NUMBERS 15:4 - Ottawa New Testament Penteteuch and Psalms 1874

⁴ Me suh owh wahsahsahgewenaud Jehovahun chebedood mejime‐sahsahgewejegun me ewh punge pahsaug buhquazhegun emuh keneguhwenegahdag punge pemeda.

NUMBERS 15:4 Iomraidhean Croise

EXODUS 29:40

Oonoo dush kegahpuggedenaunun uhpe sahsahgewejegayun owh pazhig mahnishtahnisheens, pazhig omer menik buhquazhegun, oo‐oo dush kuhya tahgeneguhwenegahda emah neenzhootebuhegaunsun menik ewh paketaëgahdag pemeda; kuhya neenzhoo tebuhegaunsun menik ewh shoowemenahboo cheöonjemenequa‐puhgedenegang.

LEVITICUS 1:13

Oogahkeesebeginaunun enewh oonuggesheen kuhya ookaudun emuh nebeeng: Owh dush sahsahgewejega‐wenene oogahpeetoon kuhkenuh, kuhya oogahahtoon emuh sahsahgewejegunahbikoong; chahgezega sahsahgewejegun ahwun, Ashkoodang pagiddenegahdag, kamenoo‐maundung Jehovah.

LEVITICUS 14:10

Ishwahsuhgoonahguk dush oogahoodahpenaun neezh ahyahba mahnishtahnisheensun ningood andesenegoon, kuhya pazhig equa‐mahnishtahnisheensun nangoo‐pepoon‐uhgezenejin ningood andesenegoon, kuhya nesoo tebahegun pahsaug buhquazhegun meejime‐meegewawin cheähwung, dahgoonegahdag pemeda, kuhya ningoo tebahbishkoochegun pemeda.

LEVITICUS 2:1

Uhpe dush ahweyah wahmeenaud Jehovahun ewh meejime‐meegewawin, wanesheshenig buhquazhegun pahsaug oogahmeegewan; kuhya oogahsegenaun pemeda emuh, kuhya oogahahtoon menoomahgoojegun emuh.

LEVITICUS 2:15

Pemeda dush kegahseegenaun emuh, kuhya menoomahgoojegun kegahahtoon emuh: mejime‐meegewawin ahwun.

LEVITICUS 23:13

Meejime‐meegewawin dush katuhgoo‐meegewayag neezh tebahegunun wanesheshing pahsaug buhquazhegun, kuhya pemeda dahgoonegahdag, oogahchahgezaunahwah chemenoomahgwuk anahsuhmid Jehovah: kuhya menequawine‐meegewawin mesuh shooweminahboo, kahween taähbittah tebahegun.

LEVITICUS 3:7

Kishpin wahmeegewad enewh mahnishtahnisheensun, mahnoo oogahpuggedenaun anahsuhmid owh Jehovah.

LEVITICUS 6:14

¶ Me suh oo‐oo kadezhewabuk ewh meejime‐meegewawin: Aaron oogwissun oogahpuggedenahnahwah anahsuhmeed owh Jehovah, anahsuhme‐ahyahnig ewh sahsahgewejegunahbik.

NUMBERS 28:12

Kuhya punge bahquazhegun bahsaug oonje ewh mejime‐sahsahgewejegun, ewh emuh duhgoonegahdag pemeda, oonje owh pazhig uhyahba‐pezhekeense; kuhya punge buhquazhegun bahsaug oonje ewh mejime‐sahsahgewejegun, ewh emuh duhgoonegahdag pemeda, oonje owh pazhig uhyahba‐mahnishtahnish;

NUMBERS 28:4

Owh pazhig mahnishtahnisheense kegahsahsahgewejeganun uhpe kekezhabahwuhguk, owh dush menuhwah pazhig mahnishtahnisheense kegahsahsahgewejeganun uhpe oonahgooshig;

NUMBERS 29:6

Kahween ween ewh chahgeda‐sahsahgewejegun andussookeziswuhguk pagedenegahdag duhgwuhginjegahdasenoon, kuhya ewh meejime‐sahsahgewejegun dabandahgwuk emuh, kuhya ewh chahgeda‐sahsahgewejegun andussookezhiguk suhyahsahgewejegang, kuhya ewh mejime‐sahsahgewejegun dabandahgwuk emuh, kuhya enewh oomenequa‐sahsahgewejegunewaun, nahsaub egoo anandahgwukkin, manoomahgwukkin, sahsahgewejegun chuhyahgedag Jehovah pagedenuhmuhwind.

NUMBERS 7:13

Ewh dush oomeegewawin me ewh pazhig shooneyah‐kecheöonahgun, ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, owh shekel awind emuh kechetwah‐wegewauming me owh tabuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenegahdag pemeda kaöonjemejime‐sahsahgewejegang.

ROMANUN 15:16

Cheöobuhmeetahgunemid owh Jesus Christ chekuhgekemugwah egewh mayuggezejig, debahdooduhmaun ewh oominwahjemoowin owh Kesha‐Muhnedoo, cheöonje-menoo‐oodahpenindwah egewh mayuggezejig pagedenindjig emuh oobuhmeetahgawining, kepeeneëgoowaud enewh Keche‐Oojechaugwun.

HEBREWUN 13:16

Kagoo wuhnandunkagoon chemenoo‐doodahdeyag kuhya chemuhmeenedeyag: Kesha‐Muhnedoo muh oominwandaunun oonoo doowun sahsahgewejegunun