NUMBERS 18:11 - Ottawa New Testament Penteteuch and Psalms 1874

¹¹ Me dush kuhya oo‐oo tabanduhmun: ewh oombenega‐sahsahgewejegun mahgewawaud, kuhya kuhkenuh enewh uhyahzhook azhewabenuhming oosahsahgewejegunewaun Israel oonejahnesun: kegemeenin enewh keen, kuhya kegwissug kuhya kedaunug, kahgenig oo‐oo tahenahkoonegawenuhgud: anduhchewaud egewh pahnezejig andahyun oogahmejenahwah.

NUMBERS 18:11 Iomraidhean Croise

LEVITICUS 10:14

Kuhya ewh ookahgegunemah ahyahzhook kahezhewabenegahdag kuhya oodinemaungunemah kahpuggedenegahdag kegahmeejinahwah emuh akoo kechetwahwandahgwuk; keen, kuhya kegwissug, kuhya kedahnissug; kedebandahnahwah mah keen kuhya kegwissug menik pagidenegahdagin oopoonanindewine‐meegewawinewaun Israel oonejahnesun.

LEVITICUS 7:14

Menik dush anduhchingin oomeegewawinun pazhig oogahmeenaun Jehovahun kaöombenegahdanig sahsahgewejega‐wenene dush ewh oogahdebandaun owh sahgenung oomisqueem owh ahwahkaun nasind oonje poonanindewin.

NUMBERS 18:1

Jehovah dush oo‐oo oogeëzhekuhnoonaun enewh Aaronun, Keen kuhya kegwissug kuhya koos oowegewaum kegahpemoondahnahwah mujjeëzhewabezewin oonje ewh kechetwahwegewaum: keen dush kuhya kegwissug kegahpemoondahnahwah mujjeëzhewabezewin oonje ewh kesahsahgewejega‐weneneöowinewah.

NUMBERS 18:10

Emuh ahpeje kechetwahwandahgwuk kegahmejin; anduhchewaud egewh enenewug oogahmejenahwah: tahkechetwahwandahgwud keen oonje.

NUMBERS 18:19

Kuhkenuh enewh oombenega‐sahsahgewejegunun kachetwahwandahgwukkin, Israel oonejahnesun pagedenuhmuhwahwaud Jehovahun, kegemeenin keen, kuhya kedaunug, kahgenig oo‐oo tahenahkoonegawenuhgud: kahgega‐shewetahgune‐wahweenduhmahgawin suh oo‐oo emuh anahsuhmeühyaud Jehovah azhewahweenduhmahgooyun keen kuhya kenejahnesug.

NUMBERS 18:8

¶ Jehovah dush oo‐oo oogeëzhekuhnoonaun enewh Aaronun, Benuh, kegekuhnuhwanduhmoonin suh kuhya nindoombenega‐sahsahgewejegunun kuhkenuh suh goo enewh kachetwahwandahgwukkin bahdoowahjin Israel oonejahnesun; kegemeenin suh enewh oonje ewh nuhmuhkoonegawin, kuhya ewh kegwissug, kahgenig dush oo‐oo tahenahkoonegawenuhgud.

DEUTERONOMY 18:3

¶ Me dush oo‐oo kameenegood owh sahsahgewejega‐wenene enewh ahnishenahban, enewh pagedenuhmenid sahsahgewejegun, uhyahba‐pezhekewun gamah kuhya mahnishtahnishun, oogahmeenahwaun dush enewh sahsahgewejega‐wenenewun owh oodenemaungun, kuhya enewh nuhyazh oonoowun, kuhya ewh oomesud.