NUMBERS 15:35 - Ottawa New Testament Penteteuch and Psalms 1874

³⁵ Jehovah dush oo‐oo oogeëzhekuhnoonaun enewh Mosesun, Owh enene ahbedakummig tahnesah: kuhkenuh egewh muhyahwunjeëdejig oogahpemwuhsenuhahwaun uhgwuhjeeng kuhbashewining.

NUMBERS 15:35 Iomraidhean Croise

LEVITICUS 20:2

Menuhwah oo‐oo kegahenaug Israel oonejahnesun, Ahwagwan menik anduhchewahgwan Israel oonejahnesun, gamuh mayuggezejig anahnuhkeejig emuh Israel ooduhkeeming, kapuggedenuhmahwahgwan oonejahnesun enewh Molochun; ahbetik tahnesah: egewh emuh uhkeeng anduhnuhkeejig oogahpimwuhsinnahahwaun.

LEVITICUS 20:27

¶ Enene gamuh equa wahdookahgood mujje‐muhnedoon, gamuh chahsuhkeed, ahbetik tahnesah: tahpemwuhsinahahwug: wenuhwah tebenuhwa oomujje‐ezhechegawinewah wanjeöonjegahtuhmoowindwah oomisqueemewah.

LEVITICUS 24:23

Moses dush oogekuhnoonaun Israel oonejahnesun chesahgechewenahnid enewh kahmujje‐kekedoonejin oonje kuhbashewining kuhya chepimwuhsinuhahnid. Me suh dush kahezhecheganid Israel oonejahesun debishkoo Jehovah kahezhekuhgaunzoomaud Mosesun.

NUMBERS 15:36

Kuhkenuh dush egewh muhyahwunjeëdejig oogeëzhewenahwaun ewede uhgwuhjeeng kuhbashewining, oogepem-wuhsenuhahwaun dush, keneboonid dush; Jehovah suh goo kahezhekuhgaunzoomaud enewh Mosesun.

ST. LUKE 4:29

Kuhya dush kepuhsegwewaud, keöonje‐sahgejewabenahwaud emuh oodanaung, kuhya dush oogeëzhewenahwaun kishkuddenahnig ewh wahjewh emuh keöozhechegahdahnig oodoodanahwewah, ewede cheoonje‐neswabenahwaud.

OODEZHECHEGAWINEWAH 7:58

Keche‐oodanaung dush oogeöonjesahgeche‐wabenahwaun kuhya oogepemwuhsinahahwaun enewh: egewh dush dabahjemoojig oogeähtoonahwah enewh oodahgwewinewaun emuh oosittaung owh pazhik ooshkenuhwa Saul kahezhenekahzood.

DEUTERONOMY 21:21

Kuhkenuh dush enewh enenewun emuh oodoodanaung oogahbemwuhsenuhegoon, chenebood dush: me suh oo‐oo kaëzheëkoonuhmun ewh mujjeühyeëewish emah uhyahyag; kuhkenuh dush Israel tahnoondahgawug kuhya tahsagezewug.