NUMBERS 15:3 - Ottawa New Testament Penteteuch and Psalms 1874

³ Uhpe kuhya Jehovah wepuhgedenuhmuhwag ishkooda‐sahsahgewejegun, sahsahgewejegun chuhyahgezegahdag, gamuh kuhya sahsahgewejegun uhpe weëzhechegayag ewh kahwahweenduhmahgayag, gamuh kuhya uhpe wahsahsahgewejegayag kenuhwah goo enanduhmag, gamah kuhya kedahnuhmeäwekoondewinewaung, chemenoomahsegayag emah anahsuhmeühyaud Jehovah, pezhekewun gamuh kuhya mahnishtahnishun beduhwag:

NUMBERS 15:3 Iomraidhean Croise

GENESIS 8:21

Jehovah dush keweeshkoobemaunjega; oo‐oo dush keëkedoo owh Jehovah emuh oodaïng, kahween menuhwah ningahkuhgwahnesugganduhseen uhkee oonje enene oodezhewabezewin; kuhkenuh mah enene oodenanduhmoewinun anandungin emuh oodaïng uhpena mujje‐ezhewabudoonatuh pahahkoo‐ooshkenegid; kah dush menuhwah ningahpukketawahseeg kuhkenuh bamahdezejig, debishkoo ahzhe kahezhechegayaun.

PSALMS 54:6

Wanepuzh kegahpuggedenuhmoon ewh meegewawin: ninwahwezhandaun kedezhenekahzoowin, oonesheshin mah.

EXODUS 29:18

Kuhkenuh dush egoo owh mahnishtahnish kegahchahgezwah emah sahsahgewejegun‐ahbikoong: chahgeda‐sahsahgawejegun pagedenuhmuhwind owh Jehovah ahwun suh ewh: me ewh manoomahtamuhguk ewh pagedenuhmuhwind Jehovah ishkooda uhyoong.

EXODUS 29:25

Kegahoodahpenuhmuhwaug dush enewh ooninjewaung, kuhya kegahchahgezaunun emah sahsahgewejegun‐ahbikoong oonje ewh chahgeda‐sahsahgewejegun, cheöonjemenoomahtag emah anahsuhmeühyaud Jehovah: ewh pagedenuhmuhwind Jehovah ishkooda uhyoong ahwun suh ewh.

EXODUS 29:41

Owh dush kuhya menuhwah pazhig mahnishtahnisheens kegahsahsahgewejeganun wanahgooshegin, nahsaub dush egoo kegahdooduhwah owh azhesing ewh meejime‐puhgedenegun kakazhebahwuhgukkin pagedenuhmun, kuhya azhesing ewh menequawine‐puhgedenegun ewh uhpe pagedenuhming, cheöonjemenoomahtag, ewh pagedenuhmuhwind Jehovah ishkooda uhyoong.

LEVITICUS 10:13

Emuh kechetwah‐ahnuhmeä‐weguhmigoong kegahmeejim, keen mah kedebandaun, kuhya kegwissug, menik oopuggedenuhmahgoowinun owh Jehovah pagidenegahdagin emuh ishkootang: me mah azhekuhgaunzoomegooyaun.

LEVITICUS 27:2

Kuhnoozh Israel oonejahnissun oo‐oo dush ezhee, Kishpin enene gagoo sanuhguk kahwahweenduhmahwaud Jehovahun kegahenuhginduhmahwah owh Jehovah enewh ahnishenahban,

LEVITICUS 7:16

Kishpin dush ween wahweendahmahgawin uhyahwunoogwan, gamuh ween enandung wanje meegewad, oogahmeejenahwah ewh kezheguk uhpe mahgewang: kuhya ewh ashkoonegahdag weyaus wuhyahbung oogahmeejenahwah:

NUMBERS 28:27

Kegahsahsahgewejeganahwah dush ewh chahgeda‐sahsahgewejegun Jehovah kamenoomaundung; neenzh uhyahba‐pezhekeensug, pazhig uhyahba‐mahnishtahnish, neenzhwahswe mahnishtahnisheensug nangoo‐pepoon‐uhgezejig;

NUMBERS 29:8

Kegahpuhgedenuhmuhwahwah dush ween Jehovah chahgedasahsahgewejegun kamenoomahgwuk; pazhig uhyahba‐pezhekeense, pazhig uhyahba‐mahnishtahnish, kuhya neenzhwahswe mahnishtahnisheensug nangoo‐pepoon‐uhgezejig; kahween tahmahkezesewug:

NUMBERS 6:15

Kuhya pazhig uhkookoobenahgun emah uhbid wambesejegahzoosig buhquazhegun, buhquazhegaunsug ewh wanezheshing pahsaug buhquazhegun keneguhwenegahdag pemeda wanjeoozheïndwah, kuhya nabuhgezejig buhquazhegaunsug wambesejegahzoosig buhquazhegun bamedawenind wanjeöo-zheïndwah, kuhya oomeejime‐puhgedenegawinewah, kuhya enewh oomenequawine‐puhgedenegawinewaun.

St Matthew 3:17

Benuh dush keche‐kezhegoong keönzetahgwud ewh enwawin oo‐oo akedoomahguk, Mesuh wah‐owh ahyahwid suhyahgeüg ningwis kahmenoonahwaïd.

II. CORINTHIANUN 2:15

Nenuhwind muh nindahwemin oomenoomahgoozewin owh Christ oonje owh Kesha‐Muhnedoo anuhkuhkayah egewh bamahjeïndjig, kuhya egewh banahdezejig:

II. CORINTHIANUN 2:16

Anuhkuhkayah egewh banahdezejig nindahwemin neboowine‐menahgoozewin cheöonje‐neboowaud; anuhkuhkayah dush egewh bamahjeïndjig nindahwemin bemahdezewine‐menahgoozewin cheöonje‐bemahdezewaud. Ahwanan dush kashketood oonoo uhyeëen.

EPHESIANUN 5:2

Kuhya bemoosayook emuh sahgeëdewining, debishkoo kahezhesahgeënung Christ, kuhya kepuhgedenedezood kenuhwind oonje, kemeegewad weyow wanesheshing tebundoowin, kuhya sahsahgewejegun Kesha‐Muhnedoo kaminwandung.

DEUTERONOMY 12:11

Tahuhyahmuhgud dush ewh Jehovah keKesha‐Muhnedoomedoomewah kawuhwanahbundung cheühtood oodezhenekahzoowin emuh; me suh emuh chebedooyag kuhkenuh azhekuhgaunzoomenenuhgoog; enewh kechahgeda‐sahsahgewejegunewaun, kuhya kesahsahgewejegunewaun, kuhya ketitheëmewaun, kuhya ewh kedoombenega‐puhgedenegawinewah keninjeewaung buhtuhkoonuhmag, kuhya kuhkenuh enewh ahpeje wanezeshingin kedebundoowinewaun wuhyahweenduhmuhwag Jehovah:

DEUTERONOMY 12:17

¶ Kahween peenjuhyeëe kedoodanaung kegahmejeseen kebuhquazhegunim ewh tithe menik, gamah kuhya keshooweminahboom, gamah kuhya kepemedam, gamah kuhya oonetumoonzhaunewaun kepezhekeemug kamah kemahnishtahnishemug, kahween kuhya kuhnuhga pazhig enewh kedebundoowinun azhedebundooyun, kahween kuhya enewh kepuhgedenegawinun keen egoo ananduhmun pagedenuhmunin, gamah kuhya oombenega‐puhgedenegawin keninjeeng buhtuhkoonuhmun:

DEUTERONOMY 12:6

Me kuhya emuh cheëzhewedooyag kechahgeda‐sahsahgewejegunewaun, kuhya kesahsahgewejegunewaun, kuhya ketitheëmewaun, kuhya kedoombenega‐puhgedenegawinewaun keninjeewaung buhuhyahmag, kuhya kedebundoowinewaun, kuhya enewh kepuhgedenegawinewaun kenuhwah goo ananduhmag pagedenuhmag, kuhya oonetumoonzhahnewaun kepezhekeemewaug kuhya kemahnishtahnishemewaug:

PHILIPPIANUN 4:18

Kuhkenuh suh nindahyaunun, kuhya newahnuhdiz: nemooshkenashkahgoo, keöodahpenuhmahwug Epaphroditus enewh uhyeëen kahpenindahewayagoon, ewh kache‐menoomahgwuk, manwandahgwuk sahsahgewejegun, kaminwahbundung Kesha‐Muhnedoo.