NUMBERS 16:7 - Ottawa New Testament Penteteuch and Psalms 1874

⁷ Ishkooda dush emuh penuhuhmook, menoomahgwahkezegun kuhya emuh penuhuhmook wahbung emuh anahsuhme-uhyaud Jehovah: tahpuhguhmeühyahmuhgud dush ahwagwanun Jehovah wawanahbuhmahgwan, me owh kapenezid: oonzaum kekechetwahwanindezoom, kenuhwah wagwissemenag Levi.

NUMBERS 16:7 Iomraidhean Croise

PSALMS 106:16

Kuhya oogekahwaähwaun Mosesun emuh kuhbashewining: kuhya Aaronun enewh Jehovah kahahnoonahjin.

NUMBERS 16:3

Kemahwunjeëdewug dush ewede uhyahnid Mosesun kuhya Aaronun, oo‐oo dush oogeënahwaun, Oonzaum nebewah kedoodahpenuhmahzoom, kuhkenuh mah egewh muhyahwunjeëdejig penezewug, anduhchewaud egoo, Jehovahun kuhya oowejewegoowaun: wagoonan suh dush wanjeöombenedezooyag nuhwuj ishpeming uhyahyag egewh dush ween Jehovah oodahnishenahbamun?

NUMBERS 16:5

Oogekuhnoonaun dush enewh Korahun kuhya kuhkenuh enewh kahwedookahgoojin, oo‐oo dush keënaud, Wahbung suh Jehovah oogahwahbunduhewanun enewh tabanemahjin, kuhya enewh pahnezenejin; oogahnundoomaun dush pashoo emuh uhyaud: enewh suh goo kahwuhwanahbuhmahjin oogahnundoomaun cheühyahnid pashoo emuh uhyaud.

NUMBERS 16:6

Oo‐oo suh ezhechegayook; Oodahpenuhmahzooyook menoomahgwahbekezegunun, keen Korah, kuhya kuhkenuh egewh wahjewikig;

NUMBERS 16:8

Moses dush oo‐oo oogeënaun Korahun, Noonduhmook, kepuhgoosanemenim, kenuhwah wagwissemenag Levi:

EPHESIANUN 1:4

Debishkookahezhewahwanahbuhmenung emuh Christing chepwah mahje‐oozhetoong ewh uhkee chemenoo‐ezhewabezeyung kuhya ningood wuhsittahwandahgoozesewung emuh anahsuhmid emuh sahgeëwawining:

II. THESSALONIANUN 2:13

Nenuhwind dush nenundahwandahgoozemin moonzhug chemahmooyahwahmungid Kesha‐Muhnedoo kenuhwah oonje, wejekewaëmahdoog suhyahgeënag owh Tabaningad, oonje wuhyashkud keöonahbuhmenag Kesha‐Muhnedoo chebemahjeëgooyag oonje ewh oomenoo‐ezhewabezeëwawin Keche‐Oojechaug, kuhya oonje dabwayanduhmag ewh dabwawin;

I. PETER 2:9

Kenuhwah dush ween kagegenindjig ahnishenahbag kedahwim, kuhya wagemahwandahgoozejig sahsahgewejega‐wenenewug, ahnishenahbag pahnezejig, kuhya tabandahgoozejig kedahwim chewahbundahewayag ookeche‐peshegandahgoozewinun owh emuh magwa pesuhgish‐tebik kahoonje‐nundoomenag, cheëzhewenegooyag emuh mamaundahwudenig oowahsayahzewining: