuh uhkeeng; sahsahgewejega‐wenenewug atuh ooduhkemeewah kahween Pharaoh oogedebanduhseen.

NUMBERS 18:6

Benuh dush neen, neen ningeöodahpenaug egewh kekahnesewaug Levitugoonje emuh uhyahwaud Israel oonejahnesun: kemeenegoom suh egewh oonje Jehovah, chemekinduhmoowaud ewh buhmetahgawin emuh oopuhpuhgewuhyahne‐ahnuhmeäwegummegoowaung.

NUMBERS 3:6

Pashoo peëzhewizh Levi oodenoodawezewin, kuhya nebuhweh emuh anahsuhmeühyaud Aaron owh sahsahgewejega‐wenene, cheähnooketuhwahwaud.

NUMBERS 31:28

Mahwunjetuhmuhwik kuhya Jehovah ewh kapuhgedenegawaud egewh megahzoo‐wenenewugkahuhwemegahzoojig; pazhig ewh nahnwauk, nuhyanzh egewh bamahdezejig, kuhya egewh mamaungeshayug, kuhya egewh mahnishtahnishug:

GALATIANUN 6:6

Mahnoo owh kakenooahmahwind ewh ekedoowin oogahmeenaun enewh kakenooähmahgoojin kuhkenuh wanisheshingin uhyeëen.

DEUTERONOMY 18:8

Nahsaub meenik kuhya weenahwah tahmeenahwug chewesenewaud buhkaun kuhya ween ewh kashkechegahdag uhdahwang oodebandahsoowin.

HEBREWUN 7:5

Kagate edush egewh wagwissemegoojig enewh Leviün, wadahpenungig ewh keche‐sahsahgewejega‐weneneahnookewin, enahwug cheöodahpenuhmoowahwaud enewh ahnishenahban enewh titheün debishkoo akedoomahguk ewh tebahkoonegawin, mesuh enewh tebenuhwa wejekewaëwaun ahnuhween goo keöondahdezenid emuh ootuhtuhgwahguning owh Abraham.