NUMBERS 16:14 - Ottawa New Testament Penteteuch and Psalms 1874

¹⁴ Kuhya dush kahween kegeëzhewezhesemin emuh uhkeeng ewede anduhnejewung doodooshahboo kuhya ahmoo-seenzebahquud, kahween kuhya kegemeenzhesemin chetebanduhmaungebun ketegaunun kuhya shooweminuhgahwunzhe-ketegaunun: kegahgejebeduhmuhwaug nuh ooshkeenzhegoowaun oogoo enenewug? kahween ningahezhahsemin.

NUMBERS 16:14 Iomraidhean Croise

EXODUS 22:5

¶ Kïshpin ahweyah ezhechegad ketegauning gamah kuhya shoowemene‐ketegauning chewesening, puhgedenaud dush kuhya emah ooduhwuhkaunun, cheduhzhesenenid dush bakahnezenejin enenewun ooketegaunening; ewh muhyahmuhwe‐oonezheshinenig emah ooketegauning, kuhya ewh muhyahmuhwe‐oonezheshinenig emah ooshoowemene‐ketegauning, tahtebuhuhmahga.

EXODUS 23:10

Ningoodwahsoo‐pepoon kuhya kegahsuhswawabenega keduhkeeming, kuhya kegahmahwunjetoonun enewh natahwegingin emah:

EXODUS 23:11

Neenzhwahsoo‐pepoonuhguk dush ween kegahpoonetoon chepezaunesing edush; egewh dush katemahgezejig emah uhyahwaud kedahnishenahbamug chewesenewaud: ewh dush ashquunduhmoowaud egewh mushkooda‐ahwaseyug oogahmeejenahwah. Me goo nahsaub kadooduhmun ewh keshoowemene‐ketegaun, kuhya ewh kedoliveëminuhgahwunzhe‐ketegaun.

EXODUS 3:17

Oo‐oo dush ningeëkid emah Egypting kegahoonjesahgejewenenim emah kooduhgetooyag, keguhezhewenenim dush emah ooduhkemewaung egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya egewh Hivitug, kuhya egewh Jebusitug, emah uhkeeng anduhnejewung doodooshahboo kuhya ahmoo‐seenzebahquud.

EXODUS 3:8

Ninpeëzhah dush cheëkoonugwah emahooninjening enewh Egyptianun, kuhya chesahgejewenugwah emah uhkeeng cheëzhewenugwah dush uhkeeng wanesheshing kuhya machaug, emah uhkeeng anduhne‐jewung ewh doodooshahboo kuhya ahmoo‐sinzebahquud: emah duhnuhkewaud egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya Hivitug, kuhya egewh Jebusitug.

LEVITICUS 20:24

Kenuhwah dush ween oo‐oo kegeënenim, Kegahdebandahnahwah ooduhkeemewah, kegahpuggedenuhmoonenim suh cheöoduhkeemeyag, uhkee emuh kabahtuhenuk doodooshahboo kuhya ahmoo‐sinsebahquud: Neen nindow Jehovah ke‐Kesha‐Muhnedoomewah, kahpukka‐kahbooweënag oonje ahyahwaud mayuggezejig ahnishenahbag.

NUMBERS 13:27

Oogedebahjemootuhwahwaun dush, oo‐oo keënahwaud, Ningeduhgwishinoomin suh emuh uhkeeng kahuhnoonzheyaung cheëzhahyaung, kagate dush egoo doodooshahboo kuhya ahmoo seenzebahquud bemejewun emuh; me suh kuhya oo‐oo natahweging emuh.

NUMBERS 14:8

Kishpin owh Jehovah minwanemenung, kegahpeendeguhnegoonaun ewede uhkeeng, kegahmenegoonaun dush ewh; ewh uhke emuh pamejewung doodooshahboo kuhya ahmoo-seenzebahquud.

NUMBERS 20:5

Wagoonan kuhya kahoonjewekoojewezheyaung chesahguhuhmaung Egypting, chepezheyaung dush oomah muhyahnahduk? kahween menekaun tahuhchegahdasenoon, kahween kuhya uhyahsewug figoominuhgahwunzheeg, kuhya shooweminuhgahwunzheeg, kuhya pomegranatug; kahween kuhya gagoo nebe tuhgoosenoon kamenequangebun.